18:28 08.12.2018
Վաղը կայանալիք Ազգային ժողովի արտահերթ ընտրություններից առաջ Գյումրիում նախապատրաստական վերջին աշխատանքներն են ընթանում։ Տեղամասային ընտրական հանձնաժողովների անդամները տարածքային հանձնաժողովներից ստանում են քվեարկության համար անհրաժեշտ փաստաթղթերը և տեխնիկական սարքավորումները։
2017 թվականի համապետական ընտրությունների համեմատ բուն քվեարկության ընթացքը, ըստ պատասխանատուների, փոփոխություն չի կրել, բայց տեղամասային հանձնաժողովներում նոր անձինք են ընդգրկվել, նրանք նաև անցել են դասընթացների փուլ:
Գյումրիի թիվ 31 տարածքային ընտրական հանձնաժողովը առավոտյան ժամը 09.00-ից է սկսել տեղամասային հանձնաժողովների ղեկավարներին անհրաժեշտ գույքի ու պարագաների, նաև այլ փաստաթղթերի բաժանումը, որոնցով վաղն ապահովելու են քվեարկության բնականոն ընթացքը։ Սարքավորումները տրամադրելուց առաջ ստուգվում են՝ պարզելու, թե արդյոք արկղի պարունակությունն ամբողջական է։
Այս սարքերն Ազգային ժողովի նախորդ ընտրություններում են առաջինը կիրառվել։ Թե որքան է դրանց խափանման հավանականությունը, աշխատանքի ընթացքում կերևա: Ընտրական տեղամասերն ապահովագրված կլինեն նաև սարքերի խափանման դեպքում: Համարակալված կտրոններ են տրամադրվելու տեղամասերին, որ եթե սարքերը չաշխատեն, դրանք կփոխարինեն: Տեխնիկական սարքավորումները ընտրողի մատնահետքի միջոցով ի հայտ են բերում կրկնակի քվեարկության, նաև տվյալ տեղամասի ընտրողների ցուցակում քաղաքացու գրանցված չլինելու փաստը։ Հանձնաժողովներին տրվում են անգամ բենզինի կտրոններ։
Իսկ գրանցամատյանները, անհատական կնիքներն ու դրոշմակնիքները առձեռն փոխանցվում են նախագահներին։ Հանձնաժողովների անդամների 30 տոկոսը նորեկ է: Նրանք հուսով են՝ իրենց կօգնեն տեղամասային հանձնաժողովների փորձառու անդամները։
Թիվ 31/11 ընտրատեղամասում SHANTNEWS.am-ի թղթակցի այցելության պահին քվեախցերն էին տեղադրում, քվեարկության արկղի, տեղն արդեն առանձնացված էր: Տեղամասային հանձնաժողովներն այսօր մի քանի նիստ են անցկացնելու, որի ժամանակ յուրաքանչյուր անդամի իր անհատական կնիքը կտրամադրվի:
Մինչև կեսգիշեր տեղամասերը պետք է կահավորված լինեն։ Այս քվեարկության ժամանակ մի հետաքրքիր նորամուծություն կա 18 տարին լրացած և առաջին անգամ ընտրություններին մասնակցող քաղաքացիների համար։ Նրանց կնվիրեն կրծքանշան, որի վրա գրված է հետևյալը.
«Ես քվեարկել եմ առաջին անգամ»:
Իսկ տեսախցիկներ Գյումրիի բոլոր ընտրատեղամասերը կունենան: Հարկ է նշել, որ քվեարկության օրը չի գործի ընտրողների անունները դատարանի միջոցով ցուցակ ընդգրկելու նախկին կարգը, և բնակավայր փոխած ու լրացուցիչ ցուցակներում չընդգրկված քաղաքացիները կզրկվեն այլ բնակավայրում ընտրելու իրավունքից։
09:14 02.05.2025
Անահիտ Մանասյանի գլխավորությամբ աշխատակազմում անցկացվել է խորհրդակցությունՄարդու իրավունքների պաշտպան Անահիտ Մանասյանի գլխավորությամբ աշխատակազմում անցկացվել է խորհրդակցություն: Ստորաբաժանումների ղեկավարները Պաշտպանին ներկայացրել են ընթացիկ աշխատանքներն ու առաջիկայում նախանշված ծրագրերը։ Քննարկվել են աշխատանքի կազմակերպման մեթոդաբանությանը վերաբերելի հարցեր: Այս մասին տեղեկացնում են Պաշտպանի աշխատակազմից։ «Անահիտ Մանասյանն անդրադարձել է քաղաքացիների ընդունելության գործընթացի և նրանց կողմից ստացվող դիմում-բողոքների ուսումնասիրության պատշաճ կազմակերպմանը և նշել, որ կառույցում մարդու իրավունքների […] ...
09:10 02.05.2025
Ալեքսանդրա Գրիգորյանը դարձել է Ծանրամարտի երիտասարդների աշխարհի առաջնության բրոնզե մեդալակիրՊերուի մայրաքաղաք Լիմայում շարունակվող ծանրամարտի պատանիների և երիտասարդների աշխարհի առաջնության կանանց 55 կգ քաշային կարգում Ալեքսանդրա Գրիգորյանը (անձնական մարզիչ` Քրիստինե Պետրոսյան) պոկում վարժությունում գլխավերևում պահեց 85 կգ ու 88 կգ: Այս մասին հայտնում են Հայաստանի ծանրամարտի ֆեդերացիայից։ «Հրում վարժությունում Ալեքսանդրան բարձրացրեց 116 կգ: Այս վարժությունում նա նվաճեց ոսկե մեդալ: Երկամարտի 204 կգ արդյունքով` Ալեքսանդրա Գրիգորյանը […] ...
09:05 02.05.2025
Վենսը հայտարարել է ՌԴ-ի և Ուկրաինայի առաջարկների միջև «ոսկե միջին» փնտրելու մասինԱՄՆ փոխնախագահ Ջ.Դ.Վենսն ասել է, որ թե՛ Ռուսաստանը, թե՛ Ուկրաինան ներկայացրել են իրենց առաջարկները՝ որպես հակամարտության կարգավորման գործընթացի մաս, և այժմ «ոսկե միջինի» որոնումներ են ընթանում։ «Այն, ինչ մենք տեսանք վերջին երկու շաբաթվա ընթացքում, այն է, որ կողմերից յուրաքանչյուրն ասել է՝ «Սա մեր խաղաղության առաջարկն է»: Ուկրաինացիներն արել են դա, իսկ հիմա, կարծում եմ, հարցն […] ...
09:00 02.05.2025
Bloomberg․ ԱՄՆ-ը նախատեսում է օգտագործել ուկրաինական հանքանյութերի գործարքը որպես մոդել այլ երկրների հետ համաձայնագրերի համարՎաշինգտոնը նախատեսում է օգտագործել ուկրաինական հանքանյութերի գործարքը որպես մոդել այլ երկրների հետ ապագա համաձայնագրերի համար։ Այս մասին հինգշաբթի օրը հայտնել է Bloomberg-ը՝ հղում անելով իր աղբյուրին։ Դրա տվյալներով՝ ամերիկյան վարչակազմը մտադիր է հավատարիմ մնալ այս մոտեցմանը «այն շրջանների նկատմամբ, որոնց Միացյալ Նահանգները սովորաբար դրամաշնորհներ կամ վարկեր է տրամադրում»։ Գործակալության աղբյուրի համաձայն՝ Կիևի հետ գործարքը վկայում […] ...
08:50 02.05.2025
Ռուբիոն կոչ է արել Իրանին թույլ տալ տեսուչներին մտնել բոլոր միջուկային օբյեկտներԱՄՆ պետքարտուղարը և ազգային անվտանգության հարցերով խորհրդականի ժամանակավոր պաշտոնակատար Մարկո Ռուբիոն ասել է, որ Իրանը պետք է թույլ տա միջազգային ստուգումներ իրականացնել իր բոլոր միջուկային օբյեկտներում, այդ թվում՝ ռազմական: Այս մասին նա ասել է Fox News-ին տված հարցազրույցում՝ մեկնաբանելով միջուկային ծրագրի շուրջ նոր համաձայնագրի հնարավոր պայմանները։ «Եթե Իրանն իսկապես ցանկանում է խաղաղ միջուկային էներգիա, այլ […] ...
08:38 02.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
