20:28 04.10.2024
Ադրբեջանը հերթական զորավարժություններն է անցկացնում: Այս անգամ՝ Ուզբեկստանի ԶՈՒ հետ: Հիշեցնենք՝ նախորդ զորավարժությունները ավարտվել էին ընդամենը 6 օր առաջ: Դրանք անցկացվել էին Նախիջևանում:
Ի՞նչ մանրամասներ են հայտնի այդ երկու զորավարժությունների մասին: Թեմայի շուրջ՝ «Հորիզոնի» տաղավարում մանրամասներ է հայտնել Արտյոմ Երկանյանը.
«Ուզբեկստանի ԶՈՒ հետ անցկացվող զորավարժությունն ավելի լոկալ բնույթի միջոցառում է․ այն հրամանատարաշտաբային զորավարժություն է, կավարտվի վաղը չէ մյուս օրը:
Շատ ավելի գլոբալ բնույթ էին կրում Նախիջևանում անցկացված զորավարժությունները, որոնց մասնակցում էին հատուկ ջոկատայինները, դեսանտային ուժերը, հրետանին, կիրառվել էին անօդաչու բազմաթիվ սարքեր և այլն:
Ինչպես բաց աղբյուրներից ստացված տեղեկատվությունից կարող ենք դատել, փորձարկում էին անսպասելի հարվածը՝ գիշերային պայմաններում: Մամուլը գրում է, որ այդ զորավարժությունների ընթացքում հատուկ ջոկատայինները ներխուժել են պայմանական հակառակորդի թիկունք և կատարել են իրենց առջև դրված խնդիրը:
Պատահական չէ, որ զորավարժություններն անցկացվել են Նախիջևանում․ այն սահմանամերձ է ոչ միայն Հայաստանին, այլև՝ Իրանին: Եվ այս դեպքում, կարծում եմ՝ այդ զորավարժությունները կապ ունեին հենց Իրանի հետ. մի կողմից սա զգուշացում է, ցուցադրական քայլ՝ ուղղված Թեհրանին, մյուս կողմից՝ Ադրբեջանում իսկապես ստեղծված իրավիճակում պետք է, որ պատրաստվեն Իրանի հետ հնարավոր ուժային լարվածության:
Ընդամենը մեկ օր առաջ Իրանի արտաքին գործերի նախարարը հայտարարել էր, որ Իրանը թշնամի է համարելու ցանկացած հարևան պետության, որը Իսրայելին կտրամադրի իր օդային տարածքը՝ Իրանի դեմ հարված հասցնելու համար:
Ակնհայտ է, որ այս խոսքերն ուղղված էին հենց Ալիևին, քանի որ Իրանի հարևաններից ոչ մի այլ պետություն Իրանի հետ լարված հարաբերություններ չունի այդքան և ոչ մի այլ հարևան պետություն Իսրայելի հետ այդքան սերտորեն չի համագործակցում»,-ասել է Արտյոմ Երկանյանը:
Հատկանշական է, որ վերջերս «Զանգեզուրի միջանցքի» մասին խոսում են ոչ թե իրանցի դիվանագետները, այլ բարձրաստիճան զինվորականները: «Զանգեզուրի միջանցքի» հարցում Իրանի ու Ռուսաստանի միջև եղած անհամաձայնությունները շտկվել են արդյոք, Երևանի ու Թեհրանի մոտեցումներում կա՞ն տարբերություններ «Զանգեզուրի» միջանցքի հարցում:
Մանրամասները՝ ամբողջական հարցազրույցում:
17:17 03.08.2025
Գազայում սովից մահացածների թիվը հասել է 175-իԳազայի հատվածում վերջին շրջանում սովից մահացել է առնվազն 175 մարդ, այդ թվում՝ 93 երեխա: Այս մասին հայտնել է անկլավի առողջապահության նախարարությունը իր Telegram ալիքում: «Վերջին 24 ժամվա ընթացքում Գազայի հիվանդանոցներում գրանցվել է մահվան 6 դեպք՝ սովի և թերսնման պատճառով», – հայտնել է նախարարությունը։ Սովից մահացածների ընդհանուր թիվը հասել է 175-ի, այդ թվում՝ 93 անչափահաս։ Առողջապահության […] ...
17:00 03.08.2025
«Ցրվենա Զվեզդայի» մասնակցությամբ հանդիպումը հետաձգվել էՍերբիայի Սուպերլիգայի երրորդ տուրի «Վոյվոդինա» – «Ցրվենա Զվեզդա» հանդիպումը հետաձգվել է։ Այս մասին հայտնում է առաջնության պաշտոնական կայքը։ Որոշումը կայացվել է «Ցրվենա Զվեզդայի»` Լեհաստանի չեմպիոն «Լեխի» դեմ Չեմպիոնների լիգայի որակավորման երրորդ փուլի առաջին հանդիպմանն ավելի լավ պատրաստվելու համար։ «Վոյվոդինա» – «Ցրվենա Զվեզդա» հանդիպումը պետք է կայանար օգոստոսի 2-ին։ Սերբիայի չեմպիոնը «Լեխի» դեմ առաջին հանդիպումը կանցկացնի […] ...
16:42 03.08.2025
Տարադրամի փոխարժեքները օգոստոսի 3-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384․50 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 441 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4․82 դրամ: ...
16:21 03.08.2025
Ինչպիսի եղանակ է սպասվում օգոստոսի 3-8-ըԵրևանում օգոստոսի 3-ի ցերեկը, 4-8-ին սպասվում է առանց տեղումների եղանակ։ Երեկոյան ժամերին սպավում է քամու ուժգնացում՝ 14-18 մ/վ արագությամբ։ Մարզերում օգոստոսի 3-ի ցերեկը, 4-8-ին սպասվում է առանց տեղումների եղանակ։ Քամին՝ հարավարևմտյան 2-5մ/վ։ Օգոստոսի 3-8-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։ Օդի ջերմաստիճանն էապես չի փոխվի։ ...
16:00 03.08.2025
Իսրայելի ազգային անվտանգության նախարարը կոչ է արել գրավել ԳազանԻսրայելի ազգային անվտանգության նախարար Իթամար Բեն-Գվիրը բարձրացել է Երուսաղեմում Տաճարի լեռ: Այնտեղ գտնվելու ընթացքում նա կոչ է արել արագ պարտության մատնել պաղեստինյան արմատական ՀԱՄԱՍ շարժմանը, «ամբողջությամբ գրավել» Գազայի հատվածը և հետագայում ստեղծել պայմաններ անկլավի բնակիչների «կամավոր արտագաղթի» համար: «Հենց այստեղից՝ Տաճարի լեռան վրայից, այն վայրից, որտեղ մենք ապացուցեցինք Իսրայելի ինքնիշխանության հնարավորությունը, մենք պետք է ազդանշան […] ...
15:33 03.08.2025
ՆԱՏՕ-ն քննարկում է Էստոնիայում ռազմական ստորաբաժանում տեղակայելու հնարավորությունըՆԱՏՕ-ն կարող է որոշում կայացնել դաշնակից ուժերի գերմանա-հոլանդական կորպուս տեղակայելու մասին Էստոնիայի Պյարնու քաղաքում: Այս մասին հայտնել է ERR հեռուստառադիոընկերությունը՝ հղում անելով երկրի պաշտպանության նախարարությանը: «Սա կազդի ոչ միայն մեր դաշնակիցների վրա, որոնք կատարում են հրամանատարական գործառույթներ, այլև էստոնացի զինծառայողների, այդ թվում՝ ժամկետային զինծառայողների վրա։ Սա ռազմավարական առումով կարևոր քայլ է Պաշտպանության ուժերի համար», – […] ...
