15:15 04.06.2019
Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ Վարազդատ Կարապետյանն այսօր SHANTNEWS.am-ի հետ խոսել է այն մասին, թե ինչ աշխատանքներ են իրականացվում Սևանա լճի հիմնախնդիրներին լուծում տալու ուղղությամբ: Ինչպես հայտնի է, ստեղծվել է Ջրային ռեսուրսների կառավարման ենթահանձնաժողով՝ մասնագիտական, փորձագիտական շրջանակների հետ քննարկման դնելով ջրային ռեսուրսների հետ կապված խնդիրները:
«Քննարկման հիման վրա ստեղծում ենք քննիչ հանձնաժողով, հենց ջրային ռեսուրսների կառավարման առումով: Ես հանդես եմ եկել օրենսդրական նախաձեռնությամբ, երեք հիմնական կետեր եմ ներառել դրա մեջ՝ Սևանի ջրի օգտագործման հիմնական նպատակը խմելու ջուրն է, այսինքն՝ Սևանի հետ կապված մեր գերնպատակը խմելու ջրի պաշար ունենալն է, Սևանը որպես հոգևոր, մշակութային արժեք ընկալելը, հիդրոէներգետիկ նպատակներով, ոռոգման նպատակով Սևանա ջրի օգտագործումը ստորադասվում է խմելու ջրի նպատակին»,- ասել է Կարապետյանը:
Կարապետյանը հիշեցրել է, որ ժամանակին, փակագծերի մեջ ներառված, մի միտք է ավելացվել Սևանի մասին օրենքում, ըստ որի՝ հնարավոր է ջրառ իրականացնել և բացասական հաշվեկշիռ ունենալ:
«Ես առաջարկել եմ այդ փակագծերով հատվածը հանել և բացառել բացասական հաշվեկշիռը՝ ջրառի հետևանքով: Այսինքն՝ մենք այլևս ջուր չենք տալու հիդրոէլեկտրակայաններին, չենք տալու թեկուզ ոռոգման նպատակով ավել ջուր, քան նախատեսված է, որպեսզի Սևանում բացասական հաշվեկշիռ չունենանք: 3-րդ կետով՝ Սևանի կենտրոնական և անմիջական ազդեցության գոտում, գետերի վրա հիդրոէլեկտրակայանների կառուցման արգելքն է: Այս երեք կետերով՝ օրինագիծը հիմա շրջանառության մեջ է»,- հավելել է Կարապետյանը ու նաև նշել, որ հունիսի 13-ին արտագնա նիստ են անցկացնելու Սևանում: «Հրավիրված են լինելու շահագրգիռ բոլոր՝ պետական ու մասնավոր կառույցների ներկայացուցիչները»,- ասել է նա:
Ըստ Կարապետյանի՝ քննարկման թեմա են դառնալու թե՛ օրենսդրական կարգավորումները, թե՛ այն գործնական քայլերը, որոնք պետք է ձեռնարկվեն։
«Չկարգավորված հարցերը շատ են։ Մենք պետք է բոլորս աշխատենք, որպեսզի կարողանանք արդյունք ապահովել: Եվ օրենսդրական նախաձեռնությունը և ջրային ռեսուրսների՝ քննիչ հանձնաժողովի ստեղծումը, և առաջիկա նիստը հանձնաժողովի աշխատանքի արդյունքն է»,- հավելել է Կարապետյանը:
Ինչ վերաբերում է այն այլընտրանքին, որն առաջարկվելու է ոռոգման խնդիրը լուծելու համար։
«Մենք այս տարի ջրամբարներում ունենք արդեն կուտակված մոտ 150 մլն խմ-ից ավելի ջուր, քան անցյալ տարի այս նույն ժամանակահատվածում: Դա նշանակում է, որ մենք միայն կոռուպցիոն ռիսկերը բացառելու հաշվին կարողացել ենք ջրամբարներում այնքան ջուր ապահովել, որ ոռոգման սեզոնին պետք է որ բավարար լինի: Գումարած Սևանա լճից ջրառը, որը սահմանված է օրենքով, դա լիովին բավարարելու է Արարատյան դաշտավայրում ոռոգման ջրի հարցերը լուծելու համար»,- ասել է Կարապետյանը՝ հավելելով, որ անթույլատրելի է համարում մոտեցումը, թե կարևորն Արարատյան դաշտը ջրելն է, Սևանը թող ճահճանա: Սևանը չպետք է դիտարկվի որպես ոռոգման ջրի պաշար, տարա, որից երբ և ինչքան ուզենանք ջուր բաց թողնենք:
Ավելին, ըստ Կարապետյանի, խոսվում է նաև այն մասին, որ օրենքով սահմանված 170 մլն խմ ջրառն ամեն տարի 5 միլիոնով կրճատվի, քանի որ Սևանա լիճն օրհասական վիճակում է:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
