14:56 22.11.2018
ՕԵԿ-ը ընտրությունների կգնա «Օրինականություն, արդարություն, ապահովություն» կարգախոսով. այս մասին այսօր հրավիրված մամուլի ասուլիսում հայտարարել է կուսակցության նախագահ Արթուր Բաղդասարյանը:
«Ինչո՞ւ օրինականություն, որովհետև օրենքի գերակայությունը Հայաստանի զարգացման կենարար ճանապարհը պետք է լինի: Ինչո՞ւ արդարություն, որովհետև ազգը, ժողովուրդը, հասարակությունը արդարության, այդ թվում՝ սոցիալական արդարության կարիք ունեն, ինչո՞ւ ապահովվածություն, որովհետև ազգը, հայրենիքը, ժողովուրդը ցանկանում է և՛ սոցիալական ապահովություն, և՛ անվտանգություն, ապահովություն անվտանգության իմաստով»,- իրենց կարգախոսում ընտրած արտահայտությունները մեկնաբանելիս պարզաբանել է ՕԵԿ ղեկավարը:
Արթուր Բաղդասարյանն իր ղեկավարած ուժը կայացած ու ճանապարհ անցած քաղաքական ուժերից է համարում և համոզված է, որ խորհրդարանական արտահերթ ընտրություններում, եթե լինի գաղափարական ու ծրագրերի մրցապայքար, ՕԵԿ-ը կարող է լինել արժանի մրցակից ընտրություններին մասնակցող բոլոր ուժերի համար:
«ՕԵԿ-ը մասնակցում է ընտրություններին, քանի որ ապրիլին ՀՀ-ում տեղի ունեցավ հրաշալի գործընթաց, անունը՝ հեղափոխություն: Այն հնարավորություն տվեց երկիրը տանել նոր զարգացումների ճանապարհով: Սատարել ենք հեղափոխությունն առաջին իսկ օրերից և վերջին յոթ ամսում առանց խաղեր տալու կարողացել ենք մեր չափով զորակցել՝ հեղափոխական գործընթացների անշրջելիության ապահովման նպատակով»,- նշել է Բաղդասարյանը՝ ավելացնելով, որ աճող սպառնալիքներ է տեսնում տարածաշրջանային անվտանգության տեսանկյունից, մինչդեռ դրանց դիմակայման ծրագրեր ՀՀ նոր իշխանությունների կողմից նկատելի չեն:
Արթուր Բաղդասարյանը համոզված է, որ ընտրություններին մասնակցության հայտ ներկայացրած իրենց թիմը կարող է հակազդել այդ մարտահրավերներին, քանի որ թիմում ունեն փորձառու և ճանապարհ անցած գործիչներ: Նրա պնդմամբ ՝ վերջին յոթ ամիսները բավարար չեն 30 տարվա «Ավգյան ախոռները» մաքրելու համար, բայց բավարար էին երկրի զարգացման տեսլական մշակելու համար:
«Տեսնում ենք կիսատ-պռատ ծրագրեր: Այո՛, հեղափոխության նպատակը պետք է լինի կոռուպցիայի դեմ պայքարը, թալանված գումարները բյուջե վերադարձնելը, բայց գլխավոր նպատակը՝ երկրի զարգացման հնարավորություններ ստեղծելը: Մենք չենք տեսնում ՀՀ զարգացման համակարգված ծրագիր, ինչը մտահոգում է մեզ»,- նշել է Բաղդասարյանը՝ ընդգծելով, որ հենց այդ նկատառումներից ելնելով էլ իրենց թիմը որոշել է մասնակցել ընտրապայքարին, քանի որ առաջնորդվում է ոչ միայն «դուխով», այլ նաև «խելքով» սկզբունքով: Մանրամասները՝ տեսանյութում։
12:53 08.06.2025
Իսրայելական բանակը Գազայում սպանել է «Մոջահեդների բրիգադների» հրամանատարինԻսրայելի պաշտպանության ուժերը (IDF) հայտարարել են Գազա քաղաքում «Մոջահեդների բրիգադներ» արմատական խմբավորման հրամանատարի ոչնչացման մասին։ «Իսրայելի պաշտպանության ուժերի և Գազա քաղաքում Ընդհանուր անվտանգության ծառայության համատեղ գործողության ընթացքում վերացվել է ահաբեկիչ Ասադ Աբու Շարայան, որը վերջին տարիներին ղեկավարել է «Մոջահեդների բրիգադներ» ահաբեկչական կազմակերպությունը Գազայի հատվածում», – ասվում է IDF-ի մամուլի ծառայության հայտարարության մեջ։ Գերատեսչությունը հավելել է, […] ...
12:18 08.06.2025
Սիսիանում տեղի է ունեցել «Կրթվելը նորաձև է» շարժման հերթական հանդիպումը՝ մասնակիցների ակտիվ ներգրավվածությամբՍիսիանում տեղի ունեցավ «Կրթվելը նորաձև է» շարժման հերթական հանդիպումը` լեփ-լեցուն դահլիճով ու մասնակիցների ակտիվ ներգրավվածությամբ: Այդ մասին հայտնում է «Իմ քայլը» հիմնադրամը: Կրթության մասին խոսելը, կրթությունը` որպես նորաձև երևույթ ընկալելը և այն հանրային օրակարգում պահելը այսօր ավելի քան անհրաժեշտություն է։ Եվ եթե կարողանանք կրթվելը իսկապես դարձնել նորաձև, դրանից կշահի ողջ հասարակությունն ու պետությունը։ Եթե դուք […] ...
11:53 08.06.2025
Դվալիշվիլին պաշտպանեց UFC-ի թեթևքաշային կարգի տիտղոսըԽառը մարտարվեստի (MMA) վրացի մարտիկ Մերաբ Դվալիշվիլին հաղթեց ամերիկացի Շոն Օ’Մալլիին և պաշտպանեց UFC-ի թեթևքաշային կարգի տիտղոսը։ UFC 316 մրցաշարը տեղի ունեցավ ԱՄՆ-ի Նյու Ջերսի նահանգի Նյուարկ քաղաքում։ Այս մասին հայտնել է TASS-ը: Մարտն ավարտվեց երրորդ ռաունդում։ Դվալիշվիլին չեմպիոնի տիտղոսը նվաճեց 2024 թվականի սեպտեմբերին՝ միաձայն որոշմամբ հաղթելով Օ’Մալիին։ 2025 թվականի հունվարին վրացի մարտիկը պաշտպանեց իր […] ...
11:39 08.06.2025
Լիլիթ Մակունցը և Վիվեկ Ռամասվամին քննարկել են ՀՀ-ԱՄՆ հարաբերությունների խորացման հարցերՀունիսի 7-ին ԱՄՆ քաղաքական գործիչ Վիվեկ Ռամասվամին ԱՄՆ Օհայո նահանգի Կոլումբոս քաղաքում հյուրընկալել է ԱՄՆ-ում ՀՀ դեսպան Լիլիթ Մակունցին։ Այս մասին հայտնել են ԱՄՆ-ում ՀՀ դեսպանությունից: Զրուցակիցները քննարկել են ՀՀ-ԱՄՆ երկկողմ հարաբերությունների հետագա խորացման վերաբերյալ հարցեր, ինչպես նաև անդրադարձել են երկկողմ հարաբերությունների ամրապնդման գործում հայ համայնքի դերին։ ...
11:24 08.06.2025
Վթարային ջրանջատում՝ Կենտրոն վարչական շրջանի մի շարք հասցեներում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված՝ հունիսի 8-ին՝ 10:30-16:00-ն, կդադարեցվի Երևանի Կենտրոն վարչական շրջանի Արգիշտի 11/14-11/8 կենտ համարի շենքերի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
11:13 08.06.2025
Կանադացի լողորդը համաշխարհային ռեկորդ սահմանեց 400 մետր ազատ ոճի լողումԿանադացի Սամեր Մաքինտոշը սահմանեց նոր համաշխարհային ռեկորդ 400 մետր ազատ ոճի լողում։ Այս մասին հայտնել է TASS -ը: Կանադայում կայացած մրցույթում 18-ամյա մարզիկը տարածությունը հաղթահարեց 3 րոպե 54.18 վայրկյանում։ Նախորդ համաշխարհային ռեկորդը պատկանում էր Ավստրալիայից օլիմպիական քառակի չեմպիոն Արիարնա Տիտմուսին, որը 2023 թվականին Ճապոնիայի Ֆուկուոկա քաղաքում կայացած աշխարհի առաջնությունում ցույց տվեց 3 րոպե 55.38 վայրկյան […] ...
