13:22 25.02.2019
ԱԺ Մարդու իրավունքների պաշտպանության և հանրային հարցերի մշտական հանձնաժողովի նիստում, խոսելով «Արհմիությունների մասին» օրենքում լրացումներ կատարելու արդյունքում շահերի բախման հնարավորության մասին, հիմնական զեկուցող, «Բարգավաճ Հայաստան» խմբակցության անդամ Գևորգ Պետրոսյանը վստահեցրեց՝ շահերի բախումը բացառված է:
«Արհմիությունը մենք պետք է որպես «պուտյովկա տվող» հիմնարկ չընդունենք, իրավապաշտպան կառույց, որևէ հակասություն, շահերի բախում չի կարող լինել, նույն գործատուի մոտ պետք է մի 30 արհմիությո՞ւն ստեղծվի, որ ամեն մեկը մի մասնագիտություն ունենան»,- ասաց նա:
Հարցին՝ եղե՞լ են օրինակներ, որ տարբեր ճյուղերի, տարբեր գործատուների մոտ աշխատողները փորձեն ստեղծել արհմիություն և հանդիպեն օրենսդրական բացի, արդյո՞ք դրա համար է այս կարգավորումը, Պետրոսյանը պատասխանեց.
«Նման խնդիր չկա, եթե նման օրինակ լիներ, ապա այն օրենսդրորեն ամրագրված կլիներ, մենք հասկացել ենք այդ խնդիրը: Այցելեք հիմնարկներ, հարցրեք՝ քանի՞ հոգի է գոհ արհմիության աշխատանքից, ես ստացել եմ 100-ավոր դիմումներ, որ մեծ հաճույքով կանդամագրվեն արհմիությանը, որը կաշկանդված չէ, անկախ է գործատուից»:
Նրա խոսքերով՝ արհմիությունը պետք է անկախ լինի, ոչ թե գործատուի դեմքին նայի, ասի՝ ինձ գումար կտա՞ս, նա էլ ասի՝ կտամ, եթե խելոք պահես: Պետրոսյանը նշեց՝ առաջարկվող նախագծում նաև որոշակիացրել են դատարան դիմելու հիմքերը: Նա ընդգծեց՝ «Արհմիությունների մասին» օրենքում անորոշ է գրված՝ օրենքով սահմանված դեպքերում արհմիությունը դիմում է դատարան, մինչդեռ այժմ իրենք նաև կոնկրետացրել են՝ որ դեպքերում է դիմում դատարան:
Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանն արձագանքեց.
«Որևէ մեկս չենք առարկի, որ այսօր արհմիությունները չեն կատարում այն գործառույթները, որ պիտի կատարեն, դրանք պետք է լինեն աշխատող մարդու օմբուդսմենը, այո, այստեղ մենք հեղափոխական ճանապարհով պետք է գնանք, հասկանանք՝ ինչ իրավապայմանագրային հիմունքներով ենք ստեղծում արհմիությունները, քանի որ գալոչկայի համար արհմիությունները ոչ մեկին օգուտ չեն»:
ԱԺ «Իմ քայլը» խմբակցության անդամ Հերիքնազ Տիգրանյանը նկատեց՝ չի կարող տրանսպորտի արհմիությունն իրեն՝ իբրև մանկավարժի, այնպես պաշտպանել, ինչպես մանկավարժներինը:
«Մենք ստեղծում ենք մի բան, որի անհրաժեշտությունը դեռ պրակտիկան չի թելադրել»,- ասաց նա:
Պետրոսյանը հակադարձեց մտահոգություններին, թե տարբեր հիմնարկներում աշխատող անձանց՝ մեկ արհմիության կազմում ընդգրկվելու դեպքում գաղտնի տեղեկություններ կարող են հրապարակվել: Նա նշեց՝ կապ չունի՝ աշխատողը որ արհմիության անդամ է, եթե նա գաղտնի տեղեկություն հրապարակել ցանկանա, կհրապարակի:
«Բարգավաճ Հայաստան» խմբակցության անդամը շեշտեց՝ արհմիությունների գործառույթը իրավունքների պաշտպանությունն է, այդ գործառույթը, սակայն, այսօր ողբերգական վիճակում է:
«Եթե անընդհատ մտածում ես՝ գործատուն քեզ ինչքան փող է տալու, դու ո՞նց կարող ես անկախ լինել»,- հարց ուղղեց նա:
Զոհրաբյանն էլ նշեց՝ փիլիսոփայությունը պետք է փոխել, որ աշխատողը չվախենա, քանի որ եթե վախը կա, վերջ, այդտեղ խոսել իրավապայմանագրային հարաբերությունների մասին, եթե աշխատողն իր շահը չի կարողանում պաշտպանել, հազար օրենք էլ փոխեն, ոչինչ չի փոխվի:
Նախագիծը ԱԺ հանձնաժողովում բացասական եզրակացություն ստացավ ձայների չորս կողմ, հինգ դեմ հարաբերակցությամբ: Այն դեռ կներկայացվի ԱԺ լիագումար նիստում:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
