14:53 25.09.2018
Շիրակի մարզում այս տարի հացահատիկի առատ բերք է ստացվել, բայց ոչ ցանքերի ավելացման, այլ 1 հեկտարից ստացված բերքատվության հաշվին: 2016 թվականի համեմատ, անցած տարի 6300 հեկտարով մարզում պակաս հացահատիկ էր ցանվել, ցանածից 5000 հեկտարն էլ կարկուտն էր վնասել։ Հիմա մարզում աշնանացան է։ Սպասվում է, որ մոտ 1000 հեկտարով ցորենի ցանքերը կավելանան անցած տարվա համեմատ, բայց դա չի նշանակի, որ այն ամբողջությամբ կլուծի մարզի պարենային ցորենի պահանջարկը։
Հացիկ գյուղում, որն իր անունը ժամանակին ստացել էր որակյալ ցորեն ամբարելու շնորհիվ, հիմա 3 անգամ քիչ ցորեն են ցանում։ Նախկինում, սեզոնին ցորենի արտերը 300 հեկտար էին կազմում, հիմա՝ ընդամենը 100: Մշակում են նրանք, ովքեր ավանդականից չեն ուզում հրաժարվել: Հացիկում գյուղացիներն ասում են, ամոթ է ցորեն չցանելը: Բացի դրանից՝ հողը պարապ թողնելը գյուղացուն վայել չէ։ Ցորենի լիարժեք մշակության համար մեծ գումարներ են պահանջվում, բայց հողագործները դրա հնարավորությունը չունեն։ Փորձում են քիչ ծախսերով գործն առաջ տանել, առանց ոռոգման, առանց պարարտացման, արդյունքն էլ լինում է ոչ շահավետ։ Բացի դրանից՝ վստահ էլ չեն, որ բերքը կարկուտը չի տանի, կամ էլ բերքահավաքի ընթացքում ցորենի գինը չի ընկնի:
Այս տարի բերքահավաքին ցորենի 1 կգ-ը 95 դրամով են վաճառել ալրաղացներին։ Գյուղերում ցորենի մշակությունը վաղուց չի համարվում եկամտաբեր: Աճեցրած ցորենը վատ որակի է, դրանից էլ հացամթերքն է անորակ ստացվում: Ալրաղացներում ամեն օր համոզվում են դրանում: «Հացատու» ՍՊԸ-ի տնօրեն Լևոն Համբարյանը նշում է, որ այս տարի ստացված ցորենի բերքի փոքր մասն էր միայն պիտանի հացամթերքի ալյուրի համար, մնացածը որակով մոտ էր անասնակերի տեսակներին։ Սա է պատճառներից մեկը, որ տեղական ցորենի գինը նվազել է:
Այսօր էժան ցորենը դառնում է ոչ թե պարենային ալյուր, այլ գյուղացիական շատ տնտեսություններում վերածվում է անասնակերի, քանի որ ներմուծվող անասնակերի բաղադրիչները, օրինակ՝ եգիպտացորենը, ավելի թանկ են, քան տեղական ցորենը: Հայաստանի պարենային ցորենի 75 տոկոսը ներկրվում է Ռուսաստանից, ու սա է պատճառը, որ ցորենի՝ ցամաքային ճանապարհով Հայաստան տեղափոխման արգելքն այս օրերին լուրջ մտահոգություն է առաջացրել: Պարենային ցորենի ցանքերն ավելացնելու համար տարիներ առաջ պետական ծրագիր կար, որը գյուղացիական տնտեսությունների պարտքերի պատճառով ձախողվեց: Հիմա փորձ է արվում գումարային աջակցությամբ անմշակ հողերը պակասեցնել, բայց, ըստ Շիրակի մարզպետարանի գյուղվարչության պետ Մովսես Մանուկյանի՝ ցորենի ինքնաբավության խնդիրը դրանով չի լուծվի: Շիրակի մարզը լավագույն դեպքում կարող է տարեկան 150.000 տոննա ցորեն արտադրել, ինչն ընդհանուր պահանջարկի 10 տոկոսն էլ չէ: Հանրապետության մյուս մարզերը դրանից քիչ ցանքեր ունեն:
19:50 02.05.2025
Մայրաքաղաքում կկատարվի երթևեկության կազմակերպման փոփոխությունԵրևանի քաղաքապետարանից տեղեկացնում են, որ մայիսի 6-ից կկատարվի երթևեկության կազմակերպման փոփոխություն: «Մասնավորապես՝ Բաղյան փողոցից դեպի Գյուրջյան փողոց նախկին թույլատրված աջ և ձախ երթևեկության փոխարեն երթևեկությունը կթույլատրվի «միայն աջ» ուղղությունով»,- ասվում է հաղորդագրությունում: ...
19:44 02.05.2025
Կլիմայի փոփոխության գործընթացում «շրջադարձային կետերը» անխուսափելի ենԿլիմայի փոփոխության գործընթացում «շրջադարձային կետերը» անխուսափելի են: Ինչպես տեղեկացնում է Հիդրոօդերևութաբանության և մոնիթորինգի կենտրոնը, Էքսետերի և Համբուրգի համալսարանների գիտնականների նոր ուսումնասիրությունը ցույց է տալիս, որ եթե գլոբալ քաղաքականությունը շարունակվի այնպես, ինչպես կա, կլիմայական բազմաթիվ «շրջադարձային կետեր» կարող են առաջանալ: «Շրջադարձային կետ» է համարվում այն, երբ փոքր փոփոխությունը համակարգը տեղափոխում է նոր վիճակի՝ առաջացնելով զգալի և […] ...
19:39 02.05.2025
Աշխատանքի և աշխատավորների միջազգային օրվա առթիվ Նարեկ Մկրտչյանը հյուրընկալել է աշխատանքի վետերաններիԱշխատանքի և աշխատավորների միջազգային օրվա առթիվ՝ Աշխատանքի և սոցիալական հարցերի նախարար Նարեկ Մկրտչյանն այսօր նախարարությունում հյուրընկալել է աշխատանքի վետերաններ՝ 89-ամյա Թամարա Կարապետյանին և 86-ամյա Ռազմիկ Աբրահամյանին, ովքեր բնակվում են պետության ենթակայությամբ գործող շուրջօրյա խնամքի հաստատություններում։ Նախարարը շնորհակալություն է հայտնել նրանց՝ երկարամյա աշխատանքային գործունեության և ունեցած վաստակի համար։ Վերջիններս նախարարին պատմել են իրենց գործունեության, խոսել աշխատելու […] ...
19:30 02.05.2025
Տելեգրամի միջոցով թմրանյութ ձեռք բերած երիտասարդը ներկայացվել է նախաքննական մարմինՔրեական ոստիկանության Կոտայքի մարզային վարչության ծառայողները տեղեկություններ էին ստացել, որ Երևանի բնակիչ 27-ամյա երիտասարդը առցանց եղանակով թմրամիջոց է ձեռք բերել: Ձեռնարկված միջոցառումների արդյունքում մայիսի 1-ին Բջնի-Քաղսի ավտոճանապարհին 27-ամյա երիտասարդը հայտնաբերվել, ձերբակալվել և տեղափոխվել է վարչություն: Նրա անձնական խուզարկությամբ հայտնաբերվել է «Ալֆա ՊՎՊ» տեսակի թմրամիջոցի նմանվող զանգված: Երիտասարդը հայտնել է, որ այն անձնական օգտագործման համար ձեռք […] ...
19:20 02.05.2025
Դատախազական ակտի կիրառման արդյունքում վերականգնվել է պետությանը պատճառված 75 միլիոն դրամ վնասըՔննչական կոմիտեում քննվող քրեական վարույթի ուսումնասիրությամբ պարզվել է, որ բազմաբնակարան շենքերի կառուցապատմամբ և բնակարանների վաճառքով զբաղվող ընկերության սեփականատեր Ա.Մ.-ն նույն ընկերության տնօրեն Գ.Վ.-ի հետ նախնական համաձայնությամբ, առանձնապես խոշոր չափերով հարկեր վճարելուց խուսափելու, այդ միջոցով շահույթ ստանալու նպատակով՝ Երևան քաղաքի Նորք-Մարաշ վարչական շրջանում կառուցվող բազմաբնակարան շենքից 2022-2024 թվականների ընթացքում իրացրել է բնակարաններ՝ կառուցվող շենքից անշարժ գույք […] ...
19:14 02.05.2025
Կիրանցի առօրյան. սահմանազատումից մեկ տարի անցՄեկ տարի առաջ՝ 2024-ի ապրիլի 23-ին, Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը: Արդյունքում սահմանազատվեց 12 կմ-ոց հատված: Անվտանգային ինչպիսի՞ հարց է լուծվել, մեկ տարվա ընթացքում ի՞նչ է փոխվել սահմանամերձ այս գյուղերում ապրող մարդկանց կյանքում: «Շանթ» ՀԸ «Հորիզոնի» նկարահանող խումբը եղել է Կիրանցում ՝ զրուցելու տեղացիների հետ և նրանց առօրյայի ու զգացողությունների մասին […] ...
