17:20 07.03.2025
ՀՀ կրթության, գիտության, մշակույթի և սպորտի նախարար Ժաննա Անդրեասյանի նախագահությամբ տեղի է ունեցել Հայաստանի ազգային ֆիլհարմոնիկ նվագախմբի հիմնադրման 100-ամյակի հոբելյանական հանձնաժողովի առաջին նիստը: Հանձնաժողովը ձևավորվել է` համաձայն ՀՀ վարչապետի 2025 թ. փետրվարի 28-ի N 166-Ա որոշման:
Հանդիպմանը ներկա են եղել ԿԳՄՍ նախարարի տեղակալ Դանիել Դանիելյանը, գլխավոր քարտուղար Հասմիկ Հակոբյանը, հանձնաժողովի անդամները:
Նիստի ընթացքում քննարկվել են Հայաստանի ազգային ֆիլհարմոնիկ նվագախմբի հիմնադրման 100-ամյակի հոբելյանական ծրագրերի առաջարկները: ԿԳՄՍ նախարարություն ներկայացված 5 ծրագրային նախագծերից և 1 բրենդավորման (տարբերանշանի) փաթեթից հանձնաժողովը պետք է ընտրի և հաստատի այն միջոցառումները, որոնք ընդգրկվելու են հոբելյանական միջոցառումների ցանկում:
Ողջունելով ներկաներին՝ նախարար Ժաննա Անդրեասյանը կարևորել է Հայաստանի ազգային ֆիլհարմոնիկ նվագախմբի հիմնադրման 100-ամյակի հոբելյանական միջոցառումների պատշաճ կազմակերպումն ու իրականացումը:
«Հայաստանի ազգային ֆիլհարմոնիկ նվագախմբի հիմնադրման 100-ամյակի հոբելյանի կազմակերպումը պահանջում է առանձնահատուկ մոտեցում. առաջնահերթ առաջարկում եմ քննարկել Հայաստանի ազգային ֆիլհարմոնիկ նվագախմբի ղեկավարության առաջարկները»,- ասել է նախարարը:
Ծրագրերը դիտարկելու և քննարկելու նպատակով Ժաննա Անդրեասյանն առաջարկել է Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանին ներկայացրել նախագծերի բովանդակությունը, իսկ տնօրեն Նորայր Նազարյանին՝ ծրագրերի ուղղվածությունն ու աշխարհագրությունը:
Ըստ ներկայացված առաջարկների՝ հոբելյանական ծրագրի շրջանակում Հայաստանում նախատեսվում են Հայաստանի ազգային ֆիլհարմոնիկ նվագախմբի և աշխարհահռչակ երաժիշտների ու դիրիժորների համատեղ համերգներ, հյուրախաղեր եվրոպական երկրներում և ԱՄՆ-ում, ՀՀ մարզերում: Նվագախմբի տնօրենը նաև տեղեկացրել է, որ առաջարկում են պատրաստել տեսաֆիլմ 100-ամյա նվագախմբի անցած ճանապարհի և այժմյան գործունեության մասին:
Նախարարը, մասնավորապես, կարևորել է միջոցառումների ապակենտրոնացումը՝ ՀԱՖՆ-ի մարզային հյուրախաղերի իրականացումը, ինչպես նաև միջոցառումներին արտերկրից ժամանած անվանի երաժիշտների մասնակցությունը, արտերկրում հայկական երաժշտարվեստի հանրահռչակումը: Կարևորվել են նաև Հանրային հեռուստաընկերության կողմից հոբելյանական համերգի և առանցքային այլ համերգային ծրագրերի տեսանկարահանումը և հեռարձակումը՝ ունկնդիրների հնարավորինս լայն լսարան ապահովելու համար:
Նվագախմբի տնօրենը ներկայացրել է նաև հոբելյանի բրենդավորման տարբերակները, որի վերաբերյալ հանձնաժողովի անդամները հնչեցրել են իրենց դիտարկումներն ու առաջարկները:
Ծանոթանալով նախագծերին՝ հանձնաժողովի անդամներն առաջարկել են դիտարկել նաև Արամ Խաչատրյան համերգասրահի ճեմասրահում ՀԱՖՆ-ին նվիրված ցուցադրության և հոբելյանական նամականիշի մարման արարողության կազմակերպման հարցը:
Նիստի ավարտին նախարարն առաջարկել է ներկայացված բրենդավորման փաթեթը և հոբելյանական միջոցառումների առաջարկները էլեկտրոնային տարբերակով տրամադրել հանձնաժողովի անդամներին՝ դրանք հանգամանալից ուսումնասիրելու, այնուհետև առաջիկա նիստում ընտրելու և հաստատելու նպատակով:
08:30 02.08.2025
ՃՏՊ Վաղարշապատ-Երևան ավտոճանապարհին․ կա տուժածՕգոստոսի 2-ին, ժամը 05։20-ին Ճգնաժամային կառավարման ազգային կենտրոն ահազանգ է ստացվել, որ Երևան-էջմիածին ավտոճանապարհին՝ Զվարթնոց թաղամասի խաչմերուկի մոտակայքում, տեղի է ունեցել ՃՏՊ․ կա արգելափակված քաղաքացի։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Վաղարշապատ-Երևան ավտոճանապարհի 5-րդ կմ-ին «VAZ» մակնիշի ավտոմեքենան բախվել է կայանած «ZIL» մակնիշի բեռնատարին․ […] ...
23:59 01.08.2025
Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանը շարունակում է զարգանալ: Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր՝ կանաչ տարածքներ, հանգստի վայրեր, ժամանակակից խաղահրապարակներ ու ֆուտբոլի դաշտեր: Մեր նպատակը պարզ է՝ բակերը վերադարձնել իրենց իրական տերերին՝ մարդկանց»։ Մանրամասները՝ տեսանյութում: ...
23:56 01.08.2025
Երևանի խնդրանքով ՌԴ-ն միջոցներ կձեռնարկի հացահատիկային բեռների անցումը Վերին Լարսի անցակետով թույլատրելու համարՌուսաստանի կառավարությունը Հայաստանի խնդրանքով հանձնարարել է լրացուցիչ միջոցներ ձեռնարկել Ռուսաստանից Հայաստան հացահատիկով բեռնատարների անցումը Վերին Լարսի անցակետով կազմակերպելու համար, հայտարարել է Ռուսաստանի փոխվարչապետ Ալեքսեյ Օվերչուկը։ «Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից Հայաստանի Հանրապետություն հացահատիկով բեռնատարների անցումը Վերին Լարսով կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում […] ...
23:49 01.08.2025
El Tiempo. Կոլումբիայի նախկին նախագահը կդատապարտվի 12 տարվա ազատազրկման՝ վկային կաշառելու համարԴատարանը Կոլումբիայի նախկին նախագահ Ալվարո Ուրիբեին, որը մեղավոր է ճանաչվել վկային կաշառելու մեջ, կդատապարտի 12 տարվա ազատազրկման։ Այս մասին հայտնել է El Tiempo թերթը, որը ծանոթացել է դատավորի վճռին։ «Ալվարո Ուրիբե Վելեսը կդատապարտվի 144 ամսվա, այսինքն՝ 12 տարվա ազատազրկման, նվազագույն աշխատավարձի 2420 չափով տուգանքի և 100 ամիս 20 օր ժամկետով պետական պաշտոններ զբաղեցնելու արգելքի», – […] ...
23:40 01.08.2025
Սևանա լճում քաղաքացիները հայտնաբերել են տղամարդու մասնատված մարմինՕգոստոսի 1-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 18:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Մարտունու բաժնում օպերատիվ տեղեկություններ են ստացվել, որ Մարտունի խոշորացված համայնքի Արծվանիստ բնակավայրի Սևանա լճում դի կա։ Այս մասին հաղորդում է shamshyan.com-ը, տեղում պարզվել է, որ քաղաքացիները ափից մոտ 200 մետր հեռավորության […] ...
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
