18:50 12.11.2018
Տեղի է ունեցել Գյումրիի ավագանու հերթական նիստը՝ օրակարգում ունենալով 23 հարց: Ներկաները նախ՝ 1 րոպե լռությամբ հարգել են լեգենդար ծանրամարտիկ Յուրի Վարդանյանի հիշատակը, որից հետո անցել են օրակարգային հարցերի քննարկմանը, հայտնում է SHANTNEWS.am-ի թղթակիցը Գյումրիից:
Առաջնահերթ ներկայացվել են Գյումրիում երկրաշարժից 30 տարի անց բնակարանային ապահովման չլուծված հարցերը և այդ ուղղությամբ կառավարությանն ուղերձ հղելու առաջարկը, իսկ մյուս հարցը վերաբերել է Գյումրիի մանկապարտեզներում հաճախումը անվճար դարձնելու նախագծին:
Գյումրիում բնակարանային խնդիր ունեն ոչ միայն տնակներում բնակվող, երկրաշարժից անօթևան ընտանիքները, այլև առանց այդ կարգավիճակի միայնակ ծերերն ու բազմազավակ շատ ընտանիքներ: Իսկ քաղաքն այժմ ընդամենը 9 պահուստային բնակարան ունի, որոնք ընտանիքներին հատկացնելու համար ավագանին որոշում ընդունեց:
Առաջարկվեց 4 անչափահաս ունեցող 3 ընտանիքների բնակարաններ նվիրել: Նրանցից մեկը «Շանթ» հեռուստաընկերության «Դիրքերում» հաղորդաշարի օպերատոր Դավիթ Աթոյանն է: Նա ղարաբաղա-ադրբեջանական սահմանին նկարահանումների ժամանակ վիրավորվել էր, այժմ 2-րդ կարգի հաշմանդամ է: Դավիթը բազմաթիվ պարգևների է արժանացել: Նա վթարային շենքում է ապրում, կոմունալ վատ պայմաններում:
Ավագանին միաձայն որոշեց նրան և բազմազավակ ևս 2 ընտանիքի, որոնք Սիրիայից և Արցախից տեղափոխվածներ են, բնակարան հատկացնել առանց վիճակահանության: Մյուս 6 բնակարանները կբաշխվեն վիճակահանությամբ:
Իսկ քաղաքում բնակարանի կարիք ունեցող մոտ 100 միայնակ տարեց կա և 4 երեխա ունեցող 30 ընտանիք: Գյումրիի քաղաքապետ Սամվել Բալասանյանը հորդորեց ավագանու անդամներին ու լրատվամիջոցներին ուշադիր լինել ու տարիներ առաջ բարեգործական միջոցներով գնված բնակարանների նկատմամբ հսկողություն իրականացնել: Մասնավորապես նշեց, որ Գյումրիի բնակիչներին բնակարաններով ապահովելու անվան տակ տարիներով գումարներ է հավաքել «Հայաստան» համահայկական հիմնադրամը, բայց երբ իրենք հաշվետվություն են պահանջել, ոչ ոք չի տրամադրել:
Գյումրիի քաղաքապետի խոսքով՝ այդ գործու նաև իր անձնական ներդրումն է եղել, իսկ թե այդ գումարներն ինչպես են տնօրինվել, իրեն հայտնի չէ:
Երկրաշարժի 30-րդ տարելիցին ավագանու «Գալա» խմբակցությունը ուղերձ է նախապատրաստել կառավարությանը տնակներում բնակվող շուրջ 3000 ընտանիքների բնակապահովման հարցը լուծելու խնդրով: Նրանք քաղաքի բնակչության 10 տոկոսն են:
Հաշվարկել են, որ խնդրի լուծումը 14-18 մլրդ դրամի ներդրում կպահանջի, ինչը երկրի բյուջեի ընդամենը 1 տոկոսն է: Ընդ որում, ակնկալում են, որ խնդիրը լուծվի ոչ թե 1, այլ 3-4 տարում, այդ դեպքում ամեն տարի անհրաժեշտ կլինի ծախսել պետական բյուջեի 0.25 տոկոսը:
Ավագանին որոշակի փոփոխություններով ուղերձն ընդունեց: Վերջապես ընդունվեց նաև Գյումրիի մանկապարտեզներ հաճախումն անվճար դարձնելու մասին նախկինում մերժված ուղերձի նախագիծը, որին 3 ձեռնպահ կար, նրանց թվում էր նաև քաղաքապետը: Կառավարություն ուղերձ կուղարկվի Գյումրիին տարեկան հավելյալ 259 մլն դրամ պետբյուջեից հատկացնելու մասին, որպեսզի քաղաքի 2499 երեխաները կարողանան անվճար այցելել մանկապարտեզներ:
19:07 02.05.2025
Նախագահական նստավայրում հյուրընկալվել են ֆիզիկամաթեմատիկական մասնագիտացված դպրոցի աշակերտներըՆախագահական նստավայրում հյուրընկալվել են Երևանի Արտաշես Շահինյանի անվան ֆիզիկամաթեմատիկական մասնագիտացված դպրոցի աշակերտները։ Նրանք շրջայց են կատարել նստավայրում, ծանոթացել դրա պատմությանը, ճարտարապետական առանձնահատկություններին և գործունեության կարգին։ Այնուհետև Հանրապետության նախագահ Վահագն Խաչատուրյանն աշակերտների համար դասախոսություն է կարդացել՝ ներկայացնելով պետության և ազատ շուկայական տնտեսության փոխհարաբերությունները, դրանց նշանակությունն ու կիրառական դրսևորումները ժամանակակից կառավարման համակարգում։ Դասախոսությունից հետո նախագահն անմիջական մթնոլորտում […] ...
19:00 02.05.2025
Գողությունը բացահայտվել է. 25-ամյա հարևանուհին խոստովանել է արարքըՔրեական ոստիկանության Տավուշի մարզային վարչությունում հաղորդում տված քաղաքացին հայտնել էր, որ ապրիլի 28-ի ժամը 14-ից 18-ն ընկած ժամանակահատվածում Դիլիջանի Աթարբեկյան փողոցում գտնվող իր տնից գողացել են բջջային հեռախոս: Նշված հասցե օպերատիվ խումբ է մեկնել: Կազմված փաստաթղթերն ուղարկվել են Դիլիջանի քննչական բաժին, որտեղ քրեական վարույթ է նախաձեռնվել: Ձեռնարկված օպերատիվ-հետախուզական միջոցառումների արդյունքում մայիսի 1-ին հանցագործությունը բացահայտվել է: […] ...
18:44 02.05.2025
Ընթացքի մեջ են Գարգառի կրթահամալիրի կառուցման աշխատանքները. վարչապետԸնթացքի մեջ են Գարգառի կրթահամալիրի կառուցման աշխատանքները: Կառավարությունը հատկացրել է 1 մլրդ 947 մլն դրամ: Կրթահամալիրը ներառելու է 200 երեխայի համար նախատեսված դպրոց և 80 երեխայի համար՝ մանկապարտեզ։ Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը և տեսանյութ հրապարակել: ...
18:35 02.05.2025
Դատապարտյալը փոստային ծառայության միջոցով ստացել է թմրամիջոցների նմանվող զանգվածներով լցոնված կոնֆետներՄայիսի 2-ին՝ ժամը 11։30-ի սահմաններում, ՀՀ արդարադատության նախարարության Արմավիր քրեակատարողական հիմնարկի անվտանգության ապահովման բաժնի ծառայողները զննության են ենթարկել դատապարտյալ Մ․Մ․-ի անվամբ փոստային առաքման միջոցով ստացված հանձնուքը։ Հանձնուքում առկա շոկոլադե կոնֆետներից 45-ի միջից ծառայողները հայտնաբերել են մարիխուանա տեսակի թմրամիջոցին նմանվող, դեղնականաչավուն զանգվածներ, որոնց քաշը կոնֆետների հետ միասին կազմել է 264,94 գրամ։ Իսկ 27 կոնֆետի միջից հայտնաբերվել […] ...
18:27 02.05.2025
«Ոռոգվող գյուղատնտեսության զարգացումը Արարատի և Արմավիրի մարզերում» ծրագրի շրջանակներում տեղի է ունեցել հավաստագրերի հանձնման արարողություն«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի շրջանակներում ապրիլի 30-ին անցկացվել է «Գյուղաջակցության խորհրդատուի նոր ուսումնական ձեռնարկ» (NELK) մոդուլների շարքի ամփոփիչ միջոցառումն ու հավաստագրերի հանձնման արարողությունը։ Միջոցառմանը մասնակցել են ՀՀ էկոնոմիկայի նախարարության, պետական և մասնավոր հատվածի այլ ներկայացուցիչներ, ծրագրի շահառուներ, ինչպես նաև գործընկեր կազմակերպությունների ներկայացուցիչներ։ Ծրագիրը նպատակ ունի խթանել գյուղատնտեսական խորհրդատվական ծառայությունների կարողությունների […] ...
18:19 02.05.2025
Ռետկլիֆը վաճառքի է հանել «Նիսը»Անգլիական «Մանչեսթեր Յունայթեդի» և INEOS ընկերության նախագահ Ջիմ Ռետկլիֆը որոշել է ազատվել իր ակտիվներից մեկից: L’Informé-ի համաձայն՝ գործարարը փաստաբաններին հանձնարարել է նախապատրաստել բոլոր փաստաթղթերը «Նիսը» վաճառքի հանելու համար: Ռետկլիֆը ասել է, որ «Մանչեսթեր Յունայթեդի» բաժնետոմսերը գնելուց հետո այլևս հետաքրքրված չէ ֆրանսիական ակումբով և ցանկանում է ամբողջ ուշադրությունը կենտրոնացնել անգլիական թիմի վրա: Բրիտանացի միլիարդատերը Lazard ներդրումային […] ...
