07:15 07.12.2018
Քաղտեխնոլոգ Կարեն Քոչարյանը կարծում է, որ դեկտեմբերի 9-ին կայանալիք խորհրդարանական ընտրություններին մի շարք քաղաքական ուժերի մասնակցության շնորհիվ ընտրության լայն հնարավորություն է ապահովված:
«Իհարկե, հնարավորություններ ապահովված են, այլ խնդիր է, որ «Իմ քայլը» լայն հնարավորություններ չի թողնում, թե չէ ցուցակների առումով հնարավորություններն ապահովված են»,- ասաց նա:
Ընտրություններին մասնակցող ուժերի շանսերին անդրադառնալով` Քոչարյանը նշեց, որ «Իմ քայլը» դաշինքն իր կայուն տոկոսներն ունի, այստեղ խոսքը առավելապես երկրորդ, երրորդ, գուցե չորրորդ տեղի համար պայքարի մասին է: Քաղտեխնոլոգի կարծիքով` սոցիոլոգիական հարցումներն առավել օբյետիվ պատկեր չեն կարողանում տալ, որովհետև հաշվի չի առնվում ռեյտինգային հատվածը: Նրա խոսքով` «Իմ քայլը» դաշինքի պարագայում ռեյտինգայինն ազդեցություն չի ունենալու, Նիկոլ Փաշինյանին ընտրելու է իր ընտրազանգվածը, իսկ մնացածի պարագայում, քանի որ տոկոսային տարբերությունները քիչ են, կարծում է` երկրորդ տեղն, այնուամենայնիվ, ԲՀԿ-ն կվերցնի` մի փոքր առաջ անցնելով մնացածից: Քաղտեխնոլոգը կարծում է, որ մնացած ուժերի` ՀՀԿ-ի, «Մենք»-ի, «Լուսավոր Հայաստան»-ի, գուցե և «Սասնա ծռեր»-ի ու ՀՅԴ-ի դեպքում տոկոսային տարբերություններն այնքան քիչ են, այսպես ասած, թվաբանական շեղման հասնող աստիճանի փոքր են, որ ռեյտինգայինը կարող է շատ լուրջ փոփոխություն տալ, որովհետև սոցհարցումն անցնում է միայն համամասնականի հատվածով և օբյեկտիվորեն չի կարող հաշվի առնել ռեյտինգայինների գործոնը:
Հարցին` խորհրդարան չանցնելու պարագայում մնացած ուժերը, մասնավորապես նրանք, ովքեր առաջին անգամ էին մասնակցում ընտրապայքարին, կարո՞ղ են քաղաքական գործունեությունը շարունակել որպես արտախորհրդարանական ուժեր, Քոչարյանը պատասխանեց, որ ժամանակը ցույց կտա:
«Օրինակ ՔՈ-ն, կարծում եմ, կմնա որպես ուժ, գուցե ձևափոխվի, բայց այնտեղ շատ լուրջ են, նախ` երիտասարդ են, նրանց էնտուզիազմը, էներգիան, կրեատիվությունը կբավարարի, որ 5 տարի դիմանան, հետո՝ նրանք պայքարող տեսակ են եղել, այսպես թե այնպես, քաղաքացիական տարբեր ակտիվ հատվածներում երևացել են, ու մինչև հիմա էլ: Կարծում եմ` ՔՈ-ն կմնա, բնականաբար, ՕԵԿ-ը ինչ պետք է լինի, կմնա: Այն ուժերը, որոնք ավելի ավանդական են և երկարատև քաղաքական ճանապարհ են անցել, կարծում եմ` կփորձեն մնալ և պայքարել: ՀՅԴ-ի մասին ընդհանրապես չեմ խոսում, որովհետև ՀՅԴ-ն անգամ միայն այստեղ չէ, միայն Հայաստանում չէ, դա հասկանալի է, որ սփյուռք է, մեծ ազդեցություն, բոլոր կառույցներով հանդերձ: Պարզ է, որ շատերը կմնան, իհարկե կմնան»,- ասաց նա:
21:16 02.08.2025
Արենիում` 42.6, Երևանում՝ 41.9 աստիճան. մի շարք վայրերում դիտված ջերմաստիճանները գերազանցել են այդ օրը երբևէ գրանցված արժեքներըԻնչպես կանխատեսվել էր, այսօր հանրապետությունում դիտվել է բարձր ջերմային ֆոն։ «Հիդրոօդերևութաբանության և մոնիթորինգի կենտրոն» ՊՈԱԿ-ից հայտնել, որ մի շարք վայրերում դիտված առավելագույն ջերմաստիճանները գերազանցել են այդ օրը երբևէ գրանցված արժեքները. Արենի` 42.6°C (40°C` 2011թ.), Երևան` 41.9°C (40.8°C` 2000թ.), Արտաշատ` 40.9°C (40.7°C` 2011թ.), Ապարան` 33.5°C (32.2°C` 2000թ.): ...
21:00 02.08.2025
Անթալիայում զբոսաշրջիկներին զգուշացրել են ուժեղ քամիների և տեղատարափ անձրևների մասինՕդերևութաբանները զգուշացրել են կիրակի օրը Թուրքիայի Անթալիա հանգստավայրում ուժեղ անձրևների մասին, ալիքների բարձրությունը կարող է աճել ափամերձ շրջաններում, զբոսաշրջիկներին և վարորդներին կոչ է արվել զգույշ լինել, հաղորդում է Antalyahakkinda պորտալը։ «Կիրակի օրը Անթալիայի վեց շրջաններում սպասվում են ուժեղ անձրևներ։ 4-րդ տարածաշրջանային օդերևութաբանական վարչության հայտարարության մեջ ընդգծվում է, որ քամին կփչի միջին ուժգնությամբ հյուսիսից և արևմուտքից […] ...
20:50 02.08.2025
Մալիում ձերբակալվել է նախկին վարչապետըՄալիի նախկին վարչապետ Մուսա Մարան կալանավորվել է կառավարությանը վարկաբեկելու և անկարգություններ հրահրելու մեղադրանքով, հաղորդում է RFI ռադիոն։ «Մալիի նախկին վարչապետ Մուսա Մարային մեղադրանք է առաջադրվել և նա կալանավորվել է: Նրան մեղադրանք է առաջադրվել չորս հանցագործությունների մեջ, որոնց մեջ են մտնում «պետության նկատմամբ վստահությունը խաթարելը, օրինական իշխանությանը դիմադրելը և հասարակական անկարգություններ հրահրելը»», – հայտնել է ռադիոկայանը։ […] ...
20:40 02.08.2025
Բրազիլացի պաշտպանը հեռացել է «Փյունիկից»Բրազիլացի պաշտպան Ժունինյոն հեռացել է «Փյունիկից»: Այս մասին հայտնում է ակումբի մամուլի ծառայությունը։ 30-ամյա ֆուտբոլիստը երևանյան ակումբում էր 2021 թ. հուլիսից, 122 խաղում նա խփել է 9 գոլ, կատարել 9 գոլային փոխանցում, երկու անգամ դարձել Հայաստանի չեմպիոն։ ...
20:32 02.08.2025
The Hill. ԱՄՆ Սենատը Ռուսաստանի դեմ պատժամիջոցների օրինագիծը չի ընդունի մինչև ամռան վերջԱՄՆ Սենատը մինչև ամռան վերջ չի ընդունի նոր օրինագիծ, որը կխստացնի Ռուսաստանի դեմ պատժամիջոցները, այդ թվում՝ սահմանափակումներ սահմանելով երրորդ երկրների նկատմամբ։ Այս մասին ասվում է The Hill թերթում հրապարակված հոդվածում։ Ինչպես նշվում է հոդվածում, «հանրապետական սենատորները պատրաստվում են լքել Վաշինգտոնը՝ առանց Ռուսաստանի դեմ պատժամիջոցների մասին լայնածավալ օրինագիծ ընդունելու»։ Սենատի աշխատանքային նիստն ավարտվում է օգոստոսի սկզբին։ […] ...
20:22 02.08.2025
Հինգ երկրներից 90 ծանրոց մարդասիրական օգնություն է հասցվել ԳազաԻսրայելի բանակը շարունակում է մարդասիրական օգնություն հասցնել Գազայի հատված, հաղորդում է բանակի մամուլի ծառայությունը։ «Շաբաթ օրը, քաղաքական ղեկավարության հրահանգներին համապատասխան և Իսրայելի, ԱՄԷ-ի, Հորդանանի, Եգիպտոսի, Ֆրանսիայի և Գերմանիայի միջև համագործակցության շրջանակներում, Իսրայելի պաշտպանության բանակը շարունակում է մի շարք գործողություններ, որոնք ուղղված են Գազայի հատվածում մարդասիրական օգնության ավելացմանը։ Վերջին մի քանի ժամվա ընթացքում հինգ երկիր օդային […] ...
