17:20 27.05.2019
Անտուն կենդանիների նկատմամբ առանձնակի դաժան վերաբերմունքի համար պատժաչափեր կսահմանվեն, ընդհուպ քրեական պատասխանատվություն։ «Կենդանիների նկատմամբ պատասխանատու վերաբերմունքի մասին» օրենքի նախագիծն այսօր քննարկվել է նաև ԱԺ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովին կից ստեղծված կենդանիների պաշտպանության հարցերով աշխատանքային խմբի անդամների հետ: Քննարկումը փակ է եղել:
Նախագիծը հեղինակել են ԱԺ փոխնախագահ Լենա Նազարյանը և «Իմ քայլը» խմբակցության անդամ Մերի Գալստյանը: Նախագծի մանրամասների շուրջ SHANTNEWS.am-ը զրուցել է Մերի Գալստյանի հետ: Նրա խոսքերով՝ իրենք հենց այս խմբի անդամների հետ են առաջին քննարկումից ի վեր այդ հարցերի շրջանակը հստակեցրել և աշխատանքային խմբի անդամների կողմից բարձրաձայնված հարցերն ամփոփելով վերջնականացրել նախագիծը:
Այսպիսի մի նախագիծ մշակել է նաև «Բարգավաճ Հայաստան» խմբակցության անդամ Նաիրա Զոհրաբյանը: Նա ԱԺ վերջին լիագումար նիստի ժամանակ հայտարարել է, թե չի պատրաստվում իր նախագիծը հանել օրակարգից և ինքն էլ իր տարբերակն է ներկայացնելու խորհրդարանականներին.
«Եթե շունն ու կատուն էլ եք քաղաքականացնում և ուզում եք, որ անպայման դա ներկայացված լինի «Իմ քայլի» կողմից, քա՛վ լիցի, խնդիր չկա, արե՛ք դուք, ես նախագիծը չեմ հանելու շրջանառությունից, դրե´ք, մերժեք իմ նախագիծը։ Եթե դուք գտնում եք, որ սա այն հարցն է, որ անպայման դուք պետք է անեք, որ շները և կատուները իրենց խորին շնորհակալությունը հայտնեն ձեզ, արե´ք դուք, բայց արեք հնարավորինս արագ, որովհետև վիճակագրությունը իսկապես բավականին ծանր է, կենդանիների խեղում, կենդանիների սպանություն»,- ասել է Զոհրաբյանը։
SHANTNEWS.am-ը Մերի Գալստյանից հետաքրքրվեց՝ եկե՞լ են Նաիրա Զոհրաբյանի հետ կոնսենսուսի և ինչո՞վ է այս նախագիծը տարբերվում ԲՀԿ-ական պատգամավորի նախագծից:
«Որքանով ես եմ տեղյակ, իսկ ես ուսումնասիրել եմ թե՛ նախագիծը և թե՛ նախագծի վերաբերյալ պետաիրավական հանձնաժողովի քննարկումը, տիկին Զոհրաբյանի ներկայացրած օրենքի նախագիծը վերաբերում էր Քրեական օրենսգրքում դաժանության համար պատժաչափերի սահմանմանը, սակայն ես հենց ԱԺ նիստերից մեկի ժամանակ ելույթումս նշեցի, որ մենք կարիք ունենք հստակ սահմանելու դաժան գործողությունները, բաժանելու կատեգորիաների, խմբավորելու, քանի որ մարդկանց ենթարկելու ենք քրեական պատասխանատվության և շատ կարևոր է հետագայում իրավապահ մարմինների համար, որպեսզի կարողանան դաժանությունը, կոնկրետ գործողությունը իդենտիֆիկացնել դաժան գործողության հետ և համապատասխան պատժամիջոցներ սահմանել:
Այս մայր օրենքում մենք հենց այսպես էլ արել ենք: Սահմանել ենք հստակ այն գործողությունները ընդհանուր արգելված գործողությունների շրջանակը և այն արգելված գործողությունների շրջանակը, որոնք հատկապես առանձնակի դաժանություն են իրենց մեջ պարունակում, և հետևաբար ենթարկվելու են քրեական պատասխանատվության, այսինքն` իրավական կարգավորումները համալիր ենք տվել»,- պատասխանեց Մերի Գալստյանը:
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
23:17 01.08.2025
Փրկարարներն ուղղել են կողաշրջված բեռնատարըՕգոստոսի 1-ին, ժամը 16։20-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան-Աղվանի ավտոճանապարհի 31-րդ կմ-ին բեռնատարը կողաշրջվել է, ճանապարհը դարձել է միակողմանի, տուժածներ չկան. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից և Աղվանու հենակետից մեկական մարտական հաշվարկ։ Պարզվել է, որ «KamAZ» մակնիշի բեռնատարը […] ...
23:03 01.08.2025
Արագածոտնի մարզում բախվել են «Howo» բեռնատարը և «Volkswagen Golf»-ը․ կա վիրավորՕգոստոսի 1-ին, ավտովթար է տեղի ունեցել Արագածոտնի մարզում: Ժամը 18։10-ի Երևան-Գյումրի ավտոճանապարհի 52 կմ հատվածում բախվել են Երևանի բնակիչներ 39-ամյա Մերուժ Ն․-ի վարած «Howo» մակնիշի բեռնատարը և 66-ամյա Տիգրան Հ․-ի վարած «Volkswagen Golf» մակնիշի ավտոմեքենան։ Ինչպես հայտնում է shamshyan.com-ը, վթարի հետևանքով 1 հոգի մարմնական վնասվածքներով տեղափոխվել է Երևանի «Շենգավիթ» բժշկական կենտրոն։ Վթարի մասին ՊԾ Արագածոտնի […] ...
22:50 01.08.2025
Կամչատկայում 1 ժամվա ընթացքում տեղի է ունեցել 5 մագնիտուդից բարձր երեք երկրաշարժԿամչատկայի թերակղզու ափերի մոտ՝ UTC-ի ժամանակով ժամը 16:33-ից մինչև 17:39-ը (Մոսկվայի ժամանակով ժամը 19:33-ից մինչև 20:39-ը) տեղի է ունեցել երեք երկրաշարժ՝ 5.0, 5.8, 5.2 և 5.2 մագնիտուդով։ Այս մասին հայտնել է Ռուսաստանի գիտությունների ակադեմիայի միասնական երկրաֆիզիկական ծառայության Կամչատկայի մասնաճյուղը։ Առաջին երկրաշարժը տեղի է ունեցել Պետրոպավլովսկ-Կամչատկայից 187 կմ հեռավորության վրա, երկրորդը՝ 238 կմ, երրորդը՝ 218 կմ։ […] ...
22:39 01.08.2025
Շիրակի մարզում 43-ամյա վարորդը «Mercedes»-ով դուրս է եկել երթևեկելի գոտուց և հայտնվել ձորակում․ կա վիրավորՕգոստոսի 1-ին, ավտովթար է տեղի ունեցել Շիրակի մարզում։ Ժամը 17։40-ի սահմաններում Երևան – Գյումրի-Բավրա ավտոճանապարհի 98 կմ հատվածում Շիրակի մարզի բնակիչ 43-ամյա Մեխակ Մ․-ն իր վարած «Mercedes» մակնիշի ավտոմեքենայով դուրս է եկել ճանապարհի երթևեկելի գոտուց և հայտնվել ձորակում։ Ինչպես հայտնում է shamshyan.com-ը, վթարի հետևանքով վարորդ Մեխակ Մ․-ն տեղափոխվել է «Գյումրի» բժշկական կենտրոն։ Վթարի մասին ՊԾ […] ...
22:25 01.08.2025
Ադրբեջանական լոբբիի առաջնորդ, Ֆրանսիայի մշակույթի նախարար Ռաշիդա Դաթին կնստի ամբաստանյալի աթոռին․ ինչո՞ւմ է նա մեղադրվումՔննչական մարմինը դատարան է փոխանցել Ֆրանսիայի մշակույթի նախարար Ռաշիդա Դաթիի դեմ հարուցված քրեական գործը: Դաթին, ով Ֆրանսիայում ադրբեջանական լոբիի առաջնորդներից մեկն է համարվում, մեղադրվում է կաշառքներ ստանալու մեջ: Ինչո՞ւմ է նա մեղադրվում: Ինչպե՞ս է վերաբերվում այս ամենին Մակրոնը: Ինչո՞ւմ է դրսևորվել Ռաշիդա Դաթիի անօրինական կաշկանդվածությունը Ադրբեջանից: Այս հարցերին է «Հորիզոնի» տաղավարում անդրադարձել Արտյոմ Երկանյանը։ Հարցազրույցն […] ...
