13:20 29.09.2018
Բանկերում քաղաքացիների՝ տարիներով չվճարված վարկերի տույժ ու տուգանքների զիջումը, պարզվում է, վերաբերում է ոչ բոլորին: Կառավարության որոշմամբ` չեղյալ են համարվելու միայն այս տարվա մայիսի 31-ի դրությամբ անհուսալի դասակարգված վարկերի տույժերը, իսկ դրանք 271 և ավելի օր ուշացումներ գրանցած վարկերն են:
Նշված պայմանի պատճառով ժամկետանց վարկեր ունեցող շատ վարկառուներ տույժերի համաներման ծրագրից դուրս են մնացել: Նրանցից մեկն էլ Ազատանի բնակիչ Սիլվա Հայկյանն է, որը 5 տարվա անթերի վարկային պատմություն է ունեցել, ժամանակին վճարումներ կատարել է ու վարկերի միջոցով տնտեսությունն ընդլայնել: Բայց հերթական 720․000 դրամ կազմող վարկը, որը վերցրել էր մեկ տարի առաջ` կարտոֆիլի ցանք կազմակերպելու նպատակով, չի կարողացել փակել։ Նշում է, որ կարտոֆիլի վատ բերք է ստացել կարկտահարության պատճառով։ Հայկյաններին չի հաջողվել մնացած 600.000 դրամի վարկը ժամանակին փակել:
7 ամիս Հայկյանները մուծումներ չեն արել, ուշացումների պատճառով վարկի մայր գումարին տույժեր են ավելացել: Հայկյան Սիլվան չի օգտվի տույժերի զիջման ծրագրից: 2018 թվականի մայիսի 31-ի դրությամբ նրա ուշացումները եղել են մոտ 90 օր: Նրա վարկը բանկում որպես անհուսալի չի դասակարգվել: Բանկերի ղեկավարներն են բացատրում, որ անհուսալի վարկերի շարքում ներառվում են 271 և ավելի օրերի ուշացումներով վարկերը, որոնք բանկերին ոչ թե օգուտ, այլ վնաս բերող էին համարվում, ու դրանք, որպես չաշխատող ակտիվ, բանկերը դուրս էին գրել իրենց հաշվեկշիռներից։ Շատ դեպքերում, երբ անհուսալի վարկեր ունեցող վարկառուն ճանաչվում էր սնանկ, բանկը վարկը դուրս գրելուց հետո գումարների վերադարձի ակնկալիք չուներ, իսկ եթե վարկառուն որևէ վճարում անում էր, ապա գումարն ուղղվում էր ոչ թե վարկի մայր գումարի, այլ տույժ ու տուգանքների մարմանը։
Հիմա, տույժերի զիջման գործընթացի պարագայում, բանկերը կզրոյացնեն անհուսալի վարկերի միայն տույժ ու տուգանքները, իսկ վարկի մայր գումարն ու տոկոսները կմնան վարկառուի պարտքը։ Իսկ մինչև 271 օր ժամկետանց վարկերի տույժ ու տուգանքներն ավելի քիչ են, ու բանկերը հույս ունեն, որ դրանց վերադարձելիությունն ապահովել դեռ հնարավոր է։ Ու դրա համար էլ ժամկետանց այդ վարկերի նկատմամբ տույժերի զիջում չի լինի։
Բացի դրանից, ըստ «Արեգակ» ունիվերսալ վարկային կազմակերպության Գյումրիի և Արթիկի մասնաճյուղերի կառավարիչ Էդուարդ Մանուկյանի, եթե այդ տույժերի հարկերն էլ կառավարությունը զիջի, ապա բանկերը պատրաստակամ կլինեն զիջել նաև մինչև 271 օր ուշացումներով վարկերի տույժ ու տուգանքները։ Ու նաև, հիմա արդեն բանկերը չեն կարող ժամկետանց վարկերին անվերջ տույժեր հաշվարկել, ինչը եղել է նախկինում, տույժերի չափն արդեն կարգավորվելու է համապատասխան նորմատիվներով։ Իսկ դատարանները շատ ծանրաբեռնված են, վարկերի ետ վճարման պահանջով ավելի քան 5000 գործ կա:
19:30 02.05.2025
Տելեգրամի միջոցով թմրանյութ ձեռք բերած երիտասարդը ներկայացվել է նախաքննական մարմինՔրեական ոստիկանության Կոտայքի մարզային վարչության ծառայողները տեղեկություններ էին ստացել, որ Երևանի բնակիչ 27-ամյա երիտասարդը առցանց եղանակով թմրամիջոց է ձեռք բերել: Ձեռնարկված միջոցառումների արդյունքում մայիսի 1-ին Բջնի-Քաղսի ավտոճանապարհին 27-ամյա երիտասարդը հայտնաբերվել, ձերբակալվել և տեղափոխվել է վարչություն: Նրա անձնական խուզարկությամբ հայտնաբերվել է «Ալֆա ՊՎՊ» տեսակի թմրամիջոցի նմանվող զանգված: Երիտասարդը հայտնել է, որ այն անձնական օգտագործման համար ձեռք […] ...
19:20 02.05.2025
Դատախազական ակտի կիրառման արդյունքում վերականգնվել է պետությանը պատճառված 75 միլիոն դրամ վնասըՔննչական կոմիտեում քննվող քրեական վարույթի ուսումնասիրությամբ պարզվել է, որ բազմաբնակարան շենքերի կառուցապատմամբ և բնակարանների վաճառքով զբաղվող ընկերության սեփականատեր Ա.Մ.-ն նույն ընկերության տնօրեն Գ.Վ.-ի հետ նախնական համաձայնությամբ, առանձնապես խոշոր չափերով հարկեր վճարելուց խուսափելու, այդ միջոցով շահույթ ստանալու նպատակով՝ Երևան քաղաքի Նորք-Մարաշ վարչական շրջանում կառուցվող բազմաբնակարան շենքից 2022-2024 թվականների ընթացքում իրացրել է բնակարաններ՝ կառուցվող շենքից անշարժ գույք […] ...
19:14 02.05.2025
Կիրանցի առօրյան. սահմանազատումից մեկ տարի անցՄեկ տարի առաջ՝ 2024-ի ապրիլի 23-ին, Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը: Արդյունքում սահմանազատվեց 12 կմ-ոց հատված: Անվտանգային ինչպիսի՞ հարց է լուծվել, մեկ տարվա ընթացքում ի՞նչ է փոխվել սահմանամերձ այս գյուղերում ապրող մարդկանց կյանքում: «Շանթ» ՀԸ «Հորիզոնի» նկարահանող խումբը եղել է Կիրանցում ՝ զրուցելու տեղացիների հետ և նրանց առօրյայի ու զգացողությունների մասին […] ...
19:07 02.05.2025
Նախագահական նստավայրում հյուրընկալվել են ֆիզիկամաթեմատիկական մասնագիտացված դպրոցի աշակերտներըՆախագահական նստավայրում հյուրընկալվել են Երևանի Արտաշես Շահինյանի անվան ֆիզիկամաթեմատիկական մասնագիտացված դպրոցի աշակերտները։ Նրանք շրջայց են կատարել նստավայրում, ծանոթացել դրա պատմությանը, ճարտարապետական առանձնահատկություններին և գործունեության կարգին։ Այնուհետև Հանրապետության նախագահ Վահագն Խաչատուրյանն աշակերտների համար դասախոսություն է կարդացել՝ ներկայացնելով պետության և ազատ շուկայական տնտեսության փոխհարաբերությունները, դրանց նշանակությունն ու կիրառական դրսևորումները ժամանակակից կառավարման համակարգում։ Դասախոսությունից հետո նախագահն անմիջական մթնոլորտում […] ...
19:00 02.05.2025
Գողությունը բացահայտվել է. 25-ամյա հարևանուհին խոստովանել է արարքըՔրեական ոստիկանության Տավուշի մարզային վարչությունում հաղորդում տված քաղաքացին հայտնել էր, որ ապրիլի 28-ի ժամը 14-ից 18-ն ընկած ժամանակահատվածում Դիլիջանի Աթարբեկյան փողոցում գտնվող իր տնից գողացել են բջջային հեռախոս: Նշված հասցե օպերատիվ խումբ է մեկնել: Կազմված փաստաթղթերն ուղարկվել են Դիլիջանի քննչական բաժին, որտեղ քրեական վարույթ է նախաձեռնվել: Ձեռնարկված օպերատիվ-հետախուզական միջոցառումների արդյունքում մայիսի 1-ին հանցագործությունը բացահայտվել է: […] ...
18:54 02.05.2025
Իրանում գործող հայկական մի շարք կառույցներ դատապարտել են Թեհրանում Ցեղասպանության տարելիցի կապակցությամբ միջոցառման ժամանակ գրանցված միջադեպըԻրանում գործող հայկական մի շարք կառույցներ դատապարտել են Հայոց ցեղասպանության 110-րդ տարելիցի կապակցությամբ Թեհրանում կազմակերպված միջոցառման ժամանակ գրանցված միջադեպը՝ կոչ անելով հայկական մյուս կառույցներին և Իրանի խորհրդարանի հայ պատգամավորներին ևս դատապարտել այն։ «Հայոց ցեղասպանության 110-րդ տարելիցի ծրագրերի շարքում, Թեհրանում տեղի ունեցած ամենամյա ծաղկեմատույցի արարողության ժամանակ, ծրագրին մասնակցող ՀՀ դեսպանության դիվանագիտական կազմի նվիրաբերած ծաղկեկողովը, որը զարդարված […] ...
