13:54 17.12.2018
«Շանթ» հեռուստաընկերության «Հեռանկար» հաղորդման տաղավարում Արամ Աբրահամյանը «Քրիստոնեա-դեմոկրատական կուսակցության» նախագահ Խոսրով Հարությունյանի հարցրել է՝ այս ամբողջ իրադարձություններից հետո ի՞նչ հետևություն պետք է անի իշխանությունը:
«Հետևություններ անելու, դասեր քաղելու անհրաժեշտություն միշտ կա: Գլխավոր հետևությունը՝ իրապես գիտակցել այն պատասխանատվությունը հանրության առջև, որ ստանձնում է իշխանությունը, որովհետև իշխանությունն իրավունք չէ, լիազորություն չէ, իշխանությունը նախ և առաջ պատասխանատվություն է հանրության հիմնական հատվածի սպասելիքները բավարարելու առումով, ապա նոր՝ այդ պատասխանատվությանը համապատասխան իրավունք կամ լիազորություն: Այն գլխավոր դասը, որ պետք է քաղեն քաղաքականության մեջ ներգրավվածները, սա է»,-ասաց Հարությունյանը:
Նա նաև խոսել է «սուպերվարչապետության» մասին․
«Երբ խոսում են սուպերվարչապետական դրսևորման կամ ինստիտուցիոնալ դրսևորման մասին, ես, որպես կանոն, մեջբերում եմ ԱԱԾ և ոստիկանության՝ ոչ նախարարության կարգավիճակով լինելը: Ես կպաշտպանեի այն թեզը, որ այդ երկու կառույցները պետք է լինեին նախարարություններ: Ինչո՞ւ: Որովհետև, ըստ մեր Սահմանադրության, նախարարությունը տվյալ ոլորտի քաղաքականության մշակման և իրականացման պատասխանատուն է: Եթե ազգային անվտանգության, ոստիկանության ոլորտում քաղաքականություն մշակողներն այլոք են, մեր իրականության մեջ շատ դժվար է ենթադրել, որ նրանք կարող են ստանձնել նաև դրա իրականացման պատասխանատվությունը: Այն թեզը, որ եթե այդ երկուսը գան, դառնան կառավարության մաս, դրանով վարչապետի լիազորությունները կնվազեն, որակական այլ փոփոխություն տեղի կունենա, թույլ տվեք դրա հետ չհամաձայնել»։
Հարությունյանը շեշտեց՝ վարչապետն այսօր ունի Սահմանադրությամբ խորհրդարանական կառավարման համակարգերին բնորոշ պատասխանատվություն և այդ պատասխանատվությանն ադեկվատ լիազորություն:
«Ընդ որում՝ այս պատասխանատվության աղբյուրը խորհրդարանն է, խորհրդարանական քաղաքական մեծամասնությունը, որը որպես կուսակցություն ընտրությունների ժամանակ ստանձնում է քաղաքական պատասխանատվություն ընտրողի առջև՝ իր իսկ նախընտրական խոստումների կատարման առումով: Ես ավելի շատ կմտահոգվեի ոչ թե այն բանի համար՝ վարչապետը սուպեր վարչապետ է, թե ոչ, այլ ավելի շատ իշխանությունների տարանջատման, հակակշռման համակարգով: Որպես կանոն, խոսում են գործադիր և օրենսդիր իշխանության հակակշիռների, զսպումների մասին, դա անհրաժեշտ է, բայց իրական քաղաքական ջրբաժանն անցնում է ոչ թե գործադիրի և օրենսդիրի միջև, այլ Ազգային ժողովում քաղաքական մեծամասնության և փոքրամասնության միջև»,- ասաց նա:
Միաժամանակ նա նշեց, որ փոխադարձ զսպումների տեսանկյունից Սահմանադրությունը ստեղծել է որոշակի երաշխիքներ, օրինակ, որ 1/3-րդն առնվազն պետք է լինի ընդդիմություն:
13:35 01.05.2025
Դպրոցականների խմբին վրաերթի ենթարկած տղամարդը խոստովանել է, որ ցանկացել է նրանց սպանելՃապոնիայի Օսակա քաղաքում դպրոցականների ուղղությամբ մեքենան վարած 28-ամյա տղամարդը խոստովանել է, որ ցանկացել է սպանել նրանց, հաղորդում է Kyodo լրատվական գործակալությունը։ «Ես ամեն ինչից հոգնել էի։ Ուզում էի մեքենայով վրաերթի ենթարկել դպրոցականներին և սպանել նրանց», – ոստիկանությանը տված նրա խոստովանությունը մեջբերում է «Կիոդո» լրատվական գործակալությունը։ Տղամարդը ձերբակալվել է սպանության փորձի կասկածանքով։ Ավելի վաղ NHK-ն հայտնել […] ...
13:20 01.05.2025
Մեզ համար կարևոր է ստեղծել այնպիսի միջավայր, որտեղ աշխատանքը ոչ միայն կենսաապահովման աղբյուր է, այլ նաև ինքնադրսևորման, մասնագիտական աճի հարթակ․ ԱՍՀ նախարարՀՀ աշխատանքի և սոցիալական հարցերի նախարար Նարեկ Մկրտչյանը շնորհավորական ուղերձ է հղել Աշխատանքի և աշխատավորների միջազգային օրվա կապակցությամբ․ «Սիրելի՛ քաղաքացիներ, Մայիսի 1-ը որպես Աշխատանքի և աշխատավորների միջազգային օր, կրկին հնարավորություն է ընդգծելու արժանապատիվ աշխատանքի կարևորությունը՝ հիմնված ազատության, արդարության և հավասարության վրա. սա այն հիմնական նպատակն է, որին ուղղված են պետության կողմից իրականացվող ոլորտային բարեփոխումները։ Մեզ […] ...
13:03 01.05.2025
Նոր Զելանդիայում արտակարգ դրություն է հայտարարվել ջրհեղեղի պատճառովՆոր Զելանդիայի Քրայսթչըրչ քաղաքում և Սելվին շրջանում արտակարգ դրություն է հայտարարվել՝ ուժեղ անձրևների հետևանքով առաջացած լայնածավալ ջրհեղեղներից հետո, հաղորդում է New Zealand Herald թերթը։ «Քրայսթչըրչում և Քենթերբերիի Սելվին շրջանում հայտարարվել է արտակարգ դրություն», – գրում է հրատարակությունը։ Հայտարարությունը արել է երկրի արտակարգ իրավիճակների նախարար Մարկ Միտչելը։ ...
12:50 01.05.2025
Վարազդատ Լալայանն այսօր տոնում է ծննդյան օրըՕլիմպիական խաղերի արծաթե մեդալակիր, աշխարհի և Եվրոպայի կրկնակի չեմպիոն Վարազդատ Լալայանը մայիսի 1-ին տոնում է ծննդյան օրը: «Հայաստանի ծանրամարտի ֆեդերացիայի ամբողջ անձնակազմն ի սրտե շնորհավորում է Վարազդատին` մաղթելով նորանոր նվաճումներ ու հպարտության բազմաթիվ պահեր»,-նշված է ֆեդերացիայի տարածած հաղորդագրության մեջ: ...
12:37 01.05.2025
Հրդեհ Աղավնավանք գյուղումՄայիսի 1-ին, ժամը 07։44-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աղավնավանք գյուղի 5-րդ փողոցի տներից մեկի բակում այրվում է անասնագոմ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Աղավնավանք գյուղի 3-րդ փողոցի տներից մեկի բակում գտնվող անասնագոմի տանիքում: Հրդեհը մեկուսացվել է ժամը 08:30-ին, մարվել՝ 08:55-ին։ Այրվել է անասնագոմի […] ...
12:20 01.05.2025
Աշխատանքը չպետք է ընկալվի որպես պարտադրանք կամ բեռ, այլ որպես ինքնադրսևորման, կայուն ապագայի կառուցման հնարավորություն․ ՊապոյանՀՀ էկոնոմիկայի նախարար Գևորգ Պապոյանը շնորհավորական ուղերձ է հղել Աշխատանքի և աշխատավորների համերաշխության միջազգային օրվա կապակցությամբ։ «Հարգելի՛ հայրենակիցներ, Շնորհավորում եմ Աշխատանքի և աշխատավորների համերաշխության միջազգային օրվա կապակցությամբ։ Այս օրը մեզ հիշեցնում է, որ առանց նպատակային, համակարգված և գիտելիքի վրա հիմնված աշխատանքի հնարավոր չէ ապահովել տնտեսական իրական առաջընթաց։ Աշխատանքը չպետք է ընկալվի որպես պարտադրանք, տանջանք կամ […] ...
