14:18 22.03.2019
Երևան քաղաքի դատախազ Գևորգ Բաղդասարյանը, պետական շահերի պաշտպանության հայց հարուցելու լիազորության շրջանակներում ուսումնասիրություններ իրականացնելու նպատակով, առանձին հարցերի վերաբերյալ անհրաժեշտ փաստաթղթեր ու տվյալներ ստանալու համար այսօր առանձին երկու գրությամբ ևս դիմել է Երևանի քաղաքապետ Հայկ Մարությանին: Այս մասին տեղեկացրել է ՀՀ գլխավոր դատախազի խորհրդական Գոռ Աբրահամյանը Facebook-ի իր էջում:
«Հաշվի առնելով, որ Երևան քաղաքի Ազատության հրապարակի համալիրը, ինչպես նաև Ալեքսանդր Սպենդիարյանի անվան օպերայի և բալետի ազգային ակադեմիական թատրոնի շենքը հանդիսանում են հանրապետական նշանակության հուշարձաններ, դրանց պահպանման տարածքում կառուցապատումների իրավաչափությունը ստուգելու նպատակով գրություններից մեկով Երևանի քաղաքապետարանից պահանջվել են նշված հուշարձանների պահպանության գոտիների տարածքներում սրճարանների և մյուս օբյեկտների տեղադրման կամ շինարարության աշխատանքների իրականացման բոլոր փաստաթղթերի պատճենները:
Խոսքը, մասնավորապես, վերաբերում է հողամասեր տրամադրելու մասին Երևանի քաղաքապետի որոշումներին, դրանց հիման վրա տրված գլխավոր հատակագծերին, եզրակացություններին, շինարարական աշխատանքների հաստատված նախագծերին, տրված շինթույլտվություններին, կնքված պայմանագրերին, դրանց պետական գրանցման, քանդման թույլտվությունների վերաբերյալ փաստաթղթերին, ինչպես նաև հուշարձանների պահպանության գոտիներում սրճարանների և մյուս օբյեկտների շինարարական և այլ տեսակի աշխատանքների կատարման համար լիազորված մարմնի կողմից տրված թույլտվություններին:
Բացի դրանից՝ գրությամբ համապատասխան տեղեկատվություն է ակնկալվել նաև նշված տարածքում անշարժ գույքի նկատմամբ սեփականության իրավունք ունեցող, ինչպես նաև առանց համապատասխան թույլտվության շինարարական աշխատանքներ իրականացրած տնտեսվարող սուբյեկտների վերաբերյալ:
Երկրորդ գրությունը վերաբերում է մամուլում, մասնավորապես «Հրապարակ» օրաթերթի մարտի 21-ի համարում հրապարակված համապատասխան հոդվածին, համաձայն որի Երևանի քաղաքապետարանն անցյալ տարի շուրջ 400մլն դրամի 9 «ԿամԱԶ» մակնիշի մեքենա է ձեռք բերել՝ մեկ անձից գնում կատարելով, առանց մրցույթ հայտարարելու: Մինչդեռ, ըստ հրապարակման, եթե մրցույթ լիներ, և այլ ընկերություն հաղթեր, հնարավոր կլիներ մոտ 13մլն դրամ խնայել քաղաքային բյուջեից: Հոդվածում տեղեկատվություն էր հրապարակվել նաև քաղաքապետարանի կողմից շուրջ 90 մլն դրամ ընդհանուր արժեքով 24 միավոր կոմունալ մեքենա գնելու նպատակով նախաձեռնված և կասեցված մրցույթի մասին:
Հրապարակման մեջ նշվող հանգամանքները սահմանված կարգով քննարկման առարկա դարձնելու նպատակով այս գրությամբ Երևանի քաղաքապետարանից պահանջվել է նաև ներկայացնել «ԿամԱԶ» մակնիշի մեքենաների ձեռքբերման համար հիմք հանդիսացած փաստաթղթերի պատճեները, ինչպես նաև տրամադրել տեղեկատվություն՝ 24 միավոր կոմունալ մեքենաների գնման նպատակով հայտարարված մրցույթի պայմանների և ընթացքի մասին»,- ասված է հրապարակման մեջ:
Ավելի վաղ հայտնել էինք` պետական շահերի պաշտպանության հայց հարուցելու լիազորության շրջանակներում ուսումնասիրություններ իրականացնելու նպատակով Երևան քաղաքի դատախազ Գևորգ Բաղդասարյանը դիմել է Երևան քաղաքի քաղաքապետ Հայկ Մարությանին՝ տրամադրելու Կենտրոն վարչական շրջանի սահմաններում գտնվող ընդհանուր օգտագործման տարածքներում, մասնավորապես գետնանցումներում և զբոսայգիներում վարձակալության կամ կառուցապատման իրավունքով, ինչպես նաև առանց համապատասխան թույլտվության և ձևակերպումների տարածքներ և հողատարածքներ զբաղեցնող ֆիզիկական և իրավաբանական անձանց, կառուցապատման կամ վարձակալության պայմանագրերի կնքման հիմքերի վերաբերյալ փաստաթղթեր և տվյալներ:
16:08 16.06.2025
Ավշար բնակավայրում հողամասի և նախկին կոլտնտեսության շենքի նկատմամբ վերականգնվել է համայնքի սեփականության իրավունքը. վարչապետԱրարատի մարզի Արարատ համայնքի Ավշար բնակավայրի Հ. Շիրազի փողոցում գտնվող՝ 0,966 հա մակերեսով հողամասի և 416,6 քմ մակերեսով նախկին կոլտնտեսության շենքի նկատմամբ վերականգնվել է համայնքի սեփականության իրավունքը: Հողամասի՝ շուկայականին մոտարկված կադաստրային արժեքը՝ 21 միլիոն 622 հազար դրամ: Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը: ...
16:00 16.06.2025
Գլխավոր դատախազը Նիդերլանդների դեսպանի հետ քննարկել է համագործակցության հեռանկարներըԳլխավոր դատախազ Աննա Վարդապետյանն այսօր ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան Մարիկե Հարիետ Մոնրոյ-Վինթերին: Աննա Վարդապետյանը ողջունել է դեսպանին Հայաստանի Հանրապետության գլխավոր դատախազությունում և բարձր գնահատել Դեսպանության աջակցությամբ իրականացված վերապատրաստման դասընթացների արդյունավետությունը: Հիշեցնենք, որ Գլխավոր դատախազությունը, Հայաստանում Նիդերլանդների Թագավորության դեսպանության աջակցությամբ, 2024 թվականի նոյեմբերի 16-ին մեկնարկել էր Հայաստանի Հանրապետությունում գործող բոլոր […] ...
15:50 16.06.2025
Փրկարար ծառայությունը ներկայացրել է ուժեղ քամու, հորդառատ անձրևի և կարկուտի հետևանքների վերաբերյալ ամփոփ տեղեկատվությունՀունիսի 14-15-ը ՆԳՆ Փրկարար ծառայությունում ստացվել են ահազանգեր՝ Երևանում, Շիրակի, Արագածոտնի, Լոռու և Տավուշի մարզերում ուժեղ քամու, հորդառատ անձրևի և կարկուտի հետևանքների վերաբերյալ: Փրկարար ծառայության ստորաբաժանումները՝ համագործակցելով ՆԳՆ ոստիկանության ծառայողների հետ, իրականացրել են իրավիճակից բխող անհրաժեշտ գործողություններ՝ տարածքների սահմանազատում, տանիքների, կառուցատարրերի ապամոնտաժում, անձրևատար խողովակների ամրացում, տապալված ծառերի մասնատում և հեռացում: Ուժեղ քամու հետևանքով հունիսի 14-ից […] ...
15:40 16.06.2025
Դուշանբեում տեղի է ունեցել ԱՊՀ անդամ պետությունների ԱԳՆ-ների իրավաբանական ծառայությունների ղեկավարների խորհրդակցական կոմիտեի 38-րդ նիստըՀունիսի 11-ին Դուշանբեում Տաջիկստանի Հանրապետության նախագահությամբ տեղի է ունեցել ԱՊՀ անդամ պետությունների արտաքին գործերի նախարարությունների իրավաբանական ծառայությունների ղեկավարների խորհրդակցական կոմիտեի 38-րդ նիստը, որին մասնակցել են Հայաստանի Հանրապետության, Բելառուսի Հանրապետության, Ղազախստանի Հանրապետության, Ղրղզստանի Հանրապետության, Տաջիկստանի Հանրապետության, Ուզբեկստանի Հանրապետության, Ռուսաստանի Դաշնության ԱԳՆ պատվիրակությունները և ԱՊՀ գործադիր կոմիտեի ներկայացուցիչները: Հայկական կողմը ներկայացնում էր ՀՀ ԱԳ նախարարության միջազգային պայմանագրերի […] ...
15:30 16.06.2025
Պուտինը հեռախոսազրույց է ունեցել Էրդողանի հետՌուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկել են Իսրայելի և Իրանի միջև հակամարտությունը, հայտնում է Թուրքիայի ղեկավարի գրասենյակը։ «Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Զրույցի ընթացքում քննարկվել են Իսրայելի և Իրանի միջև հակամարտությունը, երկկողմ հարաբերությունները և տարածաշրջանային հարցեր», – […] ...
15:21 16.06.2025
Հեռախոսազրույց են ունեցել Թուրքիայի և Իրանի նախագահներըԹուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մասուդ Փեզեշքիանի հետ: Քննարկվել է Իսրայելի և Իրանի միջև հակամարտությունը, ինչպես նաև տարածաշրջանային և համաշխարհային խնդիրներ: Թուրքիայի նախագահը նշել է, որ Իսրայել-Իրան հակամարտության վերաբերյալ բանակցություններ է վարել մի շարք առաջնորդների հետ: Նա ընդգծել է, որ Թուրքիան պատրաստ է ստանձնել միջնորդի դեր՝ հակամարտությունն անհապաղ դադարեցնելու և […] ...
