12:42 20.09.2018
Կառավարության այսօրվա նիստում ՀՀ տարածքային կառավարման և զարգացման նախարար Սուրեն Պապիկյանն ասել է, որ ՀՀ ԱԺ պատգամավոր Նաիրա Զոհրաբյանն օրենսդրական նախաձեռնությամբ է հանդես եկել՝ առաջարկելով «ՀՀ տոների և հիշատակի օրերի մասին» օրենքում լրացնել Երևանի օրը որպես տոն ամրագրող դրույթը և նշել յուրաքանչյուր տարվա հոկտեմբերի երկրորդ շաբաթ օրը:
«Սկզբունքորեն դեմ չլինելով նման կետի ավելացմանը, այնուամենայնիվ, մի շարք նկատառումներ և առաջարկներ կան: Այդ օրը նշվում է որպես Թարգմանչած տոն, ուստի առաջարկում ենք «շաբաթ օրը» բառերը փոխարինել «կիրակի օրը» բառերով»,- ասել է Պապիկյանը:
Վարչապետը հետաքրքրվել է, թե սովորաբար ե՞րբ է նշվել Երևանի օրը՝ շաբա՞թ, թե՞ կիրակի: Պատասխանը եղել է, որ նշվում է երկու օր՝ և՛ շաբաթ, և՛ կիրակի:
«Բա կոնֆլիկտ այս դեպքում չի՞ առաջանում»,- հարցրել է վարչապետը:
«Տոնը, ըստ էության, մենք կապում ենք Էրեբունի-Երևան տոնակատարության հետ, որը սկսվել է նշվել 1968 թվականից: 2800-ամյակը պայմանավորված է հենց Էրեբունի անվանակոչմամբ: Ավանդույթի ուժով Էրեբունի-Երևան տոն ամրագրելն, իմ կարծիքով, շատ ավելի տեղին է ՝ դրանով մենք կպահենք ավանդույթը և կամրագրենք այն սկզբունքը, որ դա ոչ թե միայն Երևանի, այլ Էրեբունի-Երևանի տոնն է»,- ասել է տնտեսական զարգացման և ներդրումների նախարար Արծվիկ Մինասյանը:
«Եթե նշվել է հոկտեմբերի 2-րդ շաբաթ օրը, հիմա երկրորդ շաբաթ օրվա համար մենք ուրիշ տոն ունենք, իսկ երկու տոնն իրար հետ չե՞ն կարող լինել»,- ասել է վարչապետը, ինչին ի արձագանք ասվել է, որ կարող է և այդպես լինել:
Արծվիկ Մինասյանն առաջարկել է քննարկում կազմակերպել, որին մատենագիրներ կմասնակցեն:
«Ես ուղղակի մտածում եմ, որ այսպիսի օրենք ունեցանք, նշվեց, որ կիրակի օր է, բայց շարունակեցին շաբաթ էլ նշել, ի՞նչ է տալիս մեզ: Անկեղծ ասած՝ լավ չեմ հասկանում: Եթե ընդունում ենք՝ լինի հենց այն օրը, որին մարդիկ սովոր են, ինչո՞ւ ենք դիսկոմֆորտ առաջացնում, թեկուզ փոքր: Ինչ օրենք ուզում է ընդունենք, սեպտեմբերի մեկը սեպտեմբերի մեկ է, նույնը Երևանի օրվա մասին է»,- հավելել է վարչապետը:
ՀՀ ոստիկանապետ Վալերիյ Օսիպյանն իր հերթին նշել է, որ տարի է եղել, որ Երևանի տոնը նշվել է երկու օր շարունակ, նշվել է նաև միայն կիրակի օրը:
«Անկեղծ ասած՝ չեմ կարծում, նման օրենք ընդունելը որևէ բան է տալու կամ իրականության մեջ որևէ բան փոխելու է: Բայց ես առաջարկում եմ շաբաթ օրը կիրակի օր տեղափոխելու առաջարկը չանենք, որպեսզի սահմանված ավանդույթը, որի հետ պրոբլեմ չունենք, չփոխենք»,- ասել է վարչապետը:
«Հիմնական փաստարկներից մեկն այն է, որ Երևանն իր օրը պետք է ունենա: Կարծում եմ՝ այս հարցը հանրային, մասնագիտական շրջանի քննարկման հարց է»,- նկատել է Արծվիկ Մինասյանը:
Այնուամենայնիվ, Նիկոլ Փաշինյանը շեշտել է, թե նման օրենքի անհրաժեշտություն չկա:
Կառավարությունը կողմ է քվեարկել նման մոտեցմանը: Առաջարկը չի ընդունվել:
23:59 01.08.2025
Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանը շարունակում է զարգանալ: Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր՝ կանաչ տարածքներ, հանգստի վայրեր, ժամանակակից խաղահրապարակներ ու ֆուտբոլի դաշտեր: Մեր նպատակը պարզ է՝ բակերը վերադարձնել իրենց իրական տերերին՝ մարդկանց»։ Մանրամասները՝ տեսանյութում: ...
23:56 01.08.2025
Երևանի խնդրանքով ՌԴ-ն միջոցներ կձեռնարկի հացահատիկային բեռների անցումը Վերին Լարսի անցակետով թույլատրելու համարՌուսաստանի կառավարությունը Հայաստանի խնդրանքով հանձնարարել է լրացուցիչ միջոցներ ձեռնարկել Ռուսաստանից Հայաստան հացահատիկով բեռնատարների անցումը Վերին Լարսի անցակետով կազմակերպելու համար, հայտարարել է Ռուսաստանի փոխվարչապետ Ալեքսեյ Օվերչուկը։ «Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից Հայաստանի Հանրապետություն հացահատիկով բեռնատարների անցումը Վերին Լարսով կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում […] ...
23:49 01.08.2025
El Tiempo. Կոլումբիայի նախկին նախագահը կդատապարտվի 12 տարվա ազատազրկման՝ վկային կաշառելու համարԴատարանը Կոլումբիայի նախկին նախագահ Ալվարո Ուրիբեին, որը մեղավոր է ճանաչվել վկային կաշառելու մեջ, կդատապարտի 12 տարվա ազատազրկման։ Այս մասին հայտնել է El Tiempo թերթը, որը ծանոթացել է դատավորի վճռին։ «Ալվարո Ուրիբե Վելեսը կդատապարտվի 144 ամսվա, այսինքն՝ 12 տարվա ազատազրկման, նվազագույն աշխատավարձի 2420 չափով տուգանքի և 100 ամիս 20 օր ժամկետով պետական պաշտոններ զբաղեցնելու արգելքի», – […] ...
23:40 01.08.2025
Սևանա լճում քաղաքացիները հայտնաբերել են տղամարդու մասնատված մարմինՕգոստոսի 1-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 18:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Մարտունու բաժնում օպերատիվ տեղեկություններ են ստացվել, որ Մարտունի խոշորացված համայնքի Արծվանիստ բնակավայրի Սևանա լճում դի կա։ Այս մասին հաղորդում է shamshyan.com-ը, տեղում պարզվել է, որ քաղաքացիները ափից մոտ 200 մետր հեռավորության […] ...
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
23:17 01.08.2025
Փրկարարներն ուղղել են կողաշրջված բեռնատարըՕգոստոսի 1-ին, ժամը 16։20-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան-Աղվանի ավտոճանապարհի 31-րդ կմ-ին բեռնատարը կողաշրջվել է, ճանապարհը դարձել է միակողմանի, տուժածներ չկան. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից և Աղվանու հենակետից մեկական մարտական հաշվարկ։ Պարզվել է, որ «KamAZ» մակնիշի բեռնատարը […] ...
