23:38 20.02.2019
ՊՊԾ գնդի գրավման գործով 10 ամբաստանյալների դատաքննության ժամանակ Ընդհանուր իրավասության դատարանի Շենգավիթի նստավայրում այսօր ցուցմունք է տվել ոստիկան Վլադիմիր Սիրեկանյանը: Նա 2016 թվականի հուլիսի 17-ին հերթապահ է եղել:
«Հարվածի ձայն լսեցի, մտածեցի՝ վթար է: Եկան, ձեռքերս կապեցին, տարան հանգստի սենյակ: Մյուս ոստիկաններին էլ բերեցին: Ճնշումս բարձրացավ, ես սրտի խնդիր ունեի: Երկար ժամանակ մնացել եմ շտապօգնության մեքենայում, հետո ինձ տեղափոխել են հիվանդանոց»,- պատմեց տուժողը:
Հիշեցնենք ՝ 2016 թվականի հուլիսի 17-ին զինված խումբը «Կռազ» մակնիշի մեքենայով հարվածել է Ոստիկանության ՊՊԾ գնդի դարպասին, վնասել այն ու ներս մտել:
Պատմեց նաև, որ գտնվել է նույն հանգստի սենյակում, որտեղ եղել է նաև այն ժամանակվա Երևանի փոխոստիկանապետ Վալերիյ Օսիպյանը:
«Երբ սենյակում էի, եկավ առանց «պագոնների», զարմացա, թե ոնց հայտնվեց: Վարդան Եղիազարյանն էլ եկավ: Օսիպյանը խնդրեց, որ ինձ թողնեն, տանեն հիվանդանոց: Ճնշումս 240 էր, բայց չէին թույլատրում տանել հիվանդանոց»:
Այս ոստիկանի ցուցմունքի ամենաուշագրավ հատվածը, թերևս, զոհված ոստիկան Գագիկ Մկրտչյանի մասին էր, լավ ընկերներ են եղել, տուժողը դժվարանում էր վերհիշել այդ դեպքերը՝ հուզվում էր:
«Բերեցին, նստեցրին, արյուն էր գալիս ձեռքից և որովայնի հատվածից… կլինի՞ էլ չասեմ այդ մասին, հիշում եմ՝ հուզվում եմ»,- խնդրեց տուժողը: Դատավոր Մեսրոպ Մակյանը պարզաբանեց, որ այդ տեղեկությունները կարևոր են, ուստի հարցերին անհրաժեշտ է պատասխանել:
«Ձեռքից վիրավոր էր, շատ արյուն կար: Զգում էի, որ արնաքամ է լինում: Ասում էր՝ «մի բան արեք», բայց ձեռքերս կապած-նստած էի, ի՞նչ կարող էի անել: Ասում էր՝ «օգնեք, կարող է մահանամ»: Ինձ համար պարզ էր, որ իրա վրա կրակել էին: Կես ժամ էլ չմնաց այդ սենյակում, տարան»:
Տուժողն ասաց, որ ոստիկան Գագիկ Մկրտչյանը վիրավոր էր ձախ կողմից:
Ոստիկանը նաև ասաց՝ ՊՊԾ գնդի տարածքում գտնվող իր մեքենայում 114 հազար դրամ է եղել, որն անհետացել է: Դատավոր Մեսրոպ Մակյանը հայտնեց, որ 114 հազար դրամի վերաբերյալ այս գործով որևէ անձի մեղադրանք չի առաջադրվել, ուստի նյութական վնասի մասին պահանջ չի կարող լինել:
«Դե, թող գնա, կորի»,- ասաց տուժողը:
Ի դեպ, Վլադիմիր Սիրեկանյանը հաստատեց, որ դեմ է ՊՊԾ գունդը գրաված զինված խմբի անդամների նկատմամբ համաներում կիրառելուն:
18:24 16.06.2025
«Վանաձոր» ՔԿՀ ծառայողները հայտնաբերել են ներնետված փաթեթներ
18:17 16.06.2025
ՏԿԵ նախարար Դավիթ Խուդաթյանը հանդիպում է ունեցել Սաքսոնիա-Անհալթ երկրամասի փոխվարչապետի հետՀՀ ՏԿԵ նախարար Դավիթ Խուդաթյանը Գերմանիայի Դաշնային Հանրապետություն կատարած աշխատանքային այցի ընթացքում հանդիպում է ունեցել Սաքսոնիա-Անհալթ երկրամասի փոխվարչապետ, Գիտության, էներգետիկայի, կլիմայի պահպանության և շրջակա միջավայրի նախարար Արմին Վիլինգմանի հետ։ Հանդիպմանն անդրադարձ է կատարվել վերականգնվող էներգետիկայի ուղղության զարգացմանը, կուտակիչ կայանների, ջրածնային էներգիային վերաբերող հարցերին, քննարկվել են աշխատանքային այլ հարցեր ևս։ Հանդիպմանը մասնակցել է նաև Գերմանիայի Դաշնային […] ...
18:12 16.06.2025
Հայկ Հովակիմյանը հեռացել է «Դեբրեցենից»Հայկ Հովակիմյանը հեռացել է «Դեբրեցենից», հայտնում է ակումբի մամուլի ծառայությունը։ 31-ամյա Հովակիմյանը 2022 թ. հուլիսին աշխատանքի է անցել հունգարական ակումբում և եղել նախ մարզական, ապա` միջազգային գծով տնօրեն։ Կողմերի պայմանագիրը լրանալուց հետո որոշվել է չշարունակել համագործակցությունը։ Հովակիմյանը 2019-2022 թթ. եղել է «Նոայի» մարզական տնօրենը։ ...
18:07 16.06.2025
Հանձնաժողովը դրական եզրակացություն է տվել «Պետական տուրքի մասին» օրենքում առաջարկվող փոփոխություններինՆախագծի հիմնական նպատակներն են ապահովել ոլորտային արտադրատեսակների շուկայում հավասար մրցակցությունը, արտադրական ավելի երկար շղթաների կիրարկումը, առավել բարձր ավելացված արժեքով տեղական ապրանքների արտադրության զարգացման խթանումը: Այս մասին ասել է ՀՀ էկոնոմիկայի նախարար Գեւորգ Պապոյանն ԱԺ տնտեսական հարցերի մշտական հանձնաժողովի՝ հունիսի 16-ի արտահերթ նիստում առաջին ընթերցմամբ քննարկման ներկայացնելով ««Պետական տուրքի մասին» օրենքում լրացում եւ փոփոխություն կատարելու մասին» […] ...
17:54 16.06.2025
Համընդհանուր հայտարարագիր լրացրած 28 հազար 916 քաղաքացի ետ է ստացել 2 միլիարդ 569 միլիոն դրամ սոցիալական կրեդիտ. վարչապետՀունվարի 1-ից մինչև օրս Համընդհանուր հայտարարագիր լրացրած 28 հազար 916 քաղաքացի (նախորդ երկուշաբթի օրվա համեմատ + 1551 քաղաքացի) ետ է ստացել 2 միլիարդ 569 միլիոն դրամ սոցիալական կրեդիտ (նախորդ երկուշաբթի օրվա համեմատ +132 միլիոն դրամ): Մեկ մարդու կողմից ետ ստացած կրեդիտի միջին չափը 89 հազար դրամ է: Այս մասին ֆեյսբուքյան իր էջում տեղեկացրել է վարչապետ […] ...
17:48 16.06.2025
Վթար Արշակունյաց պողոտայում․ 58-ամյա վարորդը հիվանդանոցում մահացել էՀունիսի 13-ին՝ ժամը 19:00-ին, 58-ամյա Վյաչեսլավ Հ․-ն «Տոյոտա» մակնիշի ավտոմեքենայով Արշակունյաց պողոտայում բախվել է «ԺոնգՏոնգ» ավտոբուսին, այնուհետև «սրտի կանգ» ախտորոշմամբ տեղափոխվել է հիվանդանոց։ Ժամը 21:00-ին հիվանդանոցից հայտնել են, որ նա մահացել է։ Կատարվում է նախաքննություն։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով […] ...
