10:29 19.02.2019
Փետրվարի 15-ին ՀՀ արտաքին գործերի նախարարությունում կայացան հյուպատոսական հարցերով երկկողմ խորհրդակցություններ Հայաստանի Հանրապետության և Վրաստանի արտաքին գործերի նախարարությունների միջև:
ՀՀ պատվիրակության ղեկավար, ՀՀ ԱԳՆ հյուպատոսական վարչության պետ Վլադիմիր Կարմիրշալյանը, ողջունելով Վրաստանի պատվիրակությանը, գոհունակությամբ արձանագրեց երկու երկրների արտաքին գերատեսչությունների և դեսպանությունների միջև ձևավորված կառուցողական և արդյունավետ համագործակցությունը։ Վրաստանի պատվիրակության ղեկավար, ԱԳ նախարարության հյուպատոսական դեպարտամենտի տնօրեն Գեորգի Տաբատաձեն, շնորհակալություն հայտնելով հյուրընկալության համար, իր հերթին նշեց, որ երկկողմ օրակարգում չկան այնպիսի հյուպատոսական խնդիրներ, որոնք հնարավոր չէ կարգավորել բանակցությունների միջոցով, հենց այդ նպատակով էլ իրենք ժամանել են Երևան:
Խորհրդակցությունների ընթացքում կողմերն անդրադարձան երկու պետությունների միջև հյուպատոսական հարաբերություններում կարևոր նշանակություն ունեցող խնդիրներին, քննարկեցին Հայաստանի և Վրաստանի քաղաքացիների իրավունքների և օրինական շահերի պաշտպանությանն առնչվող հարցեր, մտքեր փոխանակեցին Եվրամիության, հարևան երկրների հետ հյուպատոսական հարաբերությունների վերաբերյալ:
Վրացական պատվիրակությանն ընդունեց ԱԳ նախարարի տեղակալ Շավարշ Քոչարյանը:
Կողմերը պատրաստակամություն հայտնեցին նմանատիպ հանդիպումներն ավելի հաճախակի դարձնել: Պայմանավորվածություն ձեռք բերվեց հաջորդ խորհրդակցություններն անցկացնել Թբիլիսիում:
21:56 07.06.2025
Երևան-Գյումրի ավտոճանապարհին բախվել են «Audi»-ն և «BMW»-նՀունիսի 7-ին, ավտովթար է տեղի ունեցել Շիրակի մարզում։ Ժամը 13։30-ի սահմաններում Երևան-Գյումրի-Բավրա M1 ավտոճանապարհի 110 կմ հատվածում բախվել են Վրաստանի քաղաքացի 40-ամյա Վիլեն Վարդապետյանի վարած «Audi» մակնիշի և Շիրակի մարզի բնակիչ 38-ամյա Սամվել Գոմցյանի վարած «BMW» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով Ս․ Գոմցյանը և ուղևոր, Շիրակի մարզի բնակիչ 35-ամյա Ամալյա Մուրադյանը մարմնական […] ...
21:46 07.06.2025
Շաքիի ջրվեժի հմայքը. Փաշինյանը տեսանյութ է հրապարակելՀՀ վարչապետ Նիկոլ Փաշինյանը Ֆեյսբուքի իր էջում տեղեկացրել է, որ տիկնոջ՝ Աննա Հակոբյանի հետ այցելել է Շաքիի ջրվեժ: «Շաքիի ջրվեժի հմայքը»- գրել է Փաշինյանը: Մանրամասները՝ տեսանյութում: ...
21:37 07.06.2025
Focus. Գերմանիայում մեքենան մխրճվել է մարդկանց խմբի մեջԳերմանիայի հարավում գտնվող Պասաու քաղաքում (Բավարիայի դաշնային երկրամաս) մեքենան մխրճվել է մարդկանց ամբոխի մեջ, ոստիկանությունը չի բացառում դիտավորյալ բախման հնարավորությունը։ Այս մասին հաղորդում է Focus Online պորտալը: Հաղորդվում է, որ Mercedes-ը վարել է 48-ամյա տղամարդ։ Վարորդը ձերբակալվել է։ Իրավապահ մարմինների նախնական եզրակացությունների համաձայն՝ վրաերթի ենթարկվածների թվում են վարորդի 38-ամյա կինը և նրանց 5-ամյա դուստրը։ Ոստիկանությունը […] ...
21:28 07.06.2025
Նախագահի հրամանագրերով դատավորներ են նշանակվելՀՀ նախագահ Վահագն Խաչատուրյանը հրամանագիր է ստորագրել, ըստ որի՝ Ռուզաննա Ամիրջանյանը նշանակվել է Սյունիքի մարզի առաջին ատյանի ընդհանուր իրավասության դատարանի դատավոր: «Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2025 թվականի հունիսի 2-ի ԲԴԽ-37-Ո-74 որոշմամբ ներկայացված առաջարկությունը. Ռուզաննա Ամիրջանյանին նշանակել Սյունիքի մարզի առաջին ատյանի ընդհանուր իրավասության դատարանի […] ...
21:16 07.06.2025
Երևանում 38-ամյա վարորդը ոչ սթափ վիճակում «Neta» մակնիշի ավտոմեքենայով գլխիվայր հայտնվել է փոսումՀունիսի 7-ին, խոշոր ավտովթար է տեղի ունեցել Երևանում: Ժամը 03:30-ի սահմաններում Երևանի բնակիչ 38-ամյա Մինաս Մ.-ն իր վարած «Neta» մակնիշի ավտոմեքենայով, որի վրա եղել են տրանզիտ համարանիշներ, Հյուսիս-հարավ նոր կառուցվող ճանապարհի Բաբաջանյան փողոցի չգործող հատվածից «Արմենիկում» կլինիկական կենտրոնի մոտ դուրս է եկել երթևեկելի գոտուց և գլխիվայր հայտնվել փոսում: Ինչպես հայտնում է shamshyan.com-ը, վարորդ Մինաս Մ.-ն […] ...
