11:43 02.10.2018
Քիչ առաջ երևանի ավագանու անդամ Անահիտ Բախշյանը ֆեյսբուքյան իր էջում գրառում է կատարել Երևանի թ. 42 ավագ դպրոցի տնօրենի պաշտոնավարությունը կասեցնելու վերաբերյալ բողոքի ակցիայի և ԿԳՆ պաշտոնյայի տարօրինակ հայտարարության մասին:
Գրառումը ամբողջությամբ ներկայացնում են ստորև․
«Երևանի թ.42 ավագ դպրոցի տնօրենի պաշտոնավարությունը կասեցնելու վերաբերյալ բողոքի ակցիա են սկսել դպրոցի 23 մանկավարժներից 12-ը: Ինչո՞ւ, որովհետև քննչական մարմնին դպրոցի փոխտնօրենի կողմից ուղարկված փաստերի հիման վրա առնվազն մեկը՝ արտերկրում գտնվող աշակերտին ատեստատ տալու փաստը, ըստ քննիչի ստորև ներկայացված ծանուցման, հաստատվել է, որն ուղիղ կապ ունի տվյալ դպրոցում կազմակերպվող կրթության որակի հետ: Մնացած փաստերն ուսումնասիրելու համար մանկավարժները պահանջում են ժամանակավորապես կասեցնել տնօրենի գործունեությունը, որպեսզի նա չխոչընդոտի նախաքննությանը, որի մեջ առաջին շահագրգռված կողմը պետք է լինի Կրթության նախարարությունը: Ու այդ գործողությունը, քննչականի առաջարկով իրավունք ունի անել միայն տնօրենի հետ աշխատանքային պայմանագիր կնքած պետական լիազոր մարմինը, որն այս դեպքում ԿԳ նախարարն է:
Այնինչ, Հանրային հեռուստատեսության ռեպորտաժում ԿԳՆ հանրակրթության վարչության պետ պարոն Արշակյանը հայտարարեց, թե ինքը որևէ խնդիր չի լսել կրթության որակի, դասապրոցեսի վերաբերյալ: Այսինքն ԿԳՆ-ն խնդիր չի տեսնում այն երևույթի մեջ, երբ աշակերտները գիտեն, որ մատյանում գրված ցուցակում կա մի աշակերտ, որը բացակայում է երկրից, սակայն նրա անվան դիմաց ոչ միայն բացականեր չեն դրվում, այլև գնահատականներ են հայտնվում, լինելով բացակա, մասնակցում է քննություններին ու ստանում ատեստատ: Այսքանից հետո, եթե Կրթության նախարարության պաշտոնյան ՀՀ ապագա քաղաքացիների այս ակնհայտ կոռուպցիոն երևույթին մասնակցած աշակերտների կրթության որակը վտանգված չի տեսնում, ապա ինքը և ոչ միայն, թավշյա հեղափոխության երկրում արդարություն հաստատելու ամենաարժեքավոր կարգախոսը դնում է շատ լուրջ վտանգի տակ: Այսպիսի երևույթներ բազմաթիվ դպրոցներում եղել են, որոնցից մեկը հայտնաբերելու մասին հունիսին անձամբ ԿԳ նախարարը հայտարարեց, սակայն չասվեց, թե ո՞ր դպրոցում և ի՞նչ ընթացք ունեցավ այդ գործը: Ինչո՞ւ ԿԳ նախարարը չհրապարակայնացրեց այդ կոռուպցիոն երևույթը, ինչո՞ւ ԿԳՆ պաշտոնյան այդ հանցավոր երևույթի մեջ չտեսավ կրթության որակին հարվածող արարք, շատ տարօրինակ է»,- գրել է Անահիտ Բախշյանը:
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
22:51 02.08.2025
Բոսնիական կրակը, հաղթանակի ծարավն ինձ հետ բերել եմ «Նոա»․ Նարդին ՄուլահուսեյնովիչՀայաստանի չեմպիոն «Նոայի» նորեկ Նարդին Մուլահուսեյնովիչը խոսել է հայկական ակումբին միանալու մասին, հայտնում է «Նոայի» մամուլի ծառայությունը: «Այնտեղ, որտեղից ես եմ եկել, չեն հանձնվում: Բոսնիական կրակը, հաղթանակի ծարավն ինձ հետ բերել եմ «Նոա»»,- ասել է 27-ամյա բոսնիացի հարձակվողը: Նա հայկական ակումբ է տեղափոխվել Բոսնիա և Հերցեգովինայի չեմպիոն «Զրինսկիից»: Կողմերը ստորագրել են երեք տարվա պայմանագիր: Բոսնիացին […] ...
