19:55 15.10.2018
ՀՀ ԱԺ նախկին պատգամավոր, ԲՀԿ-ական Լյովա Խաչատրյանը լքել է կուսակցության շարքերը և SHANTNEWS.am-ի թղթակցի հետ զրույցում նշել, որ այլևս չի ցանկանում այդ կուսակցության հետ ճանապարհ անցնել:
Հարցին, թե նա երբ հասկացավ, որ չի ցանկանում այլևս ԲՀԿ-ի հետ քաղաքական ճանապարհը շարունակել, Լյովա Խաչատրյանն ասաց, որ ինքը «միշտ էլ հասկացել է, որ կուսակցական չէ»:
«Առաջին հերթին՝ ես ապարանցի եմ ու միշտ այդ մասին խոսել եմ, հարցազրույցներ եմ տվել ու միշտ էլ բացատրել, որ Հայաստանում կուսակցություններ գոյություն չունեն, պարզապես թիմեր են եղել: Ես էլ եղել եմ այդ թիմի մեջ, բայց հիմա՝ չեմ»,- հավելեց նա:
Լյովա Խաչատրյանը նշեց, որ հիմա մթնոլորտը որոշակիորեն թույլատրում է, որ ժամանակի ընթացքում առաջանան քաղաքական ուժեր, կուսակցություններ:
SHANTNEWS.am-ի այն հարցին, թե ինչպե՞ս է նախկին պատգամավորը պատկերացնում իր քաղաքական հետագա գործունեությունը, Լյովա Խաչատրյանը շեշտեց, որ լինելու է շատ ակտիվ, քանի որ նա սիրում է իր երկիրը և աշխատելու է ժողովրդի բարեկեցության համար:
Նա նաև տեղեկացրեց, որ դեռևս վերջնական որոշում չի կայացրել՝ նոր կուսակցություն հիմնելո՞ւ է, թե՞ ոչ, բայց ասաց, որ սատարում է Նիկոլ Փաշինյանին:
«Կուսակցություն բացելը հարաբերական է, պարզապես մարդկությունը այլ ձև չի գտել քաղաքական գործընթացներին մասնակցելու: Իսկ Նիկոլ Փաշինյանին կողմ եմ և պաշտպանելու եմ նրան մինչև խորհրդարանական ընտրություններ, անվերապահորեն պաշտպանելու եմ»,- ասել է Լյովա Խաչատրյանը:
Մեր այն հարցին, թե ցանկանո՞ւմ է արդյոք մասնակցել խորհրդարանական արտահերթ ընտրություններին, նա նշեց, որ դեռևս չի որոշել.
«Ժամանակը ցույց կտա: Ամեն դեպքում, պարտադրանք չկա, և դա արդեն ինձ թույլ է տալիս որոշում կայացնել մասնակցելու կամ չմասնակցելու մասին: Երկու դեպքում էլ լինելու եմ շահեկան վիճակում: Պարտադրանք չկա, ինչպես առաջ, երբ նախրի պես քշում էին խորհրդարան, պարտադրում կեղծիքներով զբաղվել, խորհրդարանի աթոռը զբաղեցնել՝ այդպես էլ պատգամավոր չդառնալով»:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
