12:43 19.06.2019
Պաշտպանի ներկայացուցիչները հունիսի 18-ին չհայտարարված այց են կատարել «Դատապարտյալների հիվանդանոց» ՔԿՀ, առանձնազրույցներ ունեցել ազատությունից զրկված անձանց, այդ թվում՝ հացադուլ հայտարարծ անձնաց հետ:
Հերթական անգամ առանձնազրույց է տեղի ունեցել ապրիլի 30-ից հացադուլ հայտարարած Վահե Մելոյանի հետ: Հունիսի 18-ի այցի դրությամբ արձանագրվել է, որ Վահե Մելոյանի գիտակցությունը պարզ է, կողմնորոշումը՝ բավարար, հարցերին պատասխանում է հստակ: Բժշկական փաստաթղթերի ուսումնասիրմամբ՝ արձանագրվել է նաև, որ զարկերակային ճնշումը գտնվում է նորմայի սահմաններում:
Պաշտպանի ներկայացուցիչները ազատությունից զրկված անձին հերթական անգամ ներկայացրել են հացադուլի բացասական հետևանքներն իր առողջական վիճակի վրա:
Նշենք, որ նախորդ առանձնազրույցներից մեկի ժամանակ Վահե Մելոյանը նշել է, որ հացադուլը պայմանավորված է իրեն առաջադրված մեղադրանքով և ընտրված խափանման միջոցով:
Ավելի վաղ՝ չհայտարարված այցի ժամանակ, Վահե Մելոյանը հայտնել է, որ ունի սրտի հետ կապված առողջական խնդիրներ, սակայն չի դիմել քրեակատարողական հիմնարկի բուժանձնակազմին: Այս հարցը քննարկվել է քրեակատարողական հիմնարկի վարչակազմի հետ: Արդյունքում կալանավորված անձը տեղափոխվել է քաղաքացիական հիվանդանոց, իրականացվել են անհրաժեշտ հետազոտությունները:
Միաժամանակ այցի արդյունքներով պայմանավորված՝ Վ. Մելոյանի առողջական վիճակի, հացադուլի ընթացքի և դրա ընթացքում իրականացվող բժշկական սպարկման հարցերի կապակցությամբ մայիսի 30-ին գրություն է հասցեագրվել ՀՀ արդարադատության նախարարության քրեակատարողական ծառայություն: Գրությամբ նաև առաջակվել է քննարկել հացադուլով պայմանավորված Վահե Մելոյանին բժշկական պատշաճ հսկողության նպատակով քրեակատարողական հիմնարկի բժշկական սպասարկման բաժնի ստացիոնար կամ բուժական ուղղիչ հիմնարկ տեղափոխելու հարցը և տեղեկացնել արդյունքների մասին:
Գրությամբ նշվել է նաև, որ ելնելով իրավիճակի բարդությունից՝ անհրաժեշտ է ուժեղացնել իրականացվող սոցիալհոգեբանական բացատրական աշխատանքները՝ հացադուլի բացասական հետևանքները կանխելու ուղղությամբ: Հիշյալ գրության վերաբերյալ դեռևս պատասխան չի ստացվել:
Բացի այդ, մայիսի 31-ին Վահե Մելոյանի մայրը Մարդու իրավունքների պաշտպանին հասցեգրած բողոքով խնդրել է Պաշտպանի աջակցությունը որդուց լրացուցիչ ցուցմունք վերցնելու, նրա և քրեական գործով տուժող հանդիսացող անձի հետ առերես հարցաքննությունն իրականացնելու, ինչպես նաև որդու տեսակցությունների և հեռախոսազանգերի նկատմամբ կիրառված արգելանքը վերացնելու հարցերում:
Վերոնշյալ հարցերի կապակցությամբ 2019 թվականի հունիսի 6-ին գրություն է հասցեագրվել ՀՀ քննչական կոմիտե: Այս պահին պատասխանն ուսումնասիրվում է:
Միաժամանակ, Պաշտպանի աշխատակազմի ներկայացուցիչը մշտապես կապի մեջ է գտնվել ՔԿՀ բժշկական սպասարկման բաժնի պետի հետ, իսկ 2019 թվականի հունիսի 12-ին «Արմավիր» քրեակատարողական հիմնարկի բժշկական սպասարկման բաժնի պետը տեղեկություն է տրամադրել այն մասին, որ 2019 թվականի հունիսի 7-ին և հունիսի 12-ին Վահե Մելոյանը տեղափոխվել է քաղաքացիական հիվանդանոց, որտեղ իրականցվել են մի շարք հետազոտություններ:
Հունիսի 14-ի ուշ երեկոյան ևս Պաշտպանի ներայացուցիչները կապի մեջ են եղել ՔԿՀ-ի վարչակազմի հետ, տեղեկություն ենք ստացել, որ Վահե Մելոյանը հրաժարվել է ՔԿՀ ժամանած շտապ բուժօգնության ծառայությունից: Հունիսի 17-ին Մարդու իրավունքների պաշտպանի ներկայացուցիչը կապ է հաստատել «Դատապարտյալների հիվանդանոց» ՔԿՀ-ի վարչակազմի հետ և տեղեկացել, որ Վահե Մելոյանը հունիսի 15-ին տեղափոխվել է «Դատապարտյալների հիվանդանոց»:
Հիշեցնենք` ՀՀ գլխավոր դատախազի խորհրդական Գոռ Աբրահամյանը ֆեյսբուքյան իր էջում տեղեկացրել է, որ 50 օր հացադուլի մեջ գտնվող կալանավորը դադարեցրել է հացադուլը:
15:08 16.06.2025
Կանգառը վնասած վարորդին ու բեռնատարը Վեդիի ոստիկանները հայտնաբերել ենՀունիսի 4-ին Համայնքային ոստիկանության Վեդիի բաժին տեղեկություն էր ստացվել, որ հունիսի 3-ի լույս 4-ի գիշերը Տափերական գյուղի Արամ Խաչատրյան և Հ-8 կենտրոնական փողոցների հատման վայրում գտնվող գազալցակայանի հարակից տարածքում տեղադրված կանգառը դեռևս չպարզված վարորդի կողմից ավտոմեքենայով վնասվել է։ Նախնական տվյալներով՝ պատճառվել է 700 հազար դրամից ավելի վնաս։ Նախաձեռնվել էր քրեական վարույթ։ Համայնքային ոստիկանության Վեդիի բաժնի […] ...
14:55 16.06.2025
Նախորդ շաբաթվա ընթացքում տուժել է 123, զոհվել՝ 11 մարդ. Փրկարար ծառայությունն ամփոփում է անցած շաբաթըՀունիսի 9-15-ը ՆԳՆ ՓԾ ճգնաժամային կառավարման ազգային կենտրոնում գրանցվել է 754 դեպք, որից 300-ը՝ արտակարգ: Մասնավորապես՝ հրդեհի՝ 195, պայթյունի, փլուզումի՝ 3-ական, ջրային հաղորդակցման ուղիներին պատահարի, տեղատարափ անձրևի՝ 2-ական, ուժեղ քամու՝ 12, ուժեղ կարկուտի, զինամթերքի հայտնաբերման՝ 4-ական, վայրի կենդանիների հարձակման՝ 9, դիակի հայտնաբերման, որոնողափրկարարական, դժբախտ պատահարի՝ 1-ական, կեղծ ահազանգի՝ 10, թունավորման՝ 5, օձի նկատման՝ 92, ինքնասպանության […] ...
14:46 16.06.2025
Հնդկաստանում կամուրջը փլուզվել է սելֆի անող զբոսաշրջիկների ծանրությունիցՀնդկաստանում ոստիկանությունը շարունակում է որոնողական աշխատանքները Պունե շրջանում՝ Ինդրայանի գետի վրա գտնվող 32 տարվա երկաթե կամրջի փլուզման վայրում, որի հետևանքով 4 մարդ է զոհվել, ևս 18-ը՝ ծանր վիրավորվել։ «Արմենպրես»-ի փոխանցմամբ՝ այս մասին հայտնում է The New Indian Express-ը։ «Չնայած չկա որևէ մեկի անհետ կորելու հավանականություն, սակայն որպես նախազգուշական միջոցառում մենք շարունակում ենք որոնողական աշխատանքները տեղական […] ...
14:38 16.06.2025
Ինչպիսի՞ եղանակ է սպասվում առաջիկա օրերինՀանրապետության տարածքում հունիսի 16-ին և 21-ին կեսօրից հետո, 17-18-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հունիսի 17-ին կեսօրից հետո հյուսիսային առանձին շրջաններում անձրևները կլինեն հորդառատ։ Հունիսի 19-20-ին սպասվում է առանց տեղումների եղանակ։ Քամին՝ հարավարևմտյան՝ 4-8 մ/վ, ամպրոպի ժամանակ սպասվում է քամու ուժգնացում՝ 20-24 մ/վ արագությամբ։ […] ...
14:29 16.06.2025
Երևանի այգիներից մեկի հարակից շինությունում հայտնաբերվել է տղամարդու մարմինԱյսօր՝ հունիսի 16-ին, առեղծվածային ու ողբերգական դեպք է տեղի ունեցել Երևանում: Ժամը 12:00-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Նոր Նորքի բաժնում օպերատիվ տեղեկություններ են ստացվել, որ Գայի պողոտա 19/30 հասցեի տարածքում գտնվող այգուն հարակից շինությունում կախված դի կա: Ինչպես հայտնում է shamshyan.com-ը, ոստիկաններն ու պարեկները նշված վայրում պարանով կախված վիճակում […] ...
