13:05 10.04.2018
ԱԺ «Ծառուկյան» խմբակցության պատգամավոր Սերգեյ Բագրատյանը ՀՀ-ԵՄ համաձայնագիրը վավերացնելու մասին նախագծի քննարկման ժամանակ որպես հարակից զեկուցող հանդես եկող, ԱԺ Եվրաինտեգրման մշտական հանձնաժողովի նախագահ Նաիրա Զոհրաբյանից հետաքրքրվեց՝ արդյո՞ք համաձայնագրի կյանքի կոչման համար ընդամենը անհրաժեշտ է հույս դնել իշխանության քաղաքական կամքի վրա, ինչպես նշել էր հանձնաժողովի նախագահը:
«Վստահ եմ, որ եթե այդ կամքին թողնենք, կարող ենք կորցնել եղած ռեսուրսները: Ժողովուրդը լավ խոսք ունի՝ «մինչև անձրև գա, գորտի աչքը դուրս կգա»: Մենք այն վիճակին չենք, որ նորից քաղաքական կամքի վրա հույս դնենք, մենք պետք է գտնենք այն հարթակը, այն հնարավորությունը, որով կարող ենք ազդել կոնկրետ այս համաձայնագրի հետ կապված որոշումների ընդունման վրա: Կա՞ նման գործիքակազմ»,- հարցրեց Սերգեյ Բագրատյանը:
Զոհրաբյանը նախ համաձայնեց գործընկերոջ պնդումների հետ, ապա նշեց, որ նման հնարավորություն համաձայնագրով նախատեսված է.
«Կա ենթակոմիտեներ ստեղծելու հնարավորություն յուրաքանչյուր ոլորտում: Անգնահատելի եմ համարում այս գործում քաղաքացիական հասարակության ընդգրկումը: Ուժերի մոբիլիզացիա է պետք, ակտիվ աշխատանք լրատվամիջոցների և քաղհասարակության հետ, որպեսզի ընդդիմությունը (պատգամավորը, թերևս, լեզվի սայթաքում թույլ տվեց, պետք է «իշխանությունը» ասեր.- հեղինակ) հրաժարվի իր արտոնություններից, իր մենաշնորհներից, իր քաղաքական, տնտեսական մենաշնորհներից, որ ունի և որից չի հրաժարվելու՝ ինչքան էլ վաղը այս համաձայնագիրը վավերացնենք»,- եզրափակեց հանձնաժողովի նախագահը:
15:53 17.06.2025
Ուժեղ քամու հետևանքով Ապարանի տարածաշրջանում գրանցված դեպքերի հետևանքների վերացման աշխատանքները շարունակվում ենՀունիսի 16-ին ՀՀ ՆԳՆ Փրկարար ծառայության ստորաբաժանումները շարունակել են Ապարանի տարածաշրջանում նախօրեին՝ հունիսի 15-ին, գրանցված ուժեղ քամու հետևանքների վերացման աշխատանքները։ Այս մասին հայտնել են ՆԳՆ ՓԾ-ից: Վթարավերականգնողական և տեխնիկական աշխատանքներին մասնակցել է 205 փրկարարական ծառայող։ Աշխատանքներն իրականացվել են ինտենսիվ ռեժիմով՝ Ապարան քաղաքում և Լուսագյուղ բնակավայրում։ Փրկարարները կատարել են շենք-շինությունների տանիքներից վտանգավոր կերպով կախված թիթեղների և […] ...
15:40 17.06.2025
Հետախուզվողի հայտնաբերման մասին տեղեկացվել է Հակակոռուպցիոն դատարանըՔրեական ոստիկանության գլխավոր վարչությունում ստացած օպերատիվ տեղեկություններն իրացվեցին Գեղարքունիքի մարզային վարչության գործընկերների հետ: Այս մասին հայտնել են ՆԳՆ ոստիկանությունից: Հունիսի 13-ին ժամը 20.30-ին, Երևանի Մինաս Ավետիսյան փողոցի մի բնակարանում հայտնաբերվեց 2023 թվականից Սևանի բաժնի կողմից քրեական օրենսգրքի մի քանի հոդվածների խոշոր չափերով խարդախության, վստահված գույքը հափշտակելու, փողերի լվացման և պաշտոնեական կեղծիքի մեղադրանքով հետախուզվող, Սևանի բնակիչ […] ...
15:29 17.06.2025
«Բարսելոնան» շրջագայության կմեկնի Ասիա«Բարսելոնան» մինչմրցաշրջանային հատվածում շրջագայություն կանցկացնի Ասիայում։ Կատալոնացիները կլինեն Ճապոնիայում և Հարավային Կորեայում և երեք ընկերական հանդիպում կանցկացնեն։ Կատալոնական թիմը հուլիսի 27-ին կհանդիպի «Վիսել Կոբեի» (Ճապոնիա), հուլիսի 31-ին` «Սեուլի» (Հվ. Կորեա), իսկ օգոստոսի 4-ին` «Տեգուի» (Հվ. Կորեա) հետ։ Ակումբը 2019թ-ից. հետո առաջին անգամ է շրջագայության մեկնելու Ասիա։ ...
15:19 17.06.2025
Նիկոլ Փաշինյանը Ռեջեփ Էրդողանի հրավերով կմեկնի Թուրքիա. Ալեն ՍիմոնյանԱԺ նախագահ Ալեն Սիմոնյանը խորհրդարանում լրագրողների հետ զրույցում հաստատել է, որ նախապատրաստվում է վարչապետ Նիկոլ Փաշինյանի այցը Թուրքիա: «Պատերազմի հետ կապված ռիսկերն այսօր մինիմալ են, մենք պետք է աշխատենք, որ ընդհանրապես այն չեզոքացնենք, և ՀՀ կառավարությունը գործուն քայլեր է անում դրա համար: Ես համարում եմ, որ նման գործուն քայլերից մեկը ձեզ հայտնի՝ վարչապետի նախատեսվող այցն […] ...
15:10 17.06.2025
Հունիսի 21-22-ը Գավառում կանցկացվի Արհեստների միջազգային փառատոնՀունիսի 21-22-ը Գավառը կդառնա ժողովրդական արվեստների կենտրոն։ ԿԳՄՍ նախարարության աջակցությամբ այստեղ կանցկացվի Արհեստների միջազգային փառատոնը, որը կազմակերպում է Հովհաննես Շարամբեյանի անվան ժողովրդական արվեստների թանգարանը՝ Գավառի համայնքապետարանի հետ համագործակցությամբ։ Այս մասին հայտնել են ԿԳՄՍ նախարարությունից: «Երիտասարդները ստեղծում են համը․ խոհարարություն և արհեստներ» խորագրով փառատոնը մեկ վայրում կհամախմբի Հայաստանի և արտերկրի լավագույն վարպետներին։ Տեղեկացնում ենք, որ փառատոնի […] ...
