11:55 03.06.2019
ԱՄՆ նախագահ Դոնալդ Թրամփը և առաջին տիկին Մելանյա Թրամփն այսօր պետական այցով կմեկնեն Մեծ Բրիտանիա: Սա Դոնալդ Թրամփի առաջին պետական այցն է Մեծ Բրիտանիա, չնայած նախագահ ընտրվելուց հետո Թրամփն արդեն այցելել էր Լոնդոն:
Իր եռօրյա այցի ընթացքում Թրամփը Բուքինգեմյան պալատում ընդունելության կարժանանա Մեծ Բրիտանիայի թագուհու և արքայական ընտանիքի անդամների կողմից:
Հունիսի 4-ին ԱՄՆ նախագահը Մեծ Բրիտանիայի վարչապետ Թերեզա Մեյի հետ պաշտոնական նախաճաշի կմասնակցի, որից հետո կողմերը բանակցությունները կշարունակեն վարչապետի նստավայրում: Բանակցություններին կհաջորդի Դոնալդ Թրամփի և Թերեզա Մեյի համատեղ մամուլի ասուլիսը: Իսկ երեկոյան Թրամփը ճաշ կմատուցի Լոնդոնում ԱՄՆ դեսպանատանը:
Հունիսի 5-ին Դոնալդ Թրամփը, Մեծ Բրիտանիայի թագուհին և արքայազն Չարլզը կմասնակցեն Երկրորդ ճակատի բացման 75-ամյակին նվիրված միջոցառմանը: Միջոցառումից հետո ԱՄՆ նախագահը կմեկնի Իռլանդիա, որտեղ կհանդիպի այդ երկրի վարչապետ Լեո Վարադկարի հետ: Այս հանդիպումից հետո Դոնալդ Թրամփը կմեկնի Հյուսիսային Իռլանդիայում գտնվող իր հյուրանոց և գոլֆի հանգստավայր:
Իր այցից առաջ լրագրողների հարցերին Թրամփի տված պատասխաններն արդեն մեծ քննադատության տեղիք են տվել: Թրամփը հայտարարել է, որ Մեծ Բրիտանիայի պահպանողական կուսակցության ղեկավարի և երկրի վարչապետի պաշտոնում տեսնում է նախկին արտգործնախարար Բորիս Ջոնսոնին: Ինչպես հայտնի է, Թերեզա Մեյը հունիսի 7-ից կհեռանա Պահպանողական կուսակցության ղեկավարի և Մեծ Բրիտանիայի վարչապետի պաշտոնից:
Թրամփը նաև Բրիտանիայի իշխանություններին կոչ է արել ԵՄ-ն լքել առանց համաձայնագրի:
Իսկ երբ Թրամփին պատմել են Սասեքսի դքսուհու կողմից իր հասցեին հնչեցված մեկնաբանությունների մասին, նա զարմացել է՝ ասելով, որ «չգիտեր, որ Մեգան Մարքլն այդքան չար է»: Հետագայում Թրամփը լրատվամիջոցների տարածած այդ տեղեկություններն անվանել է կեղծ լուրեր:
20:36 30.04.2025
Վարչապետն աշխատանքային հանդիպում է ունեցել աշխատանքի և սոցիալական հարցերի նախարարի հետՀՀ վարչապետ Նիկոլ Փաշինյանն աշխատանքային հանդիպում է ունեցել աշխատանքի և սոցիալական հարցերի նախարար Նարեկ Մկրտչյանի հետ: Այս մասին հայտնել է վարչապետը Ֆեյսբուքի իր էջում: Մանրամասները՝ տեսանյութում: ...
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
