Բարձրություն, արագություն ու ադրենալինի մեծ չափաբաժին. էքստրիմի սիրահարների ամենասիրելի ատրակցիոնների շարքը

Ատրակցիոնների տեսքն ու էքստրեմալությունը շատերին նույնիսկ մտածելիս սարսափեցնում է, որոշ մարդիկ էլ հակառակը՝ էլ ավելի անհամբեր են դառնում ու ցանկանում որքան հնարավոր է շուտ  վայելել ադրենալինի այդ հսկա չափաբաժինը: РИА Новости-ն առանձնացրել է աշխարհի տարբեր վայրերում կառուցված ամենաէքստրեմալ ատրակցիոններից մի քանիսն ու հնարավորություն ստեղծել հասկանալու, թե որքանով ենք մենք պատրաստ նման արկածախնդրության:

1. ԱՄՆ Կոլորադո նահանգում գտնվող զվարճանքների մի քանի այգիներում տեղադրված ճոճարանները կգոհացնեն սուր զգացողությունների սիրահարներին: Այս մեկը տեղադրված է 400 մետր բարձրություն ունեցող ժայռի վրա: Իսկ ժայռի ներքևում հոսում է Կոլորադո գետը: Աշխարհի ամենաբարձր ճոճարանից միաժամանակ կարող է 4 մարդ օգտվել: Դրա արագությունը գերազանցում է 80 կմ/ժ-ը:

Այս ատրակցիոնի հետ կապված զվարճալի պատմություն կա․ ասում են, որ ատրակցիոնի սեփականատեր Սթիվ Բեքլին դրանից օգտվելիս սարսափել է:

2. Այս մեկն արդեն էքստրիմի սիրահարների համար ամենասիրելի ակտրակցիոնն է, իսկ բարձրություն ու արագություն չսիրողների համար՝ սարսափազդու: Ահռելի նետապարան, մեծ բարձրություն և 100 կմ/ժ արագություն: Առաջին ցատկը ձգվում է մինչև 80 մետր հեռավորությամբ, որին հաջորդում են խելահեղ պտույտները:

«Երբ մենք ցատկեցինք, դա ինչ-որ աննկարագրելի բան էր, բղավում էինք՝ ինչքան ուժ կար: Շատ կարճ ժամանակում՝ երևի ընդամենը 2 րոպեում, մոտ 5 կգ քաշ կորցրի»,- իրենց տպավորություններով կիսվում են էքստրիմի համարձակ սիրահարները:

3. Ադրենալինի պակասը լրացնելու ամենաարդյունավետ տարբերակներից մեկը Դուբայում է գտնվում: Զիփլայն՝ հենց քաղաքի վրայով. եթե բարձրությունից ու արագությունից ո՛չ միայն չեք վախենում, այլև դա ձեր տարերքն է, ապա սա հենց ձեզ համար է: Այցելուները կապվում են հատուկ ճոպաններով ու երթևեկում քաղաքի երկնաքերերի վրայով: Նշենք, որ այս մեկն էլ չի զիջում մյուս ատրակցիոններին՝ յուրօրինակությամբ և էքստրիմի ու ադրենալինի չափաբաժնով: Երթևեկությունն իրականացվում է 170 մետր բարձրությունից՝ 80 կմ/ժ արագությամբ:                                                                                                                                                                                                                                                                            
4. Եվ իհարկե, «խելագարություն» անվանումը ստացած ատրակցիոնը: Ինչպե՞ս կարելի է գոնե մեկ անգամ չվայելել ադրենալինի այն մեծ չափաբաժինը, որ հնարավոր է ստանալ այս ատրակցիոնը նստելիս: Պտույտներ 300 մետր բարձրության վրա՝ շենքից մոտ 20 մետր հեռավորությամբ: