13:25 25.04.2019
Լիբանանի Սեն Ժոզեֆ ֆրանսիական համալսարանում բացվել և մինչև մայիսի 31-ը գործելու է հայ նշանավոր լուսանկարիչ Վարուժան Սեթյանի լուսանկարների ցուցահանդեսը: SHANTNEWS.am-ը համալսարանի կայքից տեղեկանում է, որ ցուցահանդեսը համախմբել է հայ և տեղացի մտավորականների, ուսանողների, քաղաքական ու հասարակական գործիչների, որոնք ցուցահանդեսին ներկայացված բարձրարժեք լուսանկարների միջոցով ծանոթացել են Լիբանանի պատմությանը, բնության գեղեցկությանը, Խորհրդային Հայաստանի նշանավոր գործիչներին, Հայոց ցեղասպանության վերապրածների պատմություններին: Կայքը տեղեկացնում է նաև, որ 1875-ին հիմնված պատմական համալսարանում հայ լուսանկարչի ցուցահանդեսի հովանավորությունը ստանձնել է լիբանանահայ գործիչ Վարուժ Ներկիզյանը:
Վարուժան Սեթյանը ծնվել է Լիբանանում՝ 1927 թվականին. 1950-ականներից հետո նրա անվան հետ է կապվում Լիբանանի լուսանկարչական արվեստի զարգացումը: Հիմնելով ստուդիա՝ հայ լուսանկարիչը լուսանկարել է Լիբանանի պետական, քաղաքական ու մշակութային նշանավոր գործիչների, Լիբանանի քաղաքացիական պատերազմի կարևորագույն դրվագները, Լիբանան այցելած հայտնի մարդկանց: Հայտնի են Մայր Թերեզայի, Մորիս Բեժարի, Մերձավոր Արևելքի երկրների նախագահների՝ աշխարհով մեկ ցուցադրված դիմանկարները:
Սեթյանը ստացել է լուսանկարչական միջազգային մրցանակներ, ինչպես՝ 1967 թվականին Տոկիոյի միջազգային զբոսաշրջային ընկերության գլխավոր մրցանակը և այլ պարգևներ:
Լիբանանի քաղաքացիական պատերազմի ժամանակ` 1975-ին, նրա լուսանկարչական ստուդիան ռմբակոծությունից փլվել է, լուսանկարիչը 1977-ին մեկնել է Իրան և լուսանկարել պատմական եկեղեցիներն ու նշանավոր կառույցները: Սիրիայի նախագահի հրավերով երկու անգամ այցելել է Սիրիա՝ լուսանկարելու Սիրիայի նախագահի գործունեության կարևորագույն պահերը:
Լիբանանահայ լուսանկարիչը եղել է նաև Խորհրդային Հայաստանում, լուսանկարել է հայ հայտնի գրողներին ու արվեստագետներին, հայաստանյան կյանքի դրվագներ:
Վարուժան Սեթյանը կենդանության օրոք ունեցել է բազմաթիվ ցուցահանդեսներ, տպագրել է պատկերագրքեր:
Մահացել է 2003-ին՝ Բեյրութում:
Սեն Ժոզեֆ համալսարանում բացված նրա ցուցահանդեսի ժամանակ Վարուժան Սեթյանը բնորոշվել է իբրև Լիբանանի փառքի լուսանկարիչ. ցուցահանդեսի առթիվ տպագրվել է Սեթյանի գործերի հերթական պատկերագիրքը:
15:40 16.06.2025
Դուշանբեում տեղի է ունեցել ԱՊՀ անդամ պետությունների ԱԳՆ-ների իրավաբանական ծառայությունների ղեկավարների խորհրդակցական կոմիտեի 38-րդ նիստըՀունիսի 11-ին Դուշանբեում Տաջիկստանի Հանրապետության նախագահությամբ տեղի է ունեցել ԱՊՀ անդամ պետությունների արտաքին գործերի նախարարությունների իրավաբանական ծառայությունների ղեկավարների խորհրդակցական կոմիտեի 38-րդ նիստը, որին մասնակցել են Հայաստանի Հանրապետության, Բելառուսի Հանրապետության, Ղազախստանի Հանրապետության, Ղրղզստանի Հանրապետության, Տաջիկստանի Հանրապետության, Ուզբեկստանի Հանրապետության, Ռուսաստանի Դաշնության ԱԳՆ պատվիրակությունները և ԱՊՀ գործադիր կոմիտեի ներկայացուցիչները: Հայկական կողմը ներկայացնում էր ՀՀ ԱԳ նախարարության միջազգային պայմանագրերի […] ...
15:30 16.06.2025
Պուտինը հեռախոսազրույց է ունեցել Էրդողանի հետՌուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկել են Իսրայելի և Իրանի միջև հակամարտությունը, հայտնում է Թուրքիայի ղեկավարի գրասենյակը։ «Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Զրույցի ընթացքում քննարկվել են Իսրայելի և Իրանի միջև հակամարտությունը, երկկողմ հարաբերությունները և տարածաշրջանային հարցեր», – […] ...
15:21 16.06.2025
Հեռախոսազրույց են ունեցել Թուրքիայի և Իրանի նախագահներըԹուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մասուդ Փեզեշքիանի հետ: Քննարկվել է Իսրայելի և Իրանի միջև հակամարտությունը, ինչպես նաև տարածաշրջանային և համաշխարհային խնդիրներ: Թուրքիայի նախագահը նշել է, որ Իսրայել-Իրան հակամարտության վերաբերյալ բանակցություններ է վարել մի շարք առաջնորդների հետ: Նա ընդգծել է, որ Թուրքիան պատրաստ է ստանձնել միջնորդի դեր՝ հակամարտությունն անհապաղ դադարեցնելու և […] ...
15:14 16.06.2025
ՀՀ պատվիրակությունը մասնակցում է Փարիզում բացված Միջազգային ավիատիեզերական ցուցահանդեսինՀՀ պատվիրակությունը մասնակցում է Փարիզի Լե Բուրժե օդանավակայանում բացված Միջազգային ավիատիեզերական 55-րդ ցուցահանդեսին։ Այս մասին հայտնում են Ֆրանսիայում ՀՀ դեսպանությունից: Ցուցահանդեսին մասնակցությունը հնարավորություն է ընձեռում բացահայտել ռազմավարական նշանակության այս կարևոր ուղղությամբ Հայաստան-Ֆրանսիա համագործակցության հետագա խորացման նոր հեռանկարներ։ ...
15:08 16.06.2025
Կանգառը վնասած վարորդին ու բեռնատարը Վեդիի ոստիկանները հայտնաբերել ենՀունիսի 4-ին Համայնքային ոստիկանության Վեդիի բաժին տեղեկություն էր ստացվել, որ հունիսի 3-ի լույս 4-ի գիշերը Տափերական գյուղի Արամ Խաչատրյան և Հ-8 կենտրոնական փողոցների հատման վայրում գտնվող գազալցակայանի հարակից տարածքում տեղադրված կանգառը դեռևս չպարզված վարորդի կողմից ավտոմեքենայով վնասվել է։ Նախնական տվյալներով՝ պատճառվել է 700 հազար դրամից ավելի վնաս։ Նախաձեռնվել էր քրեական վարույթ։ Համայնքային ոստիկանության Վեդիի բաժնի […] ...
