13:06 06.06.2019
Լեգենդար ռոք երաժիշտներ Թոնի Այոմին և Իէն Գիլանը երեկ Արամ Խաչատրյան համերգասրահում մասնակցել են Rock Aid Armenia ծրագրի 30 ամյակին նվիրված հանդիպմանը: Միջոցառմանը ներկա է եղել նաև Հանրապետության նախագահ Արմեն Սարգսյանը տիկնոջ՝ Նունե Սարգսյանի հետ, և այլ պաշտոնյաներ:
Ծրագրի պատմությունը ներկայացնելուց հետո լեգենդար երաժիշտները պատասխանել են հանդիսատեսի հարցերին: Հարցեր տալու համար հերթագրվել են շատերը, սակայն մեծամասամբ ոչ թե հարց են տվել, այլ մեծարանքի ու շնորհակալության խոսքեր ասել, ստորագրություն խնդրել:
Երաժիշտները տեղեկացրել են, որ BBC-ն 8 մասից բաղկացած ֆիլմ է նկարահանելու իրենց խմբերի մասին, պատմել են իրենց ծրագրերի մասին, որոնց մեջ Հայաստանն ու Գյումրիի՝ իրենց աջակցությամբ կառուցված երաժշտական դպրոցը, առաջնային դեր ունեն:
Թե երբ լեգենդար երաժիշտները համատեղ համերգ կունենան Հայաստանում հարցին, նրանք կատակեցին.
«Առաջին անգամվա համար մի 15-20 տարի պետք եկավ, մի 20 տարի հետո երևի կստացվի էլի»:
Թոմ Այոմին նաև նշեց, որ Հայաստանում սքանչելի տաղանդավոր երիտասարդներ կան:
«10 տարի այստեղ չեմ եղել և սքանչելի է ձեզ հետ գտնվել Հայաստանում: Մենք հավատում ենք Հայաստանին և համարում, որ հայ ժողովուրդը ֆանտաստիկ ժողովուրդ է: Հայաստանում տաղանդավոր երիտասարդ երաժիշտներ կան, մենք այսօր առիթ ունեցանք մի քանիսին տեսնելու, ֆանտաստիկ կիթառահարներ կան»:
Իէն Գիլանն էլ կիսվեց իր հիշողություններով.
«Երբ ես աղետից մի տարի հետո Սպիտակ գնացի, ցնցված էի, շատ էի տպավորված: Եվ ես սիրեցի հայ ժողովրդի ոգին և մշակույթը: Հիշում եմ` Սպիտակում մոտ 30 տարի առաջ ինձ մի մարդ ասաց, որ այնտեղ երաժշտությունը լռել է: Ո´չ ռադիոյով կա երաժշտություն, ո´չ եկեղեցում, նույնիսկ չկա թռչուների ճռվողյուն: Եվ մենք համարեցինք, որ երաժշտությունը լավագույն միջոցը կլինի վերակենդանացնելու համար: Եվ այդպես էլ եղավ, մենք միացանք երաժշտական դպրոցի վերականգնմանը, և երաժշտությունը դարձավ Հայաստանում վերածննդի խորհրդանիշ: Եվ երբ մենք Գյումրիի երաժշտական դպրոցը մտանք, ներսում ձյուն էր գալիս, բայց նրանք պարապում էին: Ես չէի տեսել այդպիսի կամք, այդպիսի սեր, այդպիսի նվիրվածություն»:
Հանդիպման վերջում Գիլանը նաև սիրո յուրահատուկ խոստովանություն արեց.
«Դժվար է խոսել, երբ մեկին սիրում ես, բայց երկար ժամանակով բաժանված ես: Ինչպե՞ս խոսքերով դա արտահայտես: Մի երգ կա, որն ունի այսպիսի տող՝ հոգիները, որ իրար հպվել են, ընդմիշտ մնում են միահյուսված: Այդ նախադասությունը հենց իմ մտքին է գալիս, ես մտածում եմ Հայաստանի մասին»:
Ի դեպ, երաժիշտներն այսօր այցելելու են այդ երաժշտական դպրոցը:
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
