16:36 23.07.2019
Ամռան շոգին՝ առանց ջրի: Գյումրիի Բուլվարային թաղամասի 9 հարկանի 6 շենքերում ջուր չկա: Ամռան սկսվելուց ի վեր շենքերին ջուր մատակարարում են մեկ ժամ, սա լավագույն դեպքում էր, իսկ վերջին մի քանի օրերին ընդհանրապես ջուր չի հասնում: Այս մասին հայտնում է SHANTNEWS.am-ի թղթակիցը։ Բուլվարայինի 9 հարկանի շենքերից մեկի 9-րդ հարկի բնակարանում հավաքած վերջին 2 դույլ ջուրը բնակիչը պահել էր սանհանգույցի համար, մնացած կենցաղային հարցերն արդեն քանի օր է՝ լուծում են շենքից հեռու գտնվող ծորակից ջուր կրելով:
Բոլոր տներում նույն վիճակն է՝ լոգարաններում կուտակված լվացք, խոհանոցներում՝ ափսեներ: 24-ժամյա ջրամատակարարումն այս թաղամասի համար դեռ ճոխություն է համարվում: Այս շենքերին ջուր տալիս են գրաֆիկով, որի համար պոմպեր են աշխատեցնում: Ջրազրկված թաղամասի բնակիչները ցույց են տվել պոմպակայանը, որտեղից սնուցվում են շենքերը: Ջուր չունենալու պատճառը բնակիչներն էլ չեն հասկանում, կասկածներ ունեն, գուցե ջրի ճնշումը չի բավականացնում, կամ իրենց ջուրն ապօրինի օգտագործողներ կան:
«Հիմնական խնդիրը ջրակորուստներն են, բնակիչները հողամասեր ունեին, որտեղ ոռոգման աշխատանքեր են արել, դրա պատճառով բարձրահարկ շենքերին ջուր չի բարձրացել։ Ուսումնասիրություններ ենք կատարել, գտանք ապօրինի միացումներ, անջատեցինք»,- SHANTNEWS.am-ի թղթակցի հետ զրույցում ասել է «Վեոլիա ջուր» ընկերության Արևմուտք տարածքային տնօրինության Շիրակ տեղամասի պետ Գևորգ Վարոսյանը։
Վերև չհասնող, իսկ ներքևի հարկերին էլ քիչ հասնող ջուրը լուրջ խնդիրներ է ստեղծել կոյուղատարներում, դրանք խցանվել են, գարշահոտությունն էլ շենքերում է տարծվել: Մեկ ամսում մի քանի անգամ նախ բնակիչներն իրենց ուժերով, հետո էլ ջրմուղի մասնագետներն են եկել, մաքրել, բայց էլի կեղտաջրերը լցվում են շենքի բակ:
Բացահայտվեց, որ 9 հարկանիների ջուր չունենալը հարևան տարածքներում եղած հողամասերը ջրելու հետևանք էր:
Հայտնաբերված ապօրինի ջրագծերն անջատելուց հետո թաղամասը ջուր է ստացել, ու ջուրը մինչև 9-րդ հարկ բարձրացել է: Նույնիսկ 17-ժամյա ջրամատակարարումն է վերականգնվել, SHANTNEWS.am-ին փոխանցել են շենքի բնակիչները։
12:40 16.06.2025
Դիլիջանում մոպեդ գողացած երիտասարդը հայտնաբերվել է․ գողոնը՝ ևսՀունիսի 11-ին Երևանի բնակիչ 35-ամյա մի տղամարդ հաղորդում է ներկայացրել, որ 2024 թվականի հոկտեմբերին Դիլիջան համայնքի Թբիլիսյան խճուղում գողացել են «Հոնդա» մակնիշի իր մոպեդը։ Համայնքային ոստիկանության Դիլիջանի բաժնի ծառայողները, ստացված տեղեկություններն իրացնելիս, հունիսի 12-ին պարզել են, որ գողությունը կատարել է 29-ամյա մի երիտասարդի։ Նա ոստիկանություն խոստովանել է արարքը և ներկայացրել մոպեդը։ Երիտասարդը, գողոնը և կազմված […] ...
12:23 16.06.2025
Գողության մեղադրանքով հետախուզվողը հայտնաբերվեց․ նա տեղափոպվել է քրեակատարողական հիմնարկՀամայնքային ոստիկանության Նոր-Նորքի բաժնի ծառայողների ձեռնարկած օպերատիվ-հետախուզական միջոցառումների շնորհիվ Սարիթաղում հայտնաբերվել և բաժին է ներկայացվել ԱՆ «Սևան» ՔԿՀ-ում հաշվառված 35-ամյա մի տղամարդ: Նա հետախուզվում էր մի խումբ անձանց կողմից նախնական համաձայնությամբ գողության մեղադրանքով, խափանման միջոցը՝ կալանք: 35-ամյա տղամարդը ներկայացվել է «Նուբարաշեն» քրեակատարողական հիմնարկ: ...
11:41 16.06.2025
Պլանային ջրանջատում Գյումրիում«Վեոլիա ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված հունիսի 17-ին՝ ժամը 10:30-ից մինչև հունիսի 18-ը ժամը 10:30-ը, կդադարեցվի Շիրակի մարզի Գյումրի քաղաքի ջրամատակարարումը: «Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար»,- ասված է հաղորդագրությունում: ...
11:20 16.06.2025
Իսլամական հեղափոխության պահապանների կորպուսը խոստացել է հարձակվել Իսրայելի վրա մինչև նրա լիակատար ոչնչացումըԻրանի գործողությունները Իսրայելի դեմ կշարունակվեն մինչև թշնամու լիակատար ոչնչացումը: Այս մասին ասվում է Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) հայտարարության մեջ։ «Հանցավոր Իսրայելի ռեժիմի կողմնակիցները պետք է իմանան, որ Իրանի արդյունավետ, նպատակային և մահացու գործողությունները ռեժիմի նշանակալի և զգայուն թիրախների դեմ կշարունակվեն մինչև դրա լիակատար ոչնչացումը», – հայտարարության մեջ մեջբերում է […] ...
11:07 16.06.2025
Իրանն իրավունք ունի օգտագործել միջուկային էներգիան․ ՓեզեշքիանԻրանն իրավունք ունի օգտագործել ատոմային էներգիան և անցկացնել միջուկային հետազոտություններ, հայտարարել է երկրի նախագահ Մասուդ Փեզեշքիանը։ «Մենք իրավունք ունենք օգտագործել ատոմային էներգիան և անցկացնել հետազոտություններ (միջուկային ոլորտում – խմբ.) հասարակության բարօրության համար։ Ոչ ոք իրավունք չունի խլել մեզանից այս իրավունքը», – Փեզեշքիանի խոսքերն է մեջբերում IRIB պետական հեռուստառադիոընկերությունը։ Նա նաև նշել է, որ Իրանը «պատերազմի […] ...
10:55 16.06.2025
Այսպիսի բնական աղետ Ապարան քաղաքում նախկինում չի եղել․ համայնքապետարանԱյսպիսի բնական աղետ Ապարան քաղաքում նախկինում չի եղել։ Պտտահողմը մեծ ավերածություններ է առաջացրել քաղաքի տարբեր հատվածներում և Լուսագյուղ վարչական տարածքում` վնասելով տանիքներ, խանութներ, ավտոմեքենաներ և համայնքային նշանակության կառույցներ։ «Համայնքապետարանը և պատասխանատու բոլոր մարմինները լիարժեք զգոնությամբ և պատասխանատվությամբ են մոտենում այս ծանր իրավիճակին՝ գործի դնելով հնարավոր բոլոր ռեսուրսները՝ բնակիչների անվտանգությունն ու համայնքի բնականոն կյանքը վերականգնելու համար»,-նշված […] ...
