17:12 05.02.2019
ԱՀ ընդհանուր իրավասության առաջին ատյանի դատարանի 2018 թվականի փետրվարի 9-ի դատավճռով երկու տարի ազատազրկման դատապարտված Էլնուր Էլման օղլի Հուսեյնզադեն ԱՀ ոստիկանության ՔԿՎ քրեակատարողական հիմնարկում պատիժը կրելուց հետո 2019թ. փետրվարի 2-ին ազատ է արձակվել: Նա Հայաստանում գտնվող ադրբեջանցի երեք գերեվարվածներից մեկն էր: Այս առնչությամբ SHANTNEWS.am-ը զրուցել է ԼՂՀ մամուլի խոսնակ Դավիթ Բաբայանի հետ:
«Այդ ադրբեջանցի անձնավորությանն այն երկու ահաբեկչի հետ չպետք է նույնացնենք, նրանց դատավարությունը եղել է, պարզ, թափանցիկ, և նրանց մեղքն ապացուցվել է, կրում են իրենց պատիժը, երկու հոգին, որ մի խմբով մտել են, մեկը ոչնչացվել է, երկուսն էլ ահաբեկչական գործողություններ, մարդասպանություն և այլն… Այս անձնավորությունը նրանց շարքին չի պատկանում: Սա հստակ պիտի հասկանանք»,- ասաց Դավիթ Բաբայանը:
Իսկ երրորդին օրենքի սահմաններում ազատ արձակելը վկայում է հայ ժողովրդի քաղաքակրթության մակարդակի մասին, և դա չպետք է պայմանավորված լինի Ադրբեջանի գործողություններով:
«Արցախը նորմալ ժողովրդավարական երկիր է, մենք նացիստ չենք, ֆաշիստ չենք, սրանք մեր ուժեղ կողմերն են: Մենք չպետք է հավասարվենք այն քաղաքականությանը, որը վարվում է Ադրբեջանում, այսինքն՝ ատելությամբ լցվենք, մարդկանց սպանենք միայն նրա համար, որ այդ մարդը ուրիշ ազգության է պատկանում, սա աննորմալ երևույթ է, սա քայքայում է ցանկացած երկրի արժեհամակարգը, խորթ է հայ ժողովրդի քաղաքակրթությանը»,- ասաց Բաբայանը:
Իսկ արդյո՞ք Հայաստանի այս քայլից հետո կարելի է համապատասխան վերաբերմունք ու գործողություններ ակնկալել Ադրբեջանից: Արցախի նախագահի մամուլի խոսնակը լավատես չէ այս հարցում:
«Նրանք նման քայլի չեն դիմի, առհասարակ մեր քաղաքականությունը մենք չենք փոխկապակցում Ադրբեջանի հնարավոր քայլերի հետ: Հիմա ինչ, եթե նրանք բաց չեն թողնում մեր քաղաքացիներին, մենք պետք է իրենց հավասարվենք, մարդուն տանջե՞նք, սպանե՞նք և ասենք` մենք ձեզ հավասա՞ր ենք, ո´չ: Իրենք պարտավոր են հայերին բաց թողնել, ըստ միջազգային օրենքի և նորմերի, որովհետև նրանք վատ բան չեն արել, նրանց ձերբակալել են միայն նրա համար, որ հայեր են: Սա նացիզմ է, և միջազգային հանրությունը պետք է շատ խիստ վերաբերվի դրան, դժբախտաբար, չենք տեսնում այնպիսի արձագանք, բայց մենք արձագանքի համար չենք կատարում այդ քայլերը, օրենք կա, կան քաղաքակրթական նորմեր, մարդասիրության կանոններ: Սրանցով ենք առաջնորդվում»,- կարծում է Արցախի նախագահի մամուլի խոսնակը:
Իսկ նրանք երբ ասում են «Բոլորը բոլորի դիմաց», առաջին հերթին նկատի ունեն ահաբեկիչներին, վստահ է Բաբայանը, բայց հավաստիացնում է, որ դա անհնարին քայլ է:
Նրա խոսքերով` հայկական կողմն ամեն ինչ անում է, որ հայ գերիներին ազատ արձակի, Ադրբեջանը չի ցանկանում:
16:54 30.04.2025
Հայաստանի քաղաքների մթնոլորտային օդում փոշու պարունակությունը՝ ապրիլի 20-26-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է քաղաքների մթնոլորտային օդում փոշու պարունակությունը ապրիլի 20-26-ը։ Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ գրեթե ամբողջ շաբաթ, Վարդանանց փողոցի հարակից տարածք՝ ապրիլի 21-ին և 23-ին, Հերացի փողոցի հարակից տարածք՝ գրեթե ամբողջ շաբաթ։ Ալավերդի քաղաքում՝ Սանահին սարահարթ, Գայի փողոցի հարակից տարածք՝ […] ...
16:51 30.04.2025
Մհեր Գրիգորյանն Ուզբեկստանի փոխվարչապետի հետ զրույցում կարևորել է համատեղ ներդրումային ծրագրերի ակտիվացումըՈւզբեկստանի Հանրապետություն կատարած աշխատանքային այցի շրջանակներում փոխվարչապետ Մհեր Գրիգորյանը Տաշքենդում հանդիպում է ունեցել Ուզբեկստանի Հանրապետության փոխվարչապետ Ջամշիդ Խոջաևի հետ: Զրուցակիցները երկուստեք ընդգծել են երկկողմ առևտրատնտեսական հարաբերությունների զարգացման համար առկա մեծ ներուժը իրացնելու անհրաժեշտությունը, կարևորել այս ոլորտում բիզնես շրջանակների միջև շփումների և համատեղ ներդրումային ծրագրերի ակտիվացումը: ...
16:48 30.04.2025
Պակիստանն ուժեղացնում է զորքերի մարտական պատրաստվածությունը Հնդկաստանի հետ վերահսկողության գծի երկայնքովՊակիստանը ուժեղացրել է զորքերի պատրաստությունը Քաշմիրում Հնդկաստանի հետ շփման գծի սահմանի երկայնքով՝ ռազմական լարվածության աճի ֆոնին: Այս մասին հայտնում է The Economic Times-ը։ Պակիստանը հակաօդային պաշտպանության և էլեկտրոնային պատերազմի միջոցներ է տեղակայել սահմանային գծի Սիալկոտ հատվածում: Բանակը վերադասավորում է տանկային և հետևակային դիվիզիաները, ինչպես նաև զորամասերի ինտենսիվ զորավարժությունները։ Պակիստանի վարչապետ Շեհբազ Շարիֆը երեքշաբթի օրը ՄԱԿ-ի […] ...
16:45 30.04.2025
Բռնության ցանկացած դրսևորում խիստ անընդունելի և դատապարատելի է․ ՄԻՊՄարդու իրավունքների պաշտպան Անահիտ Մանասյանի հանձնարարությամբ աշխատակազմում սկսվել է ուսումնասիրություն Նոր Նորք վարչական շրջանի ղեկավարի աշխատակազմում տեղի ունեցած միջադեպի առնչությամբ։ Պաշտպանի հանձնարարությամբ, արագ արձագանքման խումբ է մեկնել Նոր Նորքի ոստիկանության բաժին՝ հանդիպելու Արթուր Չախոյանին և ձերբակալված այլ անձանց։ Պաշտպանի ներկայացուցիչներն առանձնազրույց են ունեցել նաև Արթուր Չախոյանի փաստաբանների հետ։ Պաշտպանի ներկայացուցիչների այցի ընթացքում պարզվել է, որ […] ...
16:40 30.04.2025
Անչելոտին չի գլխավորի Բրազիլիայի հավաքականը«Ռեալի» գլխավոր մարզիչ Կառլո Անչելոտին չի գլխավորի Բրազիլիայի հավաքականը, հայտնում է Marca-ն: Իտալացի մասնագետը Լոնդոնում հանդիպել ու բանակցել է Բրազիլիայի ֆուտբոլի կոնֆեդերացիայի ներկայացուցիչների հետ, հասել բանավոր համաձայնության: Չնայած դրան՝ «Ռեալի» նախագահ Ֆլորենտինո Պերեսը թույլ չի տվել, որ Անչելոտին ստորագրի պայմանագիրը: «Ռեալի» նախագահին դուր չի եկել այն փաստը, որ Անչելոտին բանակցություններ է վարել մրցաշրջանի այս հատվածում: […] ...
16:36 30.04.2025
51-ամյա արմավիրցին տանը թմրանյութ և զինամթերք էր պահումՔրեական ոստիկանության Արմավիրի մարզային վարչության ծառայողներն տեղեկություն էին ստացել, որ Նոր Արմավիր գյուղի բնակիչներից մեկը տանը և օժանդակ շինություններում պահում է կանեփից պատրաստած թմրամիջոց և զենք-զինամթերք: Նշված բնակարանում իրավապահները հայտնաբերել են մարիխուանա տեսակի թմրամիջոցի նմանվող մոտ 8 գրամ զանգված և 7,62 մմ տրամաչափի ինքնաձիգի փամփուշտներ: Նա ձերբակալվել և ներկայացվել է Քրեական ոստիկանության Արմավիրի մարզային վարչություն: ...
