19:00 06.06.2025
2024 թվականին ՀՀ աշխատանքի եւ սոցիալական հարցերի նախարարության բյուջեի կատարողականը կազմել է 97 տոկոս: Նախարարությունն իրականացրել է 17 ծրագիր, 102 միջոցառում: Կատարվել են 7,1 մլրդ դրամի վերաբաշխումներ, իրականացվել են 1 մլրդ 797 մլն դրամի գնումներ, որից 1 մլրդ 127 մլն դրամ՝ մեկ անձի հետ գնման եղանակով: Այս մասին հունիսի 6-ին ասել է ՀՀ ֆինանսների նախարար Վահե Հովհաննիսյանը ՀՀ ԱԺ աշխատանքի եւ սոցիալական հարցերի ու Ֆինանսավարկային եւ բյուջետային հարցերի մշտական հանձնաժողովների համատեղ նիստում: Քննարկվել է «ՀՀ 2024 թվականի պետական բյուջեի կատարման մասին» տարեկան ոլորտային հաշվետվությունը:
ՀՀ աշխատանքի եւ սոցիալական հարցերի նախարար Նարեկ Մկրտչյանը մանրամասն ներկայացրել է հաշվետու տարում գերատեսչությունում իրականացրած աշխատանքների կատարողականն ու ֆինանսական հատկացումները: Նախարարը նշել է, որ 2024 թ. հաստատվել է ոլորտի կարեւոր փաստաթղթերից մեկը «ՀՀ ժողովրդագրական իրավիճակի բարելավման 2024-2040 թթ. ռազմավարությունը»:
Ըստ զեկուցողի՝ 2024թ. ընթացքում «Դրամական աջակցություն ընտանիքում 3 եւ ավելի երեխա ունեցող ընտանիքներին» միջոցառման շրջանակներում դրամական աջակցություն է ստացել 28,163 ընտանիք: Հաշվետու տարում մինչեւ 2 տարեկան երեխայի խնամքի նպաստ է ստացել 58,794 քաղաքացի:
2024թ. ընթացքում նախարարության հատկացված միջոցների գերակշիռ մասը՝ 519.6 մլրդ դրամ, տրամադրվել է Կենսաթոշակային ապահովության ծրագրի ֆինանսավորմանը:
2024թ. ավելի քան 60.6 մլրդ դրամ է տրամադրվել Ճգնաժամերի հակազդման եւ արտակարգ իրավիճակների հետեւանքների նվազեցման եւ վերացման նպատակով` առանձին սոցիալական խմբերին տրվող սոցիալական աջակցության ծրագրի շրջանակում ապահովելով 92.3 տոկոս կատարողական:
Նարեկ Մկրտչյանը մանրամասն անդրադարձել է Լեռնային Ղարաբաղից տեղահանված մեր հայրենակիցների համար իրականացվող ծրագրերին:
Նախարարը խոսել է «Հայաստանի զբաղվածության 2025-2031 թվականների ռազմավարական ծրագրի» մասին: 2024 թ. ընթացքում Միասնական սոցիալական ծառայության ուղեգրումների եւ խորհրդատվության արդյունքում աշխատանքով է ապահովվել աշխատանք փնտրող 13329 անձ:
Նախարարը տեղեկացրել է, որ «Տարեց եւ (կամ) հաշմանդամություն ունեցող անձանց շուրջօրյա խնամքի ծառայություններ» միջոցառման շրջանակներում տարեցների եւ հաշմանդամություն ունեցող անձանց շուրջօրյա խնամքի ծառայությունների ծախսերը կազմել են ավելի քան 3.2 մլրդ դրամ կամ նախատեսվածի 96.3 տոկոսը: Նշված ծախսերը նախորդ տարվա համեմատ աճել են 5.9 տոկոսով, որը պայմանավորված է շուրջօրյա խնամք ստացող շահառուների թվի աճով: Շուրջօրյա խնամքի տրամադրման ծառայություն ստացող տարեց եւ (կամ) հաշմանդամություն ունեցող անձանց թիվը կազմել է 1237՝ կանխատեսված 1285-ի դիմաց եւ նախորդ տարվա 1202-ի դիմաց:
«Երեխաների խնամքի ցերեկային ծառայությունների տրամադրում» միջոցառման շրջանակում 2024թ. ընթացքում ցերեկային խնամքի ծառայություն է ստացել 3610 երեխա:
Նախարարը պատասխանել է պատգամավորների հարցերին, որոնք վերաբերել են ժողովրդագրությանը, կենսաթոշակի չափի հնարավոր բարձրացմանը, բռնության ենթարկված անձանց ապաստարանների, աջակցման կենտրոնների ավելացմանը:
23:59 03.08.2025
«Երևան» երիտասարդական նվագախումբը ներկայացրել է Հայաստանը Բեռլինի «Կոնցերտհաուս» համերգասրահում«Երևան» երիտասարդական նվագախումբը՝ մաեստրո Սերգեյ Սմբատյանի ղեկավարությամբ ներկայացրեց Հայաստանը և Երևանը Բեռլինի «Կոնցերտհաուս» համերգասրահում՝ «Երիտասարդ եվրոպական դասականներ» փառատոնում: Այս մասին ֆեյսբուքյան իր էջում գրել է Երևանի քաղաքապետ Տիգրան Ավինյանը: «Նվագախումբը ստեղծվել և ամբողջությամբ աջակցություն է ստանում Երևանի քաղաքապետարանի կողմից, և մեր քաղաքը կանգնած է այս հաջողության հիմքում՝ սկսած գաղափարի ծնունդից մինչև բեմ դուրս գալու իրական […] ...
23:41 03.08.2025
Սպիտակ քաղաքի և Լեռնանցք բնակավայրի մի շարք հասցեներում փորձարկվելու են էլեկտրական շչակներՕգոստոսի 4-ին՝ ժամը 10:00-ից մինչև 17:00-ն ընկած ժամանակահատվածում, Լոռու մարզի Սպիտակ քաղաքի և Լեռնանցք բնակավայրի մի շարք հասցեներում փորձարկվելու են էլեկտրական շչակներ: Փրկարար ծառայությունից խնդրում են չանհանգստանալ։ ...
23:28 03.08.2025
Երևանում կայացավ համաշխարհային փոփ աստղ Ջենիֆեր Լոպեսի մենահամերգըԵրևանում կայացել է համաշխարհային փոփ աստղ Ջենիֆեր Լոպեսի մենահամերգը, որը տեղի է ունեցել Վազգեն Սարգսյանի անվան հանրապետական մարզադաշտում։ Այս մասին տեղեկացնում են ԿԳՄՍ նախարարությունից: Լոպեսը երևանյան հանդիսատեսին ներկայացրել է հին ու սիրված հիթերը, ինչպես նաև իր վերջին ալբոմի նոր ստեղծագործությունները՝ պարային կատարումներով և հատուկ լուսաձայնային էֆեկտների ուղեկցությամբ։ Ի թիվս բազմահազար հանդիսատեսի՝ համաշխարհային աստղի երևանյան համերգին […] ...
23:20 03.08.2025
Հրդեհ Լուկաշին գյուղում․ կանխվել է հրդեհի տարածումը դեպի մեղվի փեթակներՕգոստոսի 3-ին` ժամը 16:52-ին, Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Լուկաշին գյուղի Անդրանիկի փողոցում այրվում է մեղվանոց։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Պարզվել է, որ հրդեհը բռնկվել է չբնակեցված քարե շինությունում (մոտ 30 քմ)։ Հրդեհը մեկուսացվել է՝ ժամը 17:15-ին, մարվել՝ 18:39-ին: Այրվել […] ...
23:10 03.08.2025
Ավստրալիայում առատ ձյուն է տեղացելԱվելի քան 40 տարվա ընթացքում Ավստրալիայում առաջին անգամ առատ ձյուն է տեղացել: Ձյան առատ տեղումները հազվադեպ են Ավստրալիայի համար: Ձյունը քաոս է առաջացրել մի շարք շրջաններում՝ էլեկտրաէներգիայի անջատումներ, ճանապարհներին բազմաթիվ վթարներ։ Փրկարարական ծառայությունները խնդրում են բնակչությանը զերծ մնալ տեղաշարժվելուց մերկասառույցի և փոթորկային քամիների պատճառով։ ...
23:00 03.08.2025
Իրանը պլանավորում է եռապատկել Պակիստանի հետ առևտուրըԻրանը պլանավորում է եռապատկել Պակիստանի հետ իր առևտուրը՝ 3 միլիարդ դոլարից հասցնելով 10 միլիարդ դոլարի, հայտարարել է Իրանի նախագահ Մասուդ Փեզեշքիանը։ Կիրակի օրը Փեզեշքիանը Պակիստան կատարած այցի ընթացքում հանդիպել է Պակիստանի վարչապետ Շահբազ Շարիֆի հետ։ «Բարեբախտաբար, կան լուրջ համատեղ ջանքեր՝ բոլոր ոլորտներում հարաբերությունները խորացնելու և համագործակցությունը ընդլայնելու համար։ Ես խորապես համոզված եմ, որ մենք կկարողանանք […] ...
