Ի՞նչ են պահանջում ցմահ դատապարտվածների հարազատները և ընկերները

SHANTNEWS.am-ն արդեն հայտնել է, որ այսօր առավոտյան խորհրդարանի մուտքի մոտ են հավաքվել ցմահ ազատազրկվածների հարազատները, ընկերներն ու փաստաբանները:

Ըստ նրանց տեղեկությունների՝ համաներման նախագծում ցմահ դատապարտվածները ներգրավված չեն: Ակցիայի մասնակիցները պահանջել են, որ համաներումը տարածվի նաև ցմահ ազատազրկվածների վրա:

Մասնավորապես, նրանք պահանջում են համաներման վերաբերյալ օրենսդրական նախագծում կատարել հետևյալ փոփոխությունները.

1. «Փոխել 2-րդ հոդվածի 12-րդ մասը՝ այն դարձնելով նույն հոդվածի 13-րդ մասը, հետևյալ խմբագրությամբ՝ «13. Սույն հոդվածի 1-5-րդ և 7-րդ մասերը կիրառվում են անձի նկատմամբ, եթե սույն հոդվածի 8-րդ և 10-րդ մասերով այլ բան նախատեսված չէ»,

2. Հանել 2-րդ հոդվածի 10-րդ հոդվածի «11 կետը՝ ցմահ ազատազրկման դատապարտված անձանց նկատմամբ» ձևակերպում,

3.  2-րդ հոդվածի 10-րդ  մասի  «Համաներումը չեղարկել (բացառությամբ սույն հոդվածի 11-րդ) բառից հետո ավելացնել «և 12-րդ բառերը»:

4. Ավելացնել 2-րդ հոդվածի 12-րդ մասը հետևյալ խմբագրությամբ՝ «Համաներում հայտարարելու արդյունքում ցմահ ազատազրկման ձևով իրենց պատիժը կարող են մեղմացնելով փոխարինել.

1. 20 տարի ազատազրկման ձևով այն անձանց նկատմամբ, որոնք դատապարտված են մինչև 2003 թվականի օգոստոսի 1-ը ներառյալ,
2.  25 տարի ազատազրկման ձևով, այն անձանց նկատմամբ, որոնք ցմահ ազատազրկման են դատապարտվել 2003 թվականի օգոստոսի 1-ից հետո, այն դեպքում, եթե հանցանքը կատարած պահին լրացած չէր մեղադրյալի 21 տարին,
3. 25 տարի ազատազրկման ձևով այն անձանց նկատմամբ, որոնք ցմահ ազատազրկման են դատապարտվել 2003 թվականի օգոստոսի 1-ից հետո այն դեպքում, եթե հանդիսանում են առաջին կարգի հաշմանդամ,
4. 25 տարի ազատազրկման ձևով այն անձանց նկատմամբ, որոնք ցմահ ազատազրկման են դատապարտվել 2003 թվականի օգոստոսի 1-ից հետո այն դեպքում, եթե նրանց հանցակազմն ապացուցված է բացառապես ինքնախոստովանական ցուցմունքի միջոցով և միաժամանակ նախկինում դիտավորյալ հանցագործություն կատարելու համար ազատությունից զրկելու հետ կապված պատիժ չեն կրել կամ կրել են, սակայն չեն ունեցել դատվածություն,
5. 25 տարի ազատազրկման ձևով, եթե ցմահ ազատազրկման են դատապարտվել 2003 թվականի օգոստոսի 1-ից հետո այն անձանց նկատմամբ, ովքեր Հայրենական մեծ պատերազմի, Աֆղանստանի, ՀՀ կամ Արցախի Հանրապետության պաշտպանության համար մղված մարտական գործողությունների մասնակիցներ են և միաժամանակ նախկինում դիտավորյալ հանցագործություն կատարելու համար ազատությունից զրկելու հետ կապված պատիժ չեն կրել կամ կրել են, սակայն չունեն  դատվածություն»,- ասված է պահանջի մեջ: