15:53 05.04.2018
Հեռուստահաղորդավար, «Առավոտ» օրաթերթի խմբագիր Արամ Աբրահամյանն իր խմբագրականում անդրադարձել է ՀՀ պաշտպանության նախարար Վիգեն Սարգսյանի՝ Միջազգային անվտանգության հարցերով մոսկովյան 7-րդ համաժողովում ունեցած ելույթին:
Ստորև ներկայացնենք խմբագրականն ամբողջությամբ.
«Հիմնական հարցը հետևյալն է. պե՞տք է արդյոք լինի նոր, երկրորդ աշխարհամարտի հետ իր ծավալներով համեմատելի գլոբալ ցնցում, որպեսզի հնարավոր լինի ձևավորել նոր, ժամանակին համարժեք պատասխան: Հուսով եմ` ոչ»: Սա մեջբերում է Միջազգային անվտանգության հարցերով մոսկովյան 7-րդ համաժողովում Հայաստանի պաշտպանության նախարար Վիգեն Սարգսյանի ելույթից: Բոլորս էլ հուսով ենք: Սակայն առայժմ նման լավատեսության համար հիմքեր, կարծես թե, չկան:
Միջազգային կառույցները (ասենք, ՄԱԿ-ը) չեն դարձել այն հարթակը, որտեղ միջազգային մակարդակով մշակվում են խաղի կանոններ և, որն ավելի էական է, կա այդ կանոնները պարտադրելու մեխանիզմ:
Հասարակ օրինակ. ենթադրենք, ՄԱԿ-ի Անվտանգության խորհրդի օրակարգում ընդգրկվում է Սկրիպալների հարցը: Պարզ է, որ որևէ բանաձև չի ընդունվի. կողմերը հանդես կգան փոխադարձ մեղադրանքներով, ու դրանով ամեն ինչ կավարտվի (քարոզչությունից այն կողմ հարցը չի գնա): Բայց եթե զուտ տեսականորեն ընդունենք, որ ինչ-որ հրաշքով ՄԱԿ-ի Անվտանգության խորհուրդը կընդունի որևէ բանաձև՝ ի՞նչ է, Բրիտանիան կհամաձայնի, որ սխալվե՞լ է՝ մեղադրելով Ռուսաստանին կամ Ռուսաստանը կասի, որ սխալվե՞լ է՝ թունավորելով Սկրիպալներին:
Եթե հարցին մոտենանք իրավական ամենայն խստությամբ, ապա մեղադրանքն ապացուցելու բեռն ընկնում է մեղադրող կողմի վրա, բայց այս դեպքում դա՛ չէ կարևորը, այլ այն, որ ՄԱԿ-ը կամ միջազգային որևէ այլ ատյան չի ապահովում խնդիրը կարգավորելու որևէ մեխանիզմ: Եվ Սկրիպալների թունավորումն աշխարհին հուզող ամենակարևոր հարցը չէ՝ պարզապես փոքրիկ օրինակ է:
Հայաստանի պաշտպանության նախարարը նշում է, որ Ազգերի լիգայի և Միացյալ ազգերի կազմակերպության ստեղծման պահին «այս կառույցների հետ կապված գլխավոր հույսերը՝ կապված հարատև խաղաղության պահպանման և բոլոր պատերազմների կանխման հետ, ցավոք սրտի, հիմնականում չարդարացան»: Ուրեմն, հավանաբար, Ազգերի լիգան ու ՄԱԿ-ն այն կառույցները չէին (չեն), որոնք կարող են կատարել այդ գործառույթը: Ուրեմն կարելի է ենթադրել, որ դրանք հիմնված են սխալ, չգործող սկզբունքների վրա: Որոնք պետք է լինեն նոր սկզբունքներ՝ ես չգիտեմ, բայց դարձյալ կարող եմ ենթադրել, որ մոտակա տասնամյակներում վերաիմաստավորվելու են «ուժ» և «հարստություն» հասկացությունները թե՛ միջազգային և թե՛ տեղական մակարդակով:
Իր ելույթում Վիգեն Սարգսյանը հիշեցնում է. «Մեր քաղաքականությունը կառուցվում է ոչ թե տարածաշրջանային և գլոբալ դերակատարների դիմակայության մանիպուլյացիայի գոտում, այլ ընդհակառակը՝ նրանց շահերի խաչման կետում»: Առայժմ ստացվում է: Բայց ո՞վ գիտի, թե ինչ է լինելու վաղը»:
13:48 02.08.2025
Ինդոնեզիայում ժայթքել է Լևոտոբի Լակի-Լակի հրաբուխըԻնդոնեզիայում կրկին ժայթքել է Լևոտոբի Լակի-Լակի հրաբուխը: Նախորդ օրը տեղի է ունեցել առաջին ժայթքումը, գրանցվել է լավայի արտանետում, մոխրի սյունը հասել է մինչև 10 կմ-ի: Մի քանի ժամ անց տեղի է ունեցել երկրորդ ժայթքումը՝ մոխրի սյան բարձրությունը հասցնելով 18 կմ-ի: Շրջանում գրանցվել են ստորգետնյա ցնցումներ։ Հրաբխի ժայթքման վայրից մինչև 5 կմ հեռավորության վրա հայտնաբերվել են […] ...
13:35 02.08.2025
Անահիտ Մանասյանն այցելել է Պաշտպանի աշխատակազմի Լոռու մարզային ստորաբաժանման գրասենյակՄարդու իրավունքների պաշտպան Անահիտ Մանասյանն աշխատակազմի ներկայացուցիչների ուղեկցությամբ օգոստոսի 1-ին այցելել է Պաշտպանի աշխատակազմի Լոռու մարզային ստորաբաժանման գրասենյակ: Քննարկվել են աշխատանքային մի շարք հարցեր, այդ թվում՝ մարզային ստորաբաժանման աշխատանքի մեթոդաբանության կատարելագործման առնչությամբ: Լոռու մարզ իրականացված այցի շրջանակներում Պաշտպանի ներկայացուցիչներն այցելել են ՀՀ արդարադատության նախարարության «Վանաձոր» քրեակատարողական հիմնարկ: Տեղի են ունեցել առանձնազրույցներ ազատությունից զրկված անձանց հետ: […] ...
13:14 02.08.2025
Տեխնոլոգիական էկոհամակարգի զարգացման ռազմավարական ուղիները. Forbes ամսագրում հրապարակվել է Մխիթար Հայրապետյանի հոդվածըՕգոստոսի 1-ին հեղինակավոր Forbes ամսագրում հրապարակվել է ՀՀ բարձր տեխնոլոգիական արդյունաբերության նախարար Մխիթար Հայրապետյանի հեղինակած հոդվածը, որը ներկայացնում է զարգացող կիսահաղորդչային և արհեստական բանականության հաբեր մուտք գործելու կարևորությունն ու ռազմավարական ուղիները։ Հոդվածում Մխիթար Հայրապետյանը խորը վերլուծությամբ ներկայացնում է այն մարտահրավերներն ու հնարավորությունները, որոնք ծառանում են զարգացող երկրներում տեխնոլոգիական ներդրումների իրականացման ճանապարհին։ Ըստ նախարարի՝ ներդրումային որոշումներ […] ...
13:00 02.08.2025
Սելարայանի գեղեցիկ գոլն ու «Բելգրանոյի» հաղթանակը․ Արգենտինայի գավաթԱրգենտինայի գավաթի խաղարկության 1/8 եզրափակչում «Բելգրանոն» 2-0 հաշվով հաղթել է «Ինդեպենդյենտեին»։ «Բելգրանոյից» ամբողջ հանդիպմանը մասնակցել է թիմ ավագ, Հայաստանի ազգային հավաքականի կիսապաշտպան Լուկաս Սելարայանը, որը նաև գեղեցիկ գոլի հեղինակ է դարձել 71-րդ րոպեին։ Սելարայանը ճանաչվել է հանդիպման լավագույն ֆուտբոլիստ։ Սելարայանի թիմը դուրս է եկել քառորդ եզրափակիչ, որտեղ կմրցի «Աթլետիկո Տուկուման» – «Նյուելս Օլդ Բոյս» զույգի […] ...
12:49 02.08.2025
Արմավիրի համայնքային ոստիկաններին տեսնելով` երիտասարդը դիմեց փախուստի. նրա ձեռքին եղած կիսաչոր կանեփը կշռում էր մոտ 12 կիլոգրամՀամայնքային ոստիկանության Արմավիրի բաժնում ստացվել էր օպերատիվ տեղեկություն, որ Արևիկ գյուղի բնակչ 53-ամյա մի տղամարդ հողամասում աճեցնում է կանեփ ու նաև ապօրինի պահում է թմրամիջոց։ Տեղեկությունը ստուգվեց հուլիսի 30-ին: Մինչ համայնքային ոստիկանները կհասնեին սեփականաշնորհված հողամաս` ճանապարհին նկատեցին մի երիտասարդի, որը կանեփի բույսեր ձեռքին վազում էր։ Ժամը 14.35-ին նա ձերբակալվեց և տեղափոխվեց բաժին: Պարզվեց, որ փախչողը […] ...
12:40 02.08.2025
Երևանի քրեական ոստիկանները հայտնաբերել են հետախուզվողի․ խափանման միջոցը կալանքՔրեական ոստիկանության Երևան քաղաքի վարչության մարդու դեմ ուղղված հանցագործությունների դեմ պայքարի բաժնի ծառայողները հետախուզվողի թաքնվելու վայրի վերաբերյալ ստացած օպերատիվ տեղեկությունն իրացրին հուլիսի 31-ի առավոտյան: Ժամը 10-ին Կոմիտասի պողոտայում հայտնաբերվեց և վարչություն տեղափոխվեց մայրաքաղաքի Մամիկոնյանց փողոցի բնակիչ 40-ամյա տղամարդ։ Նա հուլիսի 23-ից հետախուզվում էր զենքի կամ նախապես պատրաստված կամ հարմարեցված առարկայի գործադրմամբ առողջությանը ծանր վնաս պատճառելու […] ...
