21:06 19.04.2019
ՀՀ վարչապետ Նիկոլ Փաշինյանին ֆեյսբուքյան օգտատերերից մեկը դիմել էր հարցով՝ «մինչև ե՞րբ է պատրաստվում աշխատել բոլորի փոխարեն»: Այս հարցին ՀՀ վարչապետն արձագանքեց.
«Ես մտածում եմ, որ որպես վարչապետ, քաղաքական գործիչ, մարդ չափից ավելի մեծ ուշադրություն եմ կենտրոնացնում ինձ վրա, և ուրիշների կատարած աշխատանքը չի երևում կամ լավ չի երևում: Վերջին 10 ամիսներին դրա մասին շատ եմ մտածել, երբեմն ինձ թվում է, որ և՛ մամուլը, և՛ սոցցանցերը չափից ավելի շատ են կենտրոնացած ինձ վրա, այդ պատճառով չեն նկատում մեր թիմի այլ բազմաթիվ անդամների աշխատանքը: Չեմ ասում՝ բոլորը կատարյալ են, ռեկորդ են խփում, բայց տեսնում եմ, որ այս մեղադրանքների ու կանխավարկածի 90 տոկոսն ուղղակի հիմնավոր չէ, մարդիկ աշխատում են»:
Փաշինյանը նշեց՝ այն արդյունքները, որ այսօր կան, չեն կարող մի հոգու աշխատանքի արդյունք լինել. դա թիմային աշխատանքի արդյունք է: Վարչապետն ասաց՝ ինքն իրեն ավելի ու ավելի մեղավոր է զգում , երբ այդպիսի շեշտադրումներ են լինում, քանի որ մտածում է՝ իր վրա կամա թե ակամա չափից ավելի մեծ ուշադրություն է կենտրոնացնում:
«Ես աշխատում եմ իմ փոխարեն: Այն, որ ես պետք է շատ աշխատեմ, ակնհայտ է, եթե մեկն ուզում է քիչ աշխատել, երկրի վարչապետի աշխատանքն առնվազն իր համար չէ, մյուսներն էլ իրենց համար են աշխատում: Ես լիարժեք գո՞հ եմ բոլորի աշխատանքից: Ոչ, բայց ինքս էլ իմ աշխատանքից լիարժեք գոհ չեմ: Բնականաբար, ուրիշների աշխատանքից էլ չեմ կարող լիարժեք գոհ լինել, բայց ուրիշները հաճախ անարդար քննադատության են ենթարկվում նաև քաղաքական մանիպուլյացիաների պատճառով»,- ասաց նա:
Փաշինյանը նաև ասաց, որ իր հասցեին ուղղված որևէ բան անարձագանք չի թողնում, երբեմն կարող է ամիսներ սպասել, իսկ հետո իր պատասխանով ջախջախում է քննադատողներին:
21:00 02.08.2025
Անթալիայում զբոսաշրջիկներին զգուշացրել են ուժեղ քամիների և տեղատարափ անձրևների մասինՕդերևութաբանները զգուշացրել են կիրակի օրը Թուրքիայի Անթալիա հանգստավայրում ուժեղ անձրևների մասին, ալիքների բարձրությունը կարող է աճել ափամերձ շրջաններում, զբոսաշրջիկներին և վարորդներին կոչ է արվել զգույշ լինել, հաղորդում է Antalyahakkinda պորտալը։ «Կիրակի օրը Անթալիայի վեց շրջաններում սպասվում են ուժեղ անձրևներ։ 4-րդ տարածաշրջանային օդերևութաբանական վարչության հայտարարության մեջ ընդգծվում է, որ քամին կփչի միջին ուժգնությամբ հյուսիսից և արևմուտքից […] ...
20:50 02.08.2025
Մալիում ձերբակալվել է նախկին վարչապետըՄալիի նախկին վարչապետ Մուսա Մարան կալանավորվել է կառավարությանը վարկաբեկելու և անկարգություններ հրահրելու մեղադրանքով, հաղորդում է RFI ռադիոն։ «Մալիի նախկին վարչապետ Մուսա Մարային մեղադրանք է առաջադրվել և նա կալանավորվել է: Նրան մեղադրանք է առաջադրվել չորս հանցագործությունների մեջ, որոնց մեջ են մտնում «պետության նկատմամբ վստահությունը խաթարելը, օրինական իշխանությանը դիմադրելը և հասարակական անկարգություններ հրահրելը»», – հայտնել է ռադիոկայանը։ […] ...
20:40 02.08.2025
Բրազիլացի պաշտպանը հեռացել է «Փյունիկից»Բրազիլացի պաշտպան Ժունինյոն հեռացել է «Փյունիկից»: Այս մասին հայտնում է ակումբի մամուլի ծառայությունը։ 30-ամյա ֆուտբոլիստը երևանյան ակումբում էր 2021 թ. հուլիսից, 122 խաղում նա խփել է 9 գոլ, կատարել 9 գոլային փոխանցում, երկու անգամ դարձել Հայաստանի չեմպիոն։ ...
20:32 02.08.2025
The Hill. ԱՄՆ Սենատը Ռուսաստանի դեմ պատժամիջոցների օրինագիծը չի ընդունի մինչև ամռան վերջԱՄՆ Սենատը մինչև ամռան վերջ չի ընդունի նոր օրինագիծ, որը կխստացնի Ռուսաստանի դեմ պատժամիջոցները, այդ թվում՝ սահմանափակումներ սահմանելով երրորդ երկրների նկատմամբ։ Այս մասին ասվում է The Hill թերթում հրապարակված հոդվածում։ Ինչպես նշվում է հոդվածում, «հանրապետական սենատորները պատրաստվում են լքել Վաշինգտոնը՝ առանց Ռուսաստանի դեմ պատժամիջոցների մասին լայնածավալ օրինագիծ ընդունելու»։ Սենատի աշխատանքային նիստն ավարտվում է օգոստոսի սկզբին։ […] ...
20:22 02.08.2025
Հինգ երկրներից 90 ծանրոց մարդասիրական օգնություն է հասցվել ԳազաԻսրայելի բանակը շարունակում է մարդասիրական օգնություն հասցնել Գազայի հատված, հաղորդում է բանակի մամուլի ծառայությունը։ «Շաբաթ օրը, քաղաքական ղեկավարության հրահանգներին համապատասխան և Իսրայելի, ԱՄԷ-ի, Հորդանանի, Եգիպտոսի, Ֆրանսիայի և Գերմանիայի միջև համագործակցության շրջանակներում, Իսրայելի պաշտպանության բանակը շարունակում է մի շարք գործողություններ, որոնք ուղղված են Գազայի հատվածում մարդասիրական օգնության ավելացմանը։ Վերջին մի քանի ժամվա ընթացքում հինգ երկիր օդային […] ...
20:10 02.08.2025
Օբամեյանգը վերադարձել է «Մարսել»Գաբոնցի հարձակվող Պիեռ-Էմերիկ Օբամեյանգը մեկ տարի Սաուդյան Արաբիայի «Ալ Քադիսիայում» անցկացնելուց հետո ազատ գործակալի կարգավիճակում վերադարձել է ֆրանսիական «Մարսել»։ Այս մասին հաղորդում է ակումբի մամուլի ծառայությունը: 36-ամյա ֆուտբոլիստի հետ ստորագրվել է երկու տարվա պայմանագիր: Օբամեյանգը ֆրանսիական ակումբում խաղացել էր 2023/2024 մրցաշրջանում: ...
