23:16 21.02.2019
ԱԺ պատգամավոր Նաիրա Զոհրաբյանը ֆեյսբուքյան գրառմամբ անդրադարձել է կինեմատոգրաֆիստների միության նախագահ Հարություն Խաչատրյանի՝ նախօրեին կատարած հայտարարությանը՝ վերհիշելով նրա՝ ավելի վաղ հնչեցրած տեսակետն այդ հարցի շուրջ: Հիշեցնենք, որ Խաչատյանը մասնավորապես խոսել էր ստեղծագործական միությունների վերափոխման խնդրի մասին:
«Երեկ Հայաստանի Կինեմատոգրաֆիստների միության նախագահ Հարություն Խաչատրյանը սենսացիոն հայտարարություն արեց։ Կինոյի միության նախագահը հայտարարեց, որ ստեղծագործական միությունները ժամանակին ԱԱԾ-ի կողմից ստեղծված հիմնարկներ են եղել, որոնք հիմնականում հետևում և հետապնդում էին արվեստագետներին, որպեսզի նրանք «գծից» դուրս չգան, որովհետև արվեստագետները լինում են կա՛մ ստորաքարշ, կա՛մ շատ ըմբոստ։ Եվ, ուստի, ժամանակն է, որ ստեղծագործական միությունների ողջ հայեցակարգը փոխվի։
Ժամանակին, երբ ես շատ ավելի նուրբ ու մեղմիկ ԱԺ ամբիոնից հայտարարեցի, որ ստեղծագործական միությունների շահերից է բխում գնալ հեղափոխական և արմատական փոփոխությունների, որպեսզի ստեղծագործական միությունը ձավար բաժանող կառույցից հնարավորություն ունենա դառնալու ստեղծագործական խնդիրներ գեներացնող, բարձրացնող և լուծող հարթակի, ստեղծագործական միությունների հարգարժան ղեկավարները մեկ բռունցք դարձած իմ դեմ նամակներ հղեցին «Կրեմլ», «Տրապիզոն» ու եթե Հռոմի Պապի հասցեն էլ իմանային` երևի իրեն էլ ուղարկեին։ Իսկ մի պոետ, որ իրեն համարում է անդառնալի դասական, մտորում էր խարույկ վրա ինձ այրել` որպես հայ բազմադարյան մշակույթին դեմ գործչի։
Սա չէի հիշի, եթե Հարություն Խաչատրյանն ինքը չբարձրացներ ստեղծագործական միությունները վերափոխելու խնդիրը, ինչը միանշանակ պաշտպանում եմ, և պատրաստ եմ օրենսդրական դաշտում լինել ձեր աջակիցը»,- մասնավորապես գրել է նա:
16:30 02.08.2025
Սյունիքի մարզի մի շարք հասցեներում փորձարկվելու են էլեկտրական շչակներՕգոստոսի 4-ին՝ ժամը 10:00-ին, Սյունիքի մարզի Մեղրի և Ագարակ քաղաքներում, Տաշտուն, Վարդանիձոր, Լեհվազ, Կարճևան, Շվանիձոր, Վահրավար, Ալվանք, Նռնաձոր, Լիճք բնակավայրերում փորձարկվելու են էլեկտրական շչակներ։ Փրկարար ծառայությունից խնդրում են չանհանգստանալ։ ...
16:16 02.08.2025
Միակ հարվածը դարպասին ավարտվել է գոլով․ «Արսենալ»-«Տոտենհեմ» խաղի վիճակագրությունըԱնգլիական «Արսենալն» ու «Տոտենհեմը» Հոնկոնգում անցկացրել են ընկերական խաղ, որտեղ հաջողությունն ուղեկցել է Թոմաս Ֆրանկի գլխավորած թիմին՝ 1-0: Միակ գոլն առաջին կեսի ավարտին խփել է սենեգալցի Պեպե Սարը: «Արսենալը» կատարել է 16 հարված, «Տոտենհեմը»՝ 6, սակայն թիմերը դարպասին կատարել են ընդամենը մեկական հարված, «Տոտենհեմինը» եղել է արդյունավետ: Արտետայի թիմն հաջորդ ընկերական խաղում օգոստոսի 6-ին ուժերը […] ...
15:58 02.08.2025
Ժամը 15:50 դրությամբ Երևանում +41 աստիճան է. ՍուրենյանԺամը 15:50 դրությամբ Երևանում +41 աստիճան է: Այս մասին ֆեյսբուքյան իր էջում գրել է Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը: ...
15:46 02.08.2025
Վեդիում բախվել են մարդատար «Գազել»-ը և «ՎԱԶ 2121»-ը․ կա տուժածԱյսօր՝ օգոստոսի 2-ին, ավտովթար է տեղի ունեցել Արարատի մարզում։ Ժամը 11։10-ի սահմաններում Վեդի քաղաքի Արարատյան փողոցում բախվել են Երևանի բնակիչ 63-ամյա Գագիկ Բ․-ի վարած «Գազել» մակնիշի և Արարատի մարզի բնակիչ 59-ամյա Ռաֆիկ Հ․-ի վարած «ՎԱԶ 2121» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 1 հոգի հոգի տեղափոխվել է «Վեդի» բժշկական կենտրոն։ Վթարի փաստով Վեդիի […] ...
15:30 02.08.2025
Վաչե Հովակիմյանը լրացրել է իր առաջին միջազգային վարպետի նորմանՖԻԴԵ-ի վարպետ Վաչե Հովակիմյանը Սերբիայում անցկացված RUDAR XL-IM ROUND ROBIN շախմատի մրցաշարում լրացրել է իր առաջին միջազգային վարպետի նորման։ Այս մասին հայտնում է Հայաստանի շախմատի ֆեդերացիան: Վաչեն 9 հնարավորից վաստակել է 7 միավոր, գրավել առաջին տեղն ու 41 կետով բարելավել իր միջազգային վարկանիշը: ...
15:16 02.08.2025
Արդյո՞ք տուրիզմը կարող է դառնալ Հայաստանի տնտեսության շոգեքարշերից մեկը. Հեռանկար բանավեճՄասնագետները համարում են, որ տուրիզմի ոլորտը կարող է դառնալ Հայաստանի տնտեսության շոգեքարշերից մեկը։ Ի՞նչ է արվում, որ դա իրականություն դառնա։ Արդյո՞ք մեր երկիրն ի վիճակի է տարեկան 3 միլիոն զբոսաշրջիկ գրավել։ Եղած ենթակառուցվածքը թույլ կտա՞ ապահովել մատուցվող ծառայությունների այն որակը, որի դեպքում զբոսաշրջիկները Հայաստանում տարեկան 3 մլրդ դոլար կթողնեն։ Այս թեմաների մասին իրենց կարծիքն են […] ...
