07 05 2024

$

387.73
4.26
€

417.55

+11.09 ^oC

Apple-ը ներկայացրել է նոր iPhone սմարթֆոններ

ԱՇԽԱՐՀ

15:30 13.09.2017

Ընկերության ներկայացուցիչների խոսքով՝ սմարթֆոնների դիզայնն ամբողջովին նոր է, դրանց դիմացի և հետևի մասերն ապակուց են: Սմարթֆոնների արտադրության մեջ օգտագործված այս ապակին չափազանց դիմացկուն է: Սմարթֆոնները ջրակայուն են և փոշի չեն կլանում: iPhone X սմարթֆոնի հռոմեական X-ը խորհրդանշում է առաջին iPhone-ի ստեղծման 10-ամյակը: iPhone X սմարթֆոնն ունի առանց շրջանակի 5.8 դյույմ անկյունագծով OLED էկրան: Սմարթֆոնն ունի 12 մեգապիքսելանոց տեսախցիկ: Առաջին անգամ սմարթֆոնի դիզայնում բացակայում է գլխավոր կառավարման կոճակը: Փոխարենը՝ այն ունի եռաչափ դիմաճանաչողական Face ID տեխնոլոգիա, որը թույլ է տալիս ապակոդավորել հեռախոսը՝ միայն նայելով օգտատիրոջ դեմքին: Ընդ որում, Apple-ը հավաստիացնում է, որ համակարգը օգտատիրոջը կարող է ճանաչել տարբեր անկյուններից, նույնիսկ մթության մեջ, և հավանականությունը, որ iPhone X-ը կշփոթի օգտատիրոջ դեմքը մեկ այլ մարդու դեմքի հետ, մեկը միլիոնի հարաբերակցությամբ է:

Սակայն սմարթֆոնի շնորհանդեսի ժամանակ այս նոր գործառույթը տապալվեց: iPhone X-ը չկարողացավ ճանաչել օգտատիրոջ դեմքը: Ընկերության փոխտնօրեն Քրեյգ Ֆեդերինին հայտարարեց, որ հեռախոսը հնարավոր է ապակոդավորել՝ ընդամենը դրան նայելով, սակայն սմարթֆոնը նրան «չճանաչեց» և առաջարկեց ապակոդավորման համար թվային ծածկագիր ներմուծել: Երկրորդ փորձից հետո Ֆեդերինին սմարթֆոնի մեկ այլ նմուշ վերցրեց, որն անմիջապես «ճանաչեց» տիրոջը: Face ID տեխնոլոգիան կարելի է օգտագործել ոչ միայն սմարթֆոնն ապակոդավորելու նպատակով, այլև դրամային գործարքներ իրականացնելու համար:

iPhone X-ը կլինի Apple-ի ամենաթանկարժեք սմարթֆոնը, որը Միացյալ Նահանգներում կարժենա 999 դոլար: Այն վաճառքի կհանվի նոյեմբերի 3-ից: Սմարթֆոնը հասանելի կլինի մոխրագույն և արծաթագույն երանգներով:

Apple-ը նաև ներկայացրել է iPhone 8 և iPhone 8 Plus մոդելները, որոնք նախորդ տարվա iPhone 7 և iPhone 7 Plus մոդելների թարմացված տարբերակներն են: Այս սմարթֆոնները վաճառքի կհանվեն սեպտեմբերի 22-ին՝ 699 դոլարով:

Ներկայացված սմարթֆոնների դեպքում Apple-ի գլխավոր նորամուծություններից է նաև անլար լիցքավորումը:

Բաժանորդագրվեք SHANTNEWS.am-ին Telegram-ում

Բոլոր լուրերը

23:59 07.05.2024
Քննարկվել են Սիլիկոնային հովտի և Հայաստանի առկա սերտ և արդյունավետ համագործակցությանը վերաբերող հարցեր

Կապակցված լուրեր

23:59 07.05.2024

Քննարկվել են Սիլիկոնային հովտի և Հայաստանի առկա սերտ և արդյունավետ համագործակցությանը վերաբերող հարցեր

Հանրապետության նախագահ Վահագն Խաչատուրյանն ԱՄՆ կատարած այցի ընթացքում հանդիպում է ունեցել Հայ բարեգործական ընդհանուր միության «Սիլիկոն Վելի» մասնաճյուղի և «Սինոփսիս Արմենիա» ընկերության նախագահ Երվանդ Զորյանի հետ: Հանդիպման ընթացքում Երվանդ Զորյանը նախագահին է ներկայացրել 2000-ականների սկզբից ի վեր «Սինոփսիս» ընկերության կողմից Հայաստանում իրականացված ծրագրերը, ստարտափերը, ինչպես նաև անդրադարձ է կատարել ընթացիկ նախաձեռնություններին։ Զրույցի ընթացքում քննարկվել են […] ...

23:51 07.05.2024

Նախագահ Վահագն Խաչատուրյանը հանդիպում է ունեցել Ամերիկայի հայկական համագումարի ներկայացուցիչների հետ

Հանրապետության նախագահ Վահագն Խաչատուրյանն ԱՄՆ կատարած աշխատանքային այցի շրջանակներում հանդիպում է ունեցել Ամերիկայի հայկական համագումարի ներկայացուցիչներ Դավիթ Օջակյանի և Ջոն Կեվրանյանի հետ: Ողջունելով Օջակյանին նախագահ Խաչատուրյանը բարձր է գնահատել կազմակերպության տասնամյակների հայրենանվեր գործունեությունը, որի նպատակակետը մշտապես եղել է Հայաստանի զարգացումն ու հզորացումը, չկրելով քաղաքական կամ բևեռացված ուղղվածություն: Նախագահն իր խոսքում շեշտել է, որ թեև համագումարի […] ...

23:30 07.05.2024

Սլովակիան ու Ադրբեջանը սպառազինության համատեղ արտադրություն են սկսելու․ որքանո՞վ է օրինական այդ համագործակցությունը

Ավարտվել է Սլովակիայի վարչապետ Ռոբերտ Ֆիցոյի այցը Բաքու: Այցի ընթացքում նաև ռազմական ու ռազմաարդյունաբերական բնագավառում համագործակցության մասին համաձայնագրեր են ստորագրվել: Ի՞նչ են ենթադրում ստորագրված փաստաթղթերը: Թեմային «Հորիզոնի» տաղավարում անդրադարձել է Արտյոմ Երկանյանը։ «Ռոբերտ Ֆիցոյի հետ համատեղ հայտարարության մեջ Ալիևն ասել է, որ Սլովակիայի հետ հարաբերություններում նոր դարաշրջան է սկսվում: Այսօր երկու երկրների պաշտպանության նախարարները ստորագրել […] ...

23:18 07.05.2024

ԱՄՆ-ը շարունակում է աջակցել Ռյուտեին՝ ՆԱՏՕ-ի նոր գլխավոր քարտուղարի պաշտոնում նշանակվելու հարցում․ Սպիտակ տուն

Միացյալ Նահանգները շարունակում է աջակցել Նիդերլանդների վարչապետի պաշտոնակատար Մարկ Ռյուտեին՝ ՆԱՏՕ-ի հաջորդ գլխավոր քարտուղարի պաշտոնում նշանակվելու հարցում։ Այս մասին լրագրողների համար ճեպազրույցում հաստատել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին՝ ԱՄՆ և Ռումինիայի նախագահներ Ջո Բայդենի և Կլաուս Յոհանիսի բանակցություններից առաջ։ «Ոչինչ չի փոխվել մեր աջակցության առումով, որ պարոն Ռյուտեն դառնա […] ...

22:54 07.05.2024

ԱՄՆ-ի և Ուկրաինայի պաշտպանության նախարարները քննարկել են Կիևի սպառազինության կարիքները

ԱՄՆ պաշտպանության նախարար Լլոյդ Օսթինը և նրա ուկրաինացի գործընկեր Ռուստեմ Ումերովը քննարկել են Կիևի սպառազինության կարիքները։ Այս մասին ասվում է Պենտագոնի մամուլի ծառայության տարածած հաղորդագրության մեջ։ Ինչպես նշվում է փաստաթղթում, Օսթինը և Ումերովը հեռախոսազրույցի ընթացքում անդրադարձել են «ռազմաճակատի վերջին իրադարձություններին», ինչպես նաև քննարկել են «Ուկրաինայի ռազմական աջակցության ամենահրատապ կարիքները»։ Բացի այդ, գերատեսչությունների ղեկավարները քննարկել են […] ...

22:43 07.05.2024

Արեգակի վրա 10 հզոր բռնկում է եղել

Գիտնականները ֆիքսել են 10 բարձր կարգի M բռնկում, որոնք տեղի են ունեցել երեքշաբթի Արեգակի վրա, ՏԱՍՍ-ին հայտնել են Կիրառական երկրաֆիզիկայի ինստիտուտից (IPG): Առաջին M1.3 բռնկման տևողությունը 30 րոպե է եղել։ Վերջին բռնկումն ամենահզորն է եղել։ Միաժամանակ, ըստ IPG-ի, որոշ բռնկումներ ուղեկցվել են ԿԱ (կարճալիք) ռադիոկապի խաթարմամբ։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.