14:20 03.04.2019
ՊՊԾ գնդի գրավման գործով տասն ամբաստանյալների դատաքննության ժամանակ դատարանն այսօր լսել է տուժող Հովհաննես Հովհաննիսյանին, որը շտապօգնության բրիգադի բժիշկ է:
Տուժողը պատմեց, որ ՊՊԾ գնդում երկու հոգու` Սմբատ Բարսեղյանին և Մխիթար Ավետիսյանին բուժօգնություն է ցույց տվել:
«Որովայնի և ճակատի հատվածում վիրավորում ունեին»,- դատարանին հայտնեց Հովհաննես Հովհաննիսյանը:
Տուժողի ցուցմունքները ժլատ էին ու սեղմ: Շատ մանրամասներ չէր հիշում: Դատավարության կողմերը փորձում էին հարցերով թարմացնել տուժողի հիշողությունը:
Դատավոր Մեսրոպ Մակյանն էլ նկատեց.
«Քչախոս եք երևում»:
Պետական մեղադրող Արամ Արամյանն էլ հարցրեց, թե արդյոք զինված խմբի անդամները նրա հանդեպ հսկողություն իրականացրել են: Տուժողը բացասական պատասխան տվեց:
«Ազատ շրջե՞լ եք գնդի տարածքում»,- հարցին տուժողը դրական պատասխան տվեց:
Նշեց՝ իր աշխատանքի ընթացքում չի եղել դեպք, երբ շտապօգնության բժշկին կարգադրեն տարածքից չհեռանալ, մինչև չգա մյուս հերթապահ խումբը:
«Ինձ ասացին՝ դու գնա, որովհետեւ ինձ լավ չէի զգում, դա արդեն երկրորդ օրն էր: Մյուս բրիգադը մեզնից հետո է եկել»,- պատմեց Հովհաննես Հովհաննիսյանը:
«Ձեր հանդեպ սպառնալիք եղե՞լ է»,- հարցին ևս տուժողը բացասական պատասխան տվեց:
Տուժողը որոշ տեղեկություններ էլ հայտնեց գնդի տարածքում զոհված և վիրավորված ոստիկանների մասին: Ասաց` տեսել է, որ շտապօգնության մեքենայում մեկ ոստիկան է եղել.
«Ինչքան հիշում եմ, ճնշումն էր բարձրացել: Մի ոստիկան էլ՝ Գագիկ Մկրտչյանը, որովայնից էր վիրավորվել, բայց դա ես տեսել եմ արդեն հիվանդանոցում: Չեմ հաղորդակցվել հետը: Մյուսներից տեղյակ չեմ»:
Տուժողը պատմեց նաև, որ մնացել են ՊՊԾ գնդի տարածքում մինչև գիշերվա 23.00-24.00-ն:
Պաշտպաններից մեկի հարցին, թե ինչ էին անում գնդի տարածքում խմբի անդամները, տուժողը պատասխանեց՝ ոչ մի բան: Պետական մեղադրողը նկատեց, որ տուժողի ցուցմունքներում կան որոշակի հակասություններ: Միջնորդեց հրապարակել նախաքննական ցուցմունքները:
Դրանցում բժիշկը պատմել էր, որ Մխիթար Ավետիսյանը գլխի վնասվածք էր ստացել, երբ «ԿռԱԶ»-ով հարվածել էին ՊՊԾ գնդի դարպասին ու կոտրել այն: Նաև պատմել էր, որ մի ոստիկանի է օգնություն ցույց տվել, ով ուներ Կվինկեի այտուց: Սմբատ անունով մի անձի է օգնություն ցույց տվել, ով ուներ ձախ ոտքի հրազենային վիրավորում: Նրանք բոլորը հրաժարվել են հիվանդանոց տեղափոխվել:
Բոլորը զինված էի «Կալաշնիկով»-ներով, «Մակարով»-ներով ու նռնակներով: Զինված խմբի անդամները որպես պատանդ էին պահում վեց ոստիկանի, այդ թվում` Վալերիյ Օսիպյանին և Վարդան Եղիազարյանին:
Տուժողը նախաքննական մարմնին տված ցուցմունքում բնութագրել է նաև ամբաստանյալներին.
«Արմեն Բիլյանը, իմ տպավորությամբ, ոչ ադեկվատ անձնավորություն էր, անհավասարակշիռ մարդու տպավորություն էր թողել: Վարուժանի մեջ տղամարդկություն և վստահություն չկար, Աշոտ Պետրոսյանը բարի մարդու տպավորություն թողեց»:
Տուժող բժիշկը չառարկեց, որ ամբաստանյալների նկատմամբ կիրառվի համաներում:
12:40 16.06.2025
Դիլիջանում մոպեդ գողացած երիտասարդը հայտնաբերվել է․ գողոնը՝ ևսՀունիսի 11-ին Երևանի բնակիչ 35-ամյա մի տղամարդ հաղորդում է ներկայացրել, որ 2024 թվականի հոկտեմբերին Դիլիջան համայնքի Թբիլիսյան խճուղում գողացել են «Հոնդա» մակնիշի իր մոպեդը։ Համայնքային ոստիկանության Դիլիջանի բաժնի ծառայողները, ստացված տեղեկություններն իրացնելիս, հունիսի 12-ին պարզել են, որ գողությունը կատարել է 29-ամյա մի երիտասարդի։ Նա ոստիկանություն խոստովանել է արարքը և ներկայացրել մոպեդը։ Երիտասարդը, գողոնը և կազմված […] ...
12:23 16.06.2025
Գողության մեղադրանքով հետախուզվողը հայտնաբերվեց․ նա տեղափոպվել է քրեակատարողական հիմնարկՀամայնքային ոստիկանության Նոր-Նորքի բաժնի ծառայողների ձեռնարկած օպերատիվ-հետախուզական միջոցառումների շնորհիվ Սարիթաղում հայտնաբերվել և բաժին է ներկայացվել ԱՆ «Սևան» ՔԿՀ-ում հաշվառված 35-ամյա մի տղամարդ: Նա հետախուզվում էր մի խումբ անձանց կողմից նախնական համաձայնությամբ գողության մեղադրանքով, խափանման միջոցը՝ կալանք: 35-ամյա տղամարդը ներկայացվել է «Նուբարաշեն» քրեակատարողական հիմնարկ: ...
11:41 16.06.2025
Պլանային ջրանջատում Գյումրիում«Վեոլիա ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված հունիսի 17-ին՝ ժամը 10:30-ից մինչև հունիսի 18-ը ժամը 10:30-ը, կդադարեցվի Շիրակի մարզի Գյումրի քաղաքի ջրամատակարարումը: «Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար»,- ասված է հաղորդագրությունում: ...
11:20 16.06.2025
Իսլամական հեղափոխության պահապանների կորպուսը խոստացել է հարձակվել Իսրայելի վրա մինչև նրա լիակատար ոչնչացումըԻրանի գործողությունները Իսրայելի դեմ կշարունակվեն մինչև թշնամու լիակատար ոչնչացումը: Այս մասին ասվում է Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) հայտարարության մեջ։ «Հանցավոր Իսրայելի ռեժիմի կողմնակիցները պետք է իմանան, որ Իրանի արդյունավետ, նպատակային և մահացու գործողությունները ռեժիմի նշանակալի և զգայուն թիրախների դեմ կշարունակվեն մինչև դրա լիակատար ոչնչացումը», – հայտարարության մեջ մեջբերում է […] ...
11:07 16.06.2025
Իրանն իրավունք ունի օգտագործել միջուկային էներգիան․ ՓեզեշքիանԻրանն իրավունք ունի օգտագործել ատոմային էներգիան և անցկացնել միջուկային հետազոտություններ, հայտարարել է երկրի նախագահ Մասուդ Փեզեշքիանը։ «Մենք իրավունք ունենք օգտագործել ատոմային էներգիան և անցկացնել հետազոտություններ (միջուկային ոլորտում – խմբ.) հասարակության բարօրության համար։ Ոչ ոք իրավունք չունի խլել մեզանից այս իրավունքը», – Փեզեշքիանի խոսքերն է մեջբերում IRIB պետական հեռուստառադիոընկերությունը։ Նա նաև նշել է, որ Իրանը «պատերազմի […] ...
10:55 16.06.2025
Այսպիսի բնական աղետ Ապարան քաղաքում նախկինում չի եղել․ համայնքապետարանԱյսպիսի բնական աղետ Ապարան քաղաքում նախկինում չի եղել։ Պտտահողմը մեծ ավերածություններ է առաջացրել քաղաքի տարբեր հատվածներում և Լուսագյուղ վարչական տարածքում` վնասելով տանիքներ, խանութներ, ավտոմեքենաներ և համայնքային նշանակության կառույցներ։ «Համայնքապետարանը և պատասխանատու բոլոր մարմինները լիարժեք զգոնությամբ և պատասխանատվությամբ են մոտենում այս ծանր իրավիճակին՝ գործի դնելով հնարավոր բոլոր ռեսուրսները՝ բնակիչների անվտանգությունն ու համայնքի բնականոն կյանքը վերականգնելու համար»,-նշված […] ...
