13:39 10.10.2018
Հանրային ծառայությունները կարգավորող հանձնաժողովն այսօր՝ հոկտեմբերի 10-ին, քննել է նույնանման երկու հայտ, որոնք վերաբերել են ռադիոհաճախականության օգտագործման թույլտվության ժամկետի ավարտից հետո պարտավորությունների չկատարմանն ու այդ հետևանքով առաջացած տուգանքների փոխհատուցմանը:
Գործերից մեկը վերաբերել է Կարեն Դեմիրճյանի անվան մարզահամերգային համալիրին: Ընկերությունը 2014 թվականի սեպտեմբերի 23-ին ընդհանուր իրավասության դատարանի վճռով սնանկ է ճանաչվել: Ընկերությունը, սակայն, չի դիմել Հանրային ծառայությունները կարգավորող հանձնաժողովին իր ռադիոհաճախականության լիցենզիան դադարեցնելու հայտով, արդյունքում, օրենքի պահանջի համաձայն, ընկերության համար հաշվարկվել են ռադիոհաճախականության օգտագործման համար սահմանված պարտադիր վճարները, իսկ պարտավորությունների ժամկետի ավարտից հետո նաև ժամանակին չվճարելու համար առաջացած տույժերը:
Նույն իրավիճակում է հայտնվել նաև անհատ ձեռնարկատեր Վանո Դավթյանը, որի ընկերությունը սնանկ է ճանաչվել 2014 թվականի հունիսի 2-ին:
2018 թվականի սեպտեմբերի 17-ի դրությամբ Կարեն Դեմիրճյանի անվան մարզահամերգային համալիրի պարտքը կազմել է 950 հազար 760 դրամ, իսկ անհատ ձեռնարկատեր Վանո Դավթյանինը՝ 1 միլիոն 638 հազար 40 դրամ:
Հանձնաժողովը որոշել է թե՛ մարզահամերգային համալիրին և թե՛ անհատ ձեռնարկատիրոջը պարտավորեցնել, որպեսզի նրանք պետական բյուջե փոխանցեն պարտքը և առաջացած տույժը:
Կողմերին նաև տեղեկացվել է, որ հանձնաժողովի որոշումը կարող են 10-օրյա ժամկետում բողոքարկել ցանկացած դատական ատյանում:
15:12 03.05.2025
Մաքուր բնությունը սկսվում է յուրաքանչյուրիս փոքր քայլից. Շրջակա միջավայրի նախարարությունՇրջակա միջավայրի նախարարության աշխատակազմը, ինչպես նաև նախարարության ենթակա պետական ոչ առևտրային կազմակերպությունների ներկայացուցիչները նախարար Հակոբ Սիմիդյանի գլխավորությամբ միացել են համապետական շաբաթօրյակին` նախարարության «Հայանտառ» ՊՈԱԿ-ի` անտառածածկ տարածքների մաքրապատման նախաձեռնությամբ: Նախարարության թիմը մաքրման աշխատանքներ է իրականացրել Երևան-Սևան մայրուղու հարակից անտառածածկ հատվածներում, որտեղ մաքրվել են ծառուղիները, մուտքուղիները և հավաքվել են բնության գիրկը նետված կենցաղային թափոնները։ Շաբաթօրյակի ընթացքում հավաքվել […] ...
14:51 03.05.2025
Համապետական շաբաթօրյակին մասնակցել է ՀՀ ԱԺ աշխատակազմըՀՀ Ազգային ժողովի աշխատակազմի ղեկավար-գլխավոր քարտուղար Դավիթ Առաքելյանի գլխավորությամբ աշխատակազմի տարբեր ստորաբաժանումների աշխատակիցներ մասնակցել են մայիսի 3-ին կազմակերպված համապետական շաբաթօրյակին: Մայրաքաղաքի Կոմիտասի անվան զբոսայգում իրականացվել են մաքրման, հողի փխրեցման, խոտածածկ տարածքների բարեկարգման աշխատանքներ: ...
14:37 03.05.2025
Կառուցվել է Մ-6-ն Ախթալայի հետ կապող պողպատե կառուցվածքով ժամանակավոր 2-րդ կամուրջը. վարչապետԿառուցվել է Մ-6-ն Ախթալայի հետ կապող պողպատե կառուցվածքով ժամանակավոր 2-րդ կամուրջը: Դրանով լուծվել է նաև բեռնատար տրանսպորտային միջոցներով երթևեկության հարցը: Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը և տեսանյութ հրապարակել: ...
14:24 03.05.2025
Առաջիկա օրերի եղանակային կանխատեսումըՀանրապետության տարածքում մայիսի 3-ի ցերեկը, 4-ի գիշերը, 7-8-ին առանձին շրջաններում, 4-ի ցերեկը, 5-6-ին շրջանների զգալի մասում սպասվում է կարճատև անձրև և ամպրոպ, 5-6-ին առանձին վայրերում՝ հորդառատ։ Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։ Օդի ջերմաստիճանը մայիսի 4-ի ցերեկը կնվազի 3-5 աստիճանով։ Երևան քաղաքում մայիսի 3-ի երեկոյան, 4-6-ին սպասվում է […] ...
14:12 03.05.2025
Էկոնոմիկայի նախարարության աշխատակիցները մասնակցել են համապետական շաբաթօրյակինՀՀ էկոնոմիկայի նախարարի տեղակալները, նախարարության գլխավոր քարտուղարը, ստորաբաժանումների ղեկավարների ու համակարգի ենթակայության կազմակերպությունների ներկայացուցիչների հետ այսօր մասնակցել են համապետական շաբաթօրյակին: Նախարարության աշխատակիցները սանիտարական մաքրման և աղբահավաքման աշխատանքներ են իրականացրել մայրաքաղաքի Շենգավիթ վարչական շրջանում՝ Երևանյան լճի տարածքում։ Մաքուր և բարեկարգ միջավայրը սկսվում է յուրաքանչյուրիս հոգատար վերաբերմունքից մեր քաղաքի ու շրջապատի նկատմամբ։ ...
