16:22 14.02.2019
ԱԺ «Բարգավաճ Հայաստան» խմբակցության անդամ Նաիրա Զոհրաբյանը փետրվարի 14-ին խորհրդարանում նշեց՝ վերջին երեք օրերին կառավարության ծրագրի քննարկումների ընթացքում ներկայացրին, թե ինչպես են տեսնում և ինչպիսին պիտի լիներ հանրային բարձր լեգիտիմություն ունեցող իշխանության ներկայացրած ծրագիրը:
Այն, ըստ Զոհրաբյանի, պետք է լիներ հեղափոխական, մինչդեռ քաղաքական մեծամասնության ներկայացուցիչների ամեն հաջորդ բառը «Փաշինյանի իշխանության բարձր լեգիտիմությունն» է: Նա նշեց՝ իրեն իրավունք է վերապահում ասվածը խմբագրել և ասել՝ Փաշինյանի անձի բարձր լեգիտիմությունը, ապա ասաց՝ այդ ռեսուրսը հաշվի առնելով է, որ ասում են՝ այն, ինչ ներկայացրել են, վախվորած է, զգուշավոր, այնքան զգուշավոր, որ եթե անգամ օրական 5000 անգամ կրկնեն, որ ունեն բարձր լեգիտիմություն, դա չի լուծելու խնդիրների այն բեռը, որի լուծման համար ժողովուրդը նրանց տվեց վստահության աննախադեպ քվե:
Զոհրաբյանը հիշեցրեց՝ հանրային վստահությունը հավերժ չի լինելու, կա քաղաքական հստակ օրինաչափություն, ամենամեծ վստահությունն անգամ մաշվելու հատկություն ունի՝ անկախ առկա գերդոզայից, բացառություններ չեն լինում:
«Այն, ինչ կատարվեց, աննախադեպ էր, ոչ ոք չէր կարծում, որ հնարավոր բոլոր ախտերի մեջ թաթախված իշխանությունը հնարավոր է՝ հեռանա, բոլորը վստահ էին, որ նրանք մնալու են երկրի բկին չոքած, բայց քանդվեց ժողովրդի հուսալքության պատը, քաղաքացին սկսեց թունելի վերջում լույս տեսնել, հաջողվեց մարդկանց մեջ արթնացնել քաղաքացուն, ով հասկացավ, որ ունի արդար, բարեկեցիկ ապրելու և իր իրավունքներին տեր կանգնելու լեգիտիմ իրավունք: Ձեր ներկայացրած ծրագիրը նման բարձր լեգիտիմություն ունեցող իշխանության ծրագիր չէ, այն չի լուծելու խնդիրները, առանց որի տնտեսությունը մնալու է հաշմանդամ»,- ասաց նա:
Զոհրաբյանը մեջբերեց իրենց քաղաքական ուժի առաջնորդ Գագիկ Ծառուկյանի խոստումը՝ եթե որևէ լուրջ տնտեսագետ կապացուցի, որ այս ծրագիրը կլուծի տնտեսական հեղափոխության խնդիրը, իրենք պատրաստ կլինեն այն ընդունել, ապա ցավով նշեց, որ դա չի կատարվել:
«Ես վախենում եմ, որ հանրությունը կամաց-կամաց սկսի կորցնել հավատն իր ապագայի հանդեպ, որ ունեցել է ապրիլ-մայիսին ու նաև դեկտեմբերի 9-ին, մեր նպատակը հեղափոխությանը նպաստելն է, մենք կոնկրետ առաջարկներ ենք ներկայացրել, չնայած հասկանում ենք, որ Սահմանադրությունը թույլ չի տալիս»,- նշեց նա:
21:54 30.04.2025
Անահիտ Ավանեսյանն այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասինԱռողջապահության նախարար Անահիտ Ավանեսյանը Ֆեյսբուքի իր էջում հայտնել է, որ երեկ այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասին: «Նախ շնորհակալ եմ մեր քաղաքացիներին անկեղծ ու կառուցողական մոտեցման և պատրաստակամության համար: Այս ծրագրի նպատակը մարդկանց ընտրության հնարավորություն տալն է, որ ոչ թե մենք մի տեսակի դեղ գնենք մրցույթով և […] ...
21:37 30.04.2025
Շվանիձոր-Նռնաձոր-ՀՀ սահման ճանապարհին կատարվելու են պայթեցման աշխատանքներՃանապարհային դեպարտամենտ հիմնադրամից հայտնել են, որ Շվանիձոր-Նռնաձոր-ՀՀ սահման ավտոճանապարհի շինարարական աշխատանքներով պայմանավորված՝ մայիսի 1-ին՝ ժամը 12.00-ից 16.00-ի սահմաններում, կատարվելու են պայթեցման աշխատանքներ։ Հարակից բնակավայրերի բնակիչներին հորդորում ենք չանհանգստանալ։ ...
21:25 30.04.2025
Կայացել է Երևանում անցկացվելիք վոլեյբոլի Եվրոպայի Մ16 առաջնության վիճակահանությունըԵրևանում հուլիսի 23-ից օգոստոսի 3-ը կանցկացվի վոլեյբոլի Եվրոպայի մինչև 16 տարեկան տղաների առաջնությունը, որին Հայաստանի ու ևս 15 երկրի ներկայացուցիչներ կմասնակցեն: Արդեն տեղեկացրել ենք, որ Հայաստան կժամանեն Ֆրանսիայի, Լեհաստանի, Իտալիայի, Հունգարիայի, Լատվիայի, Չեխիայի, Թուրքիայի, Բուլղարիայի, Իսպանիայի, Ուկրաինայի, Ավստրիայի, Հունաստանի, Սերբիայի, Սլովենիայի և Ռումինիայի պատվիրակները: Կայացել է առաջնության վիճակահանությունը, որի արդյունքներով Հայաստանի հավաքականի ենթախմբում ընդգրկվել են […] ...
21:09 30.04.2025
Պեսկովը հաստատել է Սի Ծինփինի մասնակցությունը Մոսկվայում մայիսի 9-ի տոնակատարություններինՉինաստանի Ժողովրդական Հանրապետության նախագահ Սի Ծինփինը մայիսի 9-ին Մոսկվայում կմասնակցի Հաղթանակի 80-ամյակի տոնակատարությանը։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։ «Մենք սպասում ենք Չինաստանի առաջնորդին։ Նախագահ Սի Ծինփինը առանձին այց կունենա։ Մենք մեծ նշանակություն ենք տալիս այցին և պատրաստվում ենք դրան», – ասել է Կրեմլի ներկայացուցիչը։ Ավելի վաղ Ռուսաստանի նախագահ Վլադիմիր Պուտինը […] ...
20:54 30.04.2025
ՀՀ ՏԿԵ նախարարն ընդունել է Միջազգային տրանսպորտային ֆորումի (ITF) գլխավոր քարտուղարին և ITF ավտոմոբիլային տրանսպորտի խմբի ղեկավարինՀՀ ՏԿԵ նախարար Դավիթ Խուդաթյանը Ֆեյսբուքի իր էջում հայտնել է, որ այսօր ընդունել է Միջազգային տրանսպորտային ֆորումի (ITF) գլխավոր քարտուղար Յոնգ Թե Կիմին և ITF ավտոմոբիլային տրանսպորտի խմբի ղեկավար Յուստաս Ռասոմավիչյուսին։ «Ողջունել եմ հյուրերին և շնորհակալություն եմ հայտնել տրանսպորտի ոլորտում և հատկապես Որակի Խարտիայով նախատեսված պահանջներին համապատասխան օրենսդրական բարեփոխումներին աջակցելու համար։ Պատրաստակամություն եմ հայտնել հաջորդիվ […] ...
