18:25 06.06.2019
«Ռոքը օգնում է Հայաստանին» բարեգործական նախաձեռնությունը կշարունակի իր ծրագրերը Գյումրիում: Նախաձեռնության հեղինակներն այսօր Գյումրիի թիվ 6 երաժշտական դպրոց են այցելել: Այս մասին հայտնում է SHANTNEWS.am-ի թղթակիցը Գյումրիից:
Հիշեցնենք` այն կառուցվել է 2013թ. «Հայաստանը շնորհակալ է ռոքին» նախաձեռնության և ռոք երաժշտության աստղեր Իէն Գիլանի և Թոնի Այոմիի բարեգործական համերգներից ստացված միջոցներով:
Թիվ 6 երաժշտական դպրոցը 6 տարի է, որ գործում է շենքային պայմաններում: Մինչև 2013-ը նույն այս տարածքի հարևանությամբ քայքայված ու գորշ տնակներ էին, որտեղից երաժշտություն էր լսվում ամեն օր: Կաթացող տնակում մաշված գործիքներով, 25 տարի շարունակ, գյումրեցի շատ երեխաներ երաժշտական կրթություն են ստացել: Ամեն ինչ փոխվեց 2009-ին, երբ ռոք լեգենդար երաժիշտներ Թոնի Այոմին ու Իէն Գիլանը այցելեցին Գյումրիի թիվ 6 երաժշտական դպրոց:
Երաժիշտները խոստացան վերանորոգել դպրոցը: Բարեգործական համերգներ, նոր երգերի ձայնագրություն, իսկ ամբողջ հասույթը հետո «Հայ օգնության ֆոնդի» նվիրատու, սփյուռքահայ Մարդիգյան ընտանիքը եռապատկեց: Արդյունքը քարաշեն երաժշտական դպրոցն է, որտեղ այսօր սովորում է 220 աշակերտ:
Նոր դպրոցում Իէն Գիլանն ու Թոնի Այոմին վայելում էին սաների կատարումները: Դրանք հյուրերի պատվին ռոքային էին և առաջինը հնչեց նրանց ամենահայտնի հիթը:
Գյումրիի թիվ 6 երաժշտական դպրոցը կշարունակի մնալ ռոք երաժիշտների ուշադրության կենտրոնում:
«Ռոքը օգնում է Հայաստանին» նախաձեռնությունը շուտով 5-րդ դարի հոգևոր երաժշտության՝ Մաշտոցի շարականների մշակումների ձայնասկավառակն է ներկայացնելու, որի վաճառքից ստացված ողջ հասույթը կրկին կուղղվի այս երաժշտական դպրոցին:
Այսօրվա ռոքային տոնը եզրափակվեց համաշխարհային ռոքի աստղերի հետ լուսանկարներով ու ինքնագրերով:
00:00 02.05.2025
ՆԳՆ շրջիկ սպասարկման գրասենյակները մայիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ մայիս ամսին ծառայություններ կմատուցվեն հետևյալ բնակավայրերում․ մայիսի 2-ին ժամը 11։30-16։00 Կոտայքի մարզի Չարենցավան համայնքում (Կարեն Դեմիրճյան հրապարակ 1, Քաղաքապետարանի դիմաց), ժամը 11։30-16։00 Լոռու մարզի Ստեփանավան համայնքում (համայնքապետարանի տարածքում), մայիսի 12-ին Կոտայքի մարզի […] ...
23:58 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 01.05.2025
Պետդեպ. ԱՄՆ-Իրան բանակցությունների նոր փուլի ամսաթիվը և վայրը դեռևս որոշված չենԱՄՆ-Իրան բանակցությունների նոր փուլի ժամկետներն ու վայրը դեռևս որոշված չեն, սակայն Վաշինգտոնը ակնկալում է, որ այն տեղի կունենա մոտ ապագայում։ Այս մասին լրագրողների համար կազմակերպված հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «ԱՄՆ-ն չի հաստատել իր մասնակցությունը Իրանի հետ բանակցությունների չորրորդ փուլին, որը, որոշ տեղեկությունների համաձայն, պետք է տեղի ունենար շաբաթ […] ...
23:37 01.05.2025
Երևանը ջազ է լսումԵրևանի քաղաքապետարանի նախաձեռնությամբ, Ջազի միջազգային օրվա առթիվ, Գաֆեսճյան քանդակների պուրակում (Կասկադ) տեղի ունեցավ Ջազ երեկո, որի ընթացքում ելույթով հանդես եկան հայաստանյան լավագույն ջազային կատարողներն ու խմբերը՝ Հայաստանի պետական ջազային նվագախումբը, Լևոն Մալխասյանը, Արտո Թունջբոյաջյանը, Վահագն Հայրապետյանը, Հայկ Կարոն, Արտյոմ Մանուկյանը, Կարեն Մամիկոնյանը, Միքայել Ոսկանյանը, Ռաֆայել Պետրոսյանը, Տիգրան Սուչյանը, Արման Փեշտմաջյանը, Կարեն Գրիգորյանը, Ժաննա Դավթյանը, Արեգ […] ...
23:28 01.05.2025
Ամերիկացի դիվանագետները բանակցություններ են վարել Սիրիայի նոր իշխանությունների ներկայացուցիչների հետԱմերիկացի դիվանագետները այս շաբաթ Նյու Յորքում բանակցություններ են վարել Սիրիայի նոր կառավարության ներկայացուցիչների հետ՝ կոչ անելով նրանց պայքարել ահաբեկչության և Իրանի դեմ։ Այս մասին լրագրողների համար կազմակերպված հերթական ճեպազրույցում հայտարարել է ԱՄՆ Պետդեպարտամենտի խոսնակ Թեմի Բրյուսը։ «Կարող եմ ձեզ ասել, որ Պետդեպարտամենտի պաշտոնյաները ապրիլի 29-ին Նյու Յորքում հանդիպել են Սիրիայի անցումային իշխանության հետ», – ասել […] ...
