00:15 10.10.2018
Տղա երեխաների ծննդին նախապատվություն տալու հնուց եկած հայկական ավանդույթը Հայաստանում ժողովրդագրական լուրջ խնդիրներ է ստեղծել: ՄԱԿ-ի բնակչության հիմնադրամի և Ախուրյանի մոր ու մանկան կենտրոնի հետ համատեղ երիտասարդ մայրերի շրջանում իրականացնում են հանրային իրազեկման ծրագիր՝ փորձելով նրանց ազատել աղջիկների թերարժևորման բարդույթից։ Հայաստանը աշխարհում 3-րդ երկիրն է Չինաստանից ու Ադրբեջանից հետո, որտեղ ծննդաբերության արհեստական ընդհատումները պայմանավորված են պտղի սեռով:
Ախուրյանի մոր և մանկան կենտրոնում Հասմիկ Նռանյանը 4-րդ աղջիկն է ունեցել։ 4 կգ քաշով աղջիկ երեխայի ծնունդը բազմազավակ ընտանիքն ու հարազատները մեծ ուրախությամբ են ընդունել: Բժիշկներն ու մանկաբարձուհիները կատակով առաջարկել են փոքրիկի անունը Բավական դնել: Նորածնի մայրիկը շատ երջանիկ է և չի էլ տխրում, որ 4 աղջիկների մայր է։
Բայց ընդհանուր ծնունդների վիճակագրությունը ուրախալի չէ, բացի դրանից, սեռային անհամամասնություն է։ Շիրակի մարզում աղջիկ-տղա ծնունդների հարաբերակցությունը 100-ին 110 է կազմում: Մեր երկրում ամեն տարի 1500 աղջիկ չի ծնվում: Սա տարիներ հետո ժողովրդագրական լուրջ խնդիրների կարող է հանգեցնել,նշում է ՄԱԿ-ի բնակչության հիմնադրամի ծրագրի համակարգող Նարինե Բեգլարյանը:
ՄԱԿ-ի ուսումնասիրություններով՝ մինչև 2060 թվականը Հայաստանում 93․000 աղջիկ երեխա չի ծնվի, որի հետևանքով, տղաները լուրջ խնդիրներ կունենան ու ամուսնանալիս աղջիկ գտնելու համար ստիպված կլինեն արտագաղթել արտերկիր։ Իսկ աղջիկների պակասը, ըստ Ախուրյանի մոր և մանկան կենտրոնի գործադիր տնօրեն Սևակ Ավագյանի, կհանգեցնի նաև ապագա զինվորների պակասի։
Հայաստանում սեռով պայմանավորված արհեստական ընդհատումներն արգելված են օրենքով, բայց փաստ է, որ դրանք իրականում կան։ Ու խնդիրը միայն երկրի սոցիալ տնտեսական իրավիճակով չի պայմանավորված։ Մարդկանց մոտ արմատավորված է, որ տղա երեխան է գերդաստանի շարունակողը, ազգանունը կրողը:
ՄԱԿ-ի ուսումնասիրություններով՝ Հայաստանում կանայք հասարակությունում դիրք ու դեր ունեն, շատ ընտանիքներում աշխատող ուժն են, ու ամենակարևորը, տարեց ծնողներին ավելի շատ խնամում են աղջիկները, քան տղաները։ Դարձյալ ՄԱԿ-ն է փաստել, որ ծերանոցներում խնամվող տարեցներից շատերն այնտեղ են հայտնվել, որովհետև աղջիկ չունեն, իսկ տղա երեխաները լքել են ծնողներին։
Ծրագրի պատասխանատուները ձգտում են իրազեկումներով կանանց հնարավորինս հետ պահել սեռով պայմանավորված հղիության արհեստական ընդհատումներից և խրախուսել աղջիկ երեխաների ծնունդը, ինչպես արվում է Ախուրյանի մոր և մանկան կենտրոնում։ 2-րդ աղջկա ծննդի դեպքում ֆինանսական աջակցություն է տրվում։ Որպես իրազեկման միջոց էր նաև տիկնիկային ներկայացումը, որտեղ հայկական հեքիաթների կերպարներով ներկայացվեցին այն կանայք, ովքեր իրենց գործերով գերազանցել են տղամարդկանց։ Օրինակներից մեկն էլ Ղազարոս Աղայանի Անահիտն էր։
19:07 02.05.2025
Նախագահական նստավայրում հյուրընկալվել են ֆիզիկամաթեմատիկական մասնագիտացված դպրոցի աշակերտներըՆախագահական նստավայրում հյուրընկալվել են Երևանի Արտաշես Շահինյանի անվան ֆիզիկամաթեմատիկական մասնագիտացված դպրոցի աշակերտները։ Նրանք շրջայց են կատարել նստավայրում, ծանոթացել դրա պատմությանը, ճարտարապետական առանձնահատկություններին և գործունեության կարգին։ Այնուհետև Հանրապետության նախագահ Վահագն Խաչատուրյանն աշակերտների համար դասախոսություն է կարդացել՝ ներկայացնելով պետության և ազատ շուկայական տնտեսության փոխհարաբերությունները, դրանց նշանակությունն ու կիրառական դրսևորումները ժամանակակից կառավարման համակարգում։ Դասախոսությունից հետո նախագահն անմիջական մթնոլորտում […] ...
19:00 02.05.2025
Գողությունը բացահայտվել է. 25-ամյա հարևանուհին խոստովանել է արարքըՔրեական ոստիկանության Տավուշի մարզային վարչությունում հաղորդում տված քաղաքացին հայտնել էր, որ ապրիլի 28-ի ժամը 14-ից 18-ն ընկած ժամանակահատվածում Դիլիջանի Աթարբեկյան փողոցում գտնվող իր տնից գողացել են բջջային հեռախոս: Նշված հասցե օպերատիվ խումբ է մեկնել: Կազմված փաստաթղթերն ուղարկվել են Դիլիջանի քննչական բաժին, որտեղ քրեական վարույթ է նախաձեռնվել: Ձեռնարկված օպերատիվ-հետախուզական միջոցառումների արդյունքում մայիսի 1-ին հանցագործությունը բացահայտվել է: […] ...
18:44 02.05.2025
Ընթացքի մեջ են Գարգառի կրթահամալիրի կառուցման աշխատանքները. վարչապետԸնթացքի մեջ են Գարգառի կրթահամալիրի կառուցման աշխատանքները: Կառավարությունը հատկացրել է 1 մլրդ 947 մլն դրամ: Կրթահամալիրը ներառելու է 200 երեխայի համար նախատեսված դպրոց և 80 երեխայի համար՝ մանկապարտեզ։ Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը և տեսանյութ հրապարակել: ...
18:35 02.05.2025
Դատապարտյալը փոստային ծառայության միջոցով ստացել է թմրամիջոցների նմանվող զանգվածներով լցոնված կոնֆետներՄայիսի 2-ին՝ ժամը 11։30-ի սահմաններում, ՀՀ արդարադատության նախարարության Արմավիր քրեակատարողական հիմնարկի անվտանգության ապահովման բաժնի ծառայողները զննության են ենթարկել դատապարտյալ Մ․Մ․-ի անվամբ փոստային առաքման միջոցով ստացված հանձնուքը։ Հանձնուքում առկա շոկոլադե կոնֆետներից 45-ի միջից ծառայողները հայտնաբերել են մարիխուանա տեսակի թմրամիջոցին նմանվող, դեղնականաչավուն զանգվածներ, որոնց քաշը կոնֆետների հետ միասին կազմել է 264,94 գրամ։ Իսկ 27 կոնֆետի միջից հայտնաբերվել […] ...
18:27 02.05.2025
«Ոռոգվող գյուղատնտեսության զարգացումը Արարատի և Արմավիրի մարզերում» ծրագրի շրջանակներում տեղի է ունեցել հավաստագրերի հանձնման արարողություն«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի շրջանակներում ապրիլի 30-ին անցկացվել է «Գյուղաջակցության խորհրդատուի նոր ուսումնական ձեռնարկ» (NELK) մոդուլների շարքի ամփոփիչ միջոցառումն ու հավաստագրերի հանձնման արարողությունը։ Միջոցառմանը մասնակցել են ՀՀ էկոնոմիկայի նախարարության, պետական և մասնավոր հատվածի այլ ներկայացուցիչներ, ծրագրի շահառուներ, ինչպես նաև գործընկեր կազմակերպությունների ներկայացուցիչներ։ Ծրագիրը նպատակ ունի խթանել գյուղատնտեսական խորհրդատվական ծառայությունների կարողությունների […] ...
18:19 02.05.2025
Ռետկլիֆը վաճառքի է հանել «Նիսը»Անգլիական «Մանչեսթեր Յունայթեդի» և INEOS ընկերության նախագահ Ջիմ Ռետկլիֆը որոշել է ազատվել իր ակտիվներից մեկից: L’Informé-ի համաձայն՝ գործարարը փաստաբաններին հանձնարարել է նախապատրաստել բոլոր փաստաթղթերը «Նիսը» վաճառքի հանելու համար: Ռետկլիֆը ասել է, որ «Մանչեսթեր Յունայթեդի» բաժնետոմսերը գնելուց հետո այլևս հետաքրքրված չէ ֆրանսիական ակումբով և ցանկանում է ամբողջ ուշադրությունը կենտրոնացնել անգլիական թիմի վրա: Բրիտանացի միլիարդատերը Lazard ներդրումային […] ...
