23:55 25.02.2025
Աբխազիայում, ուր նախագահական ընտրությունների առաջին փուլից հետո սպանության սպառնալիքներ էին հնչում տեղի հայերի հասցեին, իրավիճակը կայունացել է: Իրավապահների ու քաղաքական իշխանությունների գործողությունների շնորհիվ աբխազահայերն իրենց ավելի վստահ են զգում, թեև հայկական գյուղերում շարունակում են հերթապահել ոստիկանության ուժեղացված ստրաբաժանումները:
Ինչի՞ շնորհիվ հաջողվեց իջեցնել լարվածությունը: Թեմային՝ «Հորիզոնի» տաղավարում անդրադարձել է Արտյոմ Երկանյանը.
«Հիշեցնեմ՝ ընտրությունների առաջին փուլում առաջին տեղ դուրս եկավ պրոռուսական թեկնածու Բադրա Գումբան՝ առաջին հերթին հայազգի ընտրողների աջակցության շնորհիվ, քանի որ կոմպակտ հայկական բնակչություն ունեցող շրջաններում շատ ավելի շատ ձայն է հավաքել, քան նրա մրցակից Ադգուր Արձիմբան և վերջինիս թիմակիցներից ոմանք, հայտարարում էին, որ հայերը չէ որ պետք է որոշեն Աբխազիայի ճակատագիրը և նախագահ ընտրեն:
Բանը հասավ նրան, որ հայերի հասցեին սկսեցին հնչել սպառնալիքներ՝ սպանելու, վառելու և այլն:
Ստեղծված իրավիճակում հայ համայնքի ղեկավար Ալիկ Մինոսյանը ստիպված էր դիմել իրավապահներին և քաղաքական իշխանություններին՝ պահանջելով ապահովել հայերի անվտանգությունը և պարզել սադրիչներին ու պատասխանատվության կանչել նրանց:
Այն բանից հետո, երբ նախագահի պաշտոնակատարի հանձնարարությամբ հայկական գյուղեր զինված ոստիկանների հատուկ ջոկատներ բերեցին, որոշ չափով լարվածությունը նվազեց, բայց ավելի շատ այն նվազեց այն բանից հետո, երբ նախագահի պաշտոնակատարի եղբորորդի Էնվեր Գամբան, որը և հենց հանդես է գալիս հայերի հասցեին մեղադրանքներով ու սպառնալիքներով, անձամբ այցելեց հայ համայնքի նախկին նախագահ Խաչիկ Մինասյանին և ներողություն խնդրեց:
Դրանից հետո արդեն հայ համայնքի գործող ղեկավար Ալիկ Մինոսյանը նոր հայտարարություն տարածեց՝ նշելով, որ իր գործընկերոջից ներողություն խնդրելը կարող է ընկալել որպես հաշտություն և հայտարարեց, քանի որ իշխանությունները ջանքեր են գործադրում հայերի անվտանգությունն ապահովելու համար, իսկ հայերի հասցեին սպառնալիք հնչեցրած մարդկանցից մի քանիսը ներողություն են խնդրել, հայ համայնքը հետ է կանչում իր բողոքը և չի պնդում այդ մեղավորներին պատժելու հարցում»,- ասել է Արտյոմ Երկանյանը:
Ռուսաստանի իրավապահներն է՞լ էին սկսել զբաղվել հայերի հասցեին հնչող սպառնալիքներով: Ինչո՞վ է պայմանավորված Ռուսաստանի իրավապահների ահա այսպիսի հետևողականությունը հայերի իրավունքները պաշտպանելու հարցում:
Մանրամասները՝ ամբողջական հարցազրույցում:
12:11 03.08.2025
Մահացել է The Rolling Stones խմբի երաժիշտ Ֆլակո Խիմենեսը
11:56 03.08.2025
Տեր Շտեգենն ակումբի լեգենդ է, և նրան պետք է հարգել․ Գավի«Բարսելոնայի» կիսապաշտպան Գավին RAC1-ի հետ զրույցում անդրադարձել է դարպասապահ և թիմի ավագ Մարկ-Անդրե տեր Շտեգենի շուրջ ստեղծված իրավիճակին: Գերմանացի դարպասապահը կորցրել է տեղը մեկնարկային կազմում, իսկ օրեր առաջ ենթարկվել է մեջքի վիրահատության, որի պատճառով բաց կթողնի 3-4 ամիս։ Ակումբի ղեկավարությունը դժգոհ է Տեր Շտեգենից և, ըստ լուրերի, ցանկանում է զրկել նրան ավագի թևկապից։ «Մարկը թիմի […] ...
11:42 03.08.2025
Հուլիս ամսին Գեղարքունիքի մարզում ծնվել է 115 երեխա2025 թվականի հուլիս ամսին Գեղարքունիքի մարզի ծննդօգնություն իրականացնող առողջապահական հիմնարկներում ծնվել է 115 երեխա, որից 68-ը՝ տղա, 47-ը՝ աղջիկ: Այս մասին հայտնել են Գեղարքունիքի մարզպետի աշխատակազմից: 115 երեխաներից 24-ը ծնվել են Գավառի բժշկական կենտրոնում, 43-ը՝ Մարտունու ծննդատանը, 26-ը՝ Սևանի բժշկական կենտրոնում, 18-ը՝ Վարդենիսի բժշկական կենտրոնում, 4-ը՝ Ճամբարակի առողջության կենտրոնում։ ...
11:22 03.08.2025
Գյումրիում փրկարարները կանխել են քաղաքացու ինքնասպանության փորձըՕգոստոսի 2-ին, ժամը 20։16-ին Ճգնաժամային կառավարման ազգային կենտրոն ահազանգ է ստացվել, որ քաղաքացին ցանկանում է ինքնասպանություն գործել Շիրակի մարզի Գյումրի քաղաքում․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Պարույր Սևակի փողոցի շենքերից մեկի շքամուտքում քաղաքացին ցանկանում է ինքնասպանություն գործել: Փրկարարները կանխել […] ...
11:08 03.08.2025
Թուրքիայում ուժեղ անձրևներից հեղեղվել են տներ, ստորգետնյա անցումներԹուրքիայի հարավարևմտյան Դենիզլի քաղաքում տեղացած ուժեղ անձրևների հետևանքով տներ, աշխատավայրեր և ստորգետնյա անցումներ են հեղեղվել, հաղորդել է TRT Haber հեռուստաալիքը։ «Քաղաքի կենտրոնում երեկոյան ժամերին սկսված տեղատարափ անձրևը բացասաբար է ազդել առօրյա կյանքի և տրանսպորտի վրա։ Տեղատարափ անձրևի հետևանքով YSE և Ֆաթիհ ստորգետնյա անցումները լցվել են ջրով։ Անցորդների և փրկարարների օգնությամբ փրկվել են ստորգետնյա անցումում մնացած […] ...
10:59 03.08.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
10:52 03.08.2025
Լերմոնտովո գյուղի տներից մեկում հրդեհ է բռնկվելOգոստոսի 3-ին, ժամը 02։55-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լերմոնտովո գյուղի տներից մեկում հրդեհ է բռնկվել։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Լերմոնտովո գյուղի 1-ին փողոցի 1-ին նրբանցքի տներից մեկի երկրորդ հարկում (մոտ 80 քմ)։ […] ...
