16:38 08.02.2019
Կեսգիշերին Երևան-Երասխ ավտոճանապարհին բախվել են Արարատի Ոստան գյուղի բնակչի մարդատար ավտոմեքենան ու շտապօգնության մեքենան։ Մարդատար մեքենայի վարորդը մահացել է։ Շտապօգնության մեքենայի վարորդը, դրա մեջ գտնվող բուժքույրը, ինչպես նաև մարդատար մեքենայի ուղևորը մարմնական վնասվածքներով տեղափոխվել են բժշկական կենտրոն։
Սա եզակի դեպք չէ Հայաստանում։ Շտապօգնության մեքենաները պարբերաբար մասնակից են դառնում նման վթարների՝ երբեմն իրենց, երբեմն այլ վարորդների պատճառով։ Միայն հունվարին ու միայն Երևանում եղել է 2 նման միջադեպ։ Իսկ առհասարակ ցանցում որոնումները ցույց են տալիս դրանցից ավելի վտանգավորներն ու ողբերգականները։
Բայց շտապօգնության ծառայությունները միավորված չեն հանրապետական որևէ կառույցի մեջ, ու նույնիսկ առողջապահության նախարարությունը չի կարող ասել՝ որքան և ինչ պատճառով են շտապօգնության մեքենաները վթարների ենթարկվում։
«Եթե միջադեպ է տեղի ունենում, այսինքն` մարդիկ տեղափոխվում են բժշկական կենտրոններ, եթե վիրավոր են և այլն, իհարկե, մենք ստանում ենք այդ տեղեկատվությունը վիրավորների մասով, որ հասկանանք՝ դեպքը ինչ է եղել և այլն։ Այստեղ մենք, իհարկե, ստանում ենք այդ տվյալները»,- SHANTNEWS.am-ի հետ զրույցում ասաց առողջապահության նախարարի խոսնակ Ալինա Նիկողոսյանը։
Վերևում հիշատակված երկու դեպքից հետո առողջապահության նախարար Արսեն Թորոսյանը մի քանի գրառում էր արել Ֆեյսբուքում ու իր կարծիքը հայտնել հնարավոր բարեփոխումների վերաբերյալ։
https://www.facebook.com/ATorosyanOfficial/photos/a.379672092219062/865853503600916/?type=3&theater
Թե այս բարեփոխումները որ փուլում են, խոսնակին հայտնի չէ, սակայն նրա պնդմամբ՝ և՛ նախարարության, և՛ քաղաքապետարանի կողմից կա նման հետաքրքրվածություն։
Երևանի քաղաքապետարանից այս հարցին անդրադարձել են առանձին հրապարակումով, որի հենց վերնագրից վիրավորվածության զգացում է առաջանում․ «շտապօգնությունը կժամանի ավելի շուտ, եթե զիջեն վարորդները և չկանչեն լամպ փոխելու»։
Քաղաքապետարանն ասում է՝ մայրաքաղաքում աշխատում է 36 բուժխումբ ու սպասարկում է օրական 740 կանչ։ Եթե նրանք աշխատում են 24 ժամ, ապա միջինացված արդյունքով ստացվում է, որ ամեն խումբը ամեն 1 ժամ 10 րոպեում սպասարկում է մեկ կանչ՝ ներառյալ նաև ճանապարհի վրա ծախսվող ժամանակը։
«Ընկերության հիմնական նպատակն անհետաձգելի կանչերին արագ արձագանքելն է, սակայն հաճախակի են դեպքերը, երբ կանչերն ամենևին էլ շտա՛պ օգնության համար չեն: Երբեմն, ծառայության արագ արձագանքումը փոքր-ինչ ուշանում է նաև նման կանչերի պատճառով»,- ասվում է հաղորդագրության մեջ։
Քաղաքապետարանը վերահաստատում է՝ քաղաքացիների կանչերին արագ արձագանքելու գործում շատ կարևոր է շտապօգնության մեքենաների հանդեպ վարորդների գրագետ վերաբերմունքն ու ճանապարհը զիջելու մշակույթի ձևավորումը:
16:53 17.06.2025
ՀՀ-ում Եվրոպական միության պատվիրակության ղեկավարը հյուրընկալվել է ՀՀ ԿԸՀ-ումՀունիսի 17-ին ՀՀ-ում Եվրոպական միության պատվիրակության ղեկավար, դեսպան Վասիլիս Մարագոսը և Հայաստանում ԵՄ պատվիրակության ղեկավարի տեղակալ, դեսպանության քաղաքականության, մամուլի և տեղեկատվության բաժնի ղեկավար Յան Պլեշինգերը հյուրընկալվել են ՀՀ կենտրոնական ընտրական հանձնաժողովում։ ԿԸՀ նախագահ Վահագն Հովակիմյանը ողջունել է հյուրերին՝ հայտնելով համագործակցության վերաբերյալ իր պատրաստակամությունը։ Դեսպան Մարագոսը խոսել է ԵՄ-ի և ՀՀ ԿԸՀ-ի նախորդիվ եղած արդյունավետ համագործակցության […] ...
16:47 17.06.2025
Սի Ծինփինը նազգուշացրել է, որ մաքսային և առևտրային պատերազմում հաղթողներ չեն լինիՉինաստանի նախագահ Սի Ծինփինը կոչ է արել միջազգային հանրությանը գործել հավասարության և փոխադարձ օգուտի սկզբունքներով՝ ասելով, որ առևտրային պատերազմներում հաղթողներ չեն լինի։ «Միայն հավասարության, արդարության, փոխադարձ օգուտի և փոխադարձ շահի սկզբունքներին անսասան նվիրվածությունը կօգնի պահպանել համաշխարհային խաղաղությունը և հասնել համատեղ բարգավաճման: Մաքսային և առևտրային պատերազմում հաղթողներ չեն լինի: Միակողմանիությունը, պրոտեկցիոնիզմը և հեգեմոնիզմը կվնասեն և՛ ուրիշներին, […] ...
16:40 17.06.2025
Կոտայքի ոստիկանները բացահայտել են գողության դեպքեր․ մեկ անձի մեղադրանք է ներկայացվելՄայիսի 30-ի առավոտյան Համայնքային ոստիկանության Կոտայքի բաժնում ստացվեց նույնաբովանդակ երեք ահազանգ: Գիշերվա ընթացքում Բյուրեղավանի Երիտասարդական ու Վազգեն Վեհափառի փողոցներում, ինչպես նաև Արզնիում կոտրել էին սրճեփ երեք սարքի երկաթյա դռներն ու գողացել համապատասխանաբար` 50, 220 և 50 հազար դրամ: Աբովյանի քննչական բաժնում նախաձեռնվեց քրեական վարույթ: Համայնքային ոստիկանության Կոտայքի բաժնի ծառայողների օպերատիվ-հետախուզական միջոցառումների արդյունքում ստացվեցին փաստական տվյալներ, […] ...
16:32 17.06.2025
Ալմեյդան` «Սևիլիայի» գլխավոր մարզիչԱրգենտինացի մասնագետ Մաթիաս Ալմեյդան գլխավորել է իսպանական «Սևիլիան»։ Այս մասին հաղորդում է ակումբի մամուլի ծառայությունը: 51-ամյա մասնագետի հետ ստորագրվել է երեք տարվա պայմանագիր, որի ժամկետը կսպառվի 2028 թվականի հուլիսի 1-ին: Ալմեյդան նախկինում գլխավորել էր արգենտինական «Ռիվեր Փլեյթը», «Բանֆիլդը», մեքսիկական «Չիվասը», հունական ԱԵԿ-ը և այլ թիմեր: Ալմեյդան 1996/1997 մրցաշրջանում, խաղացել էր «Սևիլիայում»: Հիշեցնենք, որ 2024/2025 մրցաշրջանի […] ...
16:24 17.06.2025
Ժաննա Անդրեասյանն ԱԺ-ում ներկայացրել է ԿԳՄՍՆ 2024 թվականի կատարողականըԱԺ նստաշրջանի հերթական նիստում քննարկվել է «ՀՀ 2024 թվականի պետական բյուջեի կատարման մասին» տարեկան հաշվետվությունը: Այս մասին հայտնել են ԿԳՄՍ նախարարությունից: Նիստի ընթացքում ՀՀ կրթության, գիտության, մշակույթի և սպորտի նախարար Ժաննա Անդրեասյանը ներկայացրել է նախարարության 2024 թվականի կատարողականը։ Նրա խոսքով՝ հաշվետու տարում կրթության, գիտության, մշակույթի, սպորտի և երիտասարդության ոլորտներում իրականացվել է 23 բյուջետային ծրագիր՝ ներառելով […] ...
16:16 17.06.2025
Իրազեկում․ Երևանի Աջափնյակ վարչական շրջանում գործարկվելու են էլեկտրական շչակներՀունիսի 18-ին՝ ժամը 11:00-ից մինչև 13:20-ն ընկած ժամանակահատվածում, Երևանի Աջափնյակ վարչական շրջանի Բեկնազարյան, Մարգարյան, Լենինգրադյան, Բաշինջաղյան, Առաքելյան, Հալաբյան, Լուկաշինի, Շիրազի փողոցների մի շարք հասցեներում գործարկվելու են էլեկտրական շչակներ։ ՆԳՆ փրկարար ծառայությունից խնդրում են չանհանգստանալ։ ...
