10:53 21.08.2019
Facebook-ում և Instagram-ում «Շանթ» հեռուստաընկերության «Էլենի օրագիրը» հեռուստասերիալի երրորդ եթերաշրջանի պահանջներով ֆլեշմոբեր են սկսվել: Սերիալի երկրպագուները համաձայն չեն սցենարիստի և աշխատանքային խմբի որոշման հետ, և ցանկանում են երրորդ եթերաշրջան:
SHANTNEWS.am-ի հետ զրույցում սերիալի սցենանրիստ Անի Մաղաքյանը նշեց, որ երրորդ եթերաշրջանը նպատակահարմար չեն գտել:
«Պատմության շարունակություն չտեսանք ո՛չ ես որպես սցենարիստ, ո՛չ պրոդյուսերը, ո՛չ ռեժիսորը: Այսինքն՝ միաձայն որոշեցինք, որ լավ կլինի նոր նյութով ներկայանալ ու արդեն 2 տարի էկրաններին եղած հերոսներին հանգիստ թողնենք»,- ասել է Անի Մաղաքյանը:
Սցենարիստը նաև հավելեց, որ նկատել է երկրպագուների պահանջները, որտեղ արդեն ակտիվ հեշթեգեր կան՝ #պահանջումենքԵրրորդԵթերաշրջան, ինչպես նաև երրորդ եթերաշրջանին նվիրված առանձին էջեր են բացել: Նույնիսկ անձնական նամակով են գրում, որոնց մի մասը սցենարիստը հրապարակել էր իր ֆեյսբուքյան էջում:
«Անիիիս, աղաչում եմ, երրորդ եթերաշրջան: Առանց Միկայի ու Անուշի չեմ դիմանա, խնդրում եմ, էլի, ես իրենցով եմ ապրում»,- գրել է սերիալի երկրպագուներից մեկը:
«Էլենի օրագրի» սցենարիստը, իհարկե, շատ ոգևորված է, որ մարդկանց չեն հոգնեցրել և նման պահանջարկ ունեցող սերիալ են նկարահանել, բայց նրա խոսքերով՝ լավ կլինի, որ այս լավ նոտայի վրա դադար տան:
Առաջիկա նախագծերի մասին Անի Մաղաքյանն առանձնացրեց «Թղթե երազանք» և «Երկուսով» սերիալները:
«Սեպտեմբերի 2-ից եթեր կգնա «Թղթե երազանք» 24 մասանոց սերիալը, որը նկարահանվել է Գյումրիում և բավականին սուր սոցիալական հարցեր է բարձրացնում: Մյուս սերիալը կոչվում է «Երկուսով», սիրո դրամատիկ պատմություն է»,- ասել է Անի Մաղաքյանը:
Նոր սերիալներում համագործակցել են «Էլենի օրագրից» հայտնի դերասանների հետ:
20:29 01.08.2025
Օգոստոսի 2-ից ՀՀ քաղաքացիներն ու երկքաղաքացիները օտարերկրյա վարորդական իրավունքի վկայականով կարող են 3 ամիս մեքենա վարելՀայաստանի այն քաղաքացիները կամ երկքաղաքացիները, որոնք վարորդական իրավունքի վկայական են ստացել արտասահմանում և չունեն ազգային վարորդական իրավունքի վկայական, մեր երկրում վարելիս տարիներ շարունակ հայտնվում էին անհարմար իրավիճակում և ենթարկվում վարչական պատասխանատվության։ Այս մասին հայտնել են ՆԳՆ-ից: Միայն 2025 թվականի առաջին կիսամյակում կազմվել է այդպիսի 8020 արձանագրություն, նախորդ տարվա նույն ժամանակահատվածում՝ 5264։ Խնդրի լուծման նպատակով Ներքին […] ...
20:14 01.08.2025
ՀԷՑ-ի կողմից նախագծային ծառայությունների ձեռքբերման նպատակով նախատեսվում է իրականացնել շուկայի նախնական ուսումնասիրություն«Հայաստանի էլեկտրական ցանցեր» ՓԲ ընկերությունը իր բնականոն գործունեությունը ապահովելու և ստանձնած պարտավորությունները կատարելու նպատակով նախատեսում է կազմակերպել գնման բաց մրցութային գործընթաց՝ ուղղված էներգետիկ ոլորտի նախագծային ծառայությունների ձեռքբերմանը (մալուխային, օդային գծեր, ենթակայանների կառուցում և այլ ինժեներական ենթակառուցվածքների ստեղծում): Այս մասին հայտնել են է ՀԷՑ-ից: «Ընկերության կողմից նախաձեռնվող մրցութային գործընթացի օբյեկտիվությունը, ներառականությունը և թափանցիկությունը ապահովելու նպատակով նախատեսվում […] ...
19:54 01.08.2025
Դեսպան Անդրանիկ Հովհաննիսյանը մասնակցել և ելույթ է ունեցել Հելսինկի+50 համաժողովումԱվստրիայում ՀՀ դեսպան Անդրանիկ Հովհաննիսյանը մասնակցել և ելույթ է ունեցել Հելսինկի+50 համաժողովում, որը նվիրված էր Հելսինկիի եզրափակիչ ակտի 50-ամյակին: Այս մասին հայտնում են Ավստրիայում ՀՀ դեսպանությունից: Իր ելույթում դեսպան Հովհաննիսյանը, մասնավորապես, նշել է. «ԵԱՀԿ մասնակից պետությունների ինքնիշխանության, տարածքային ամբողջականության և միջազգայնորեն ճանաչված սահմանների անձեռնմխելիության սկզբունքները շարունակում են ոտնահարվել: Ո՛չ ՄԱԿ-ի կանոնադրությունը, ո՛չ էլ Հելսինկիի եզրափակիչ […] ...
19:46 01.08.2025
Արմեն Աշոտյանի խափանման միջոցը փոխվել էՀՀԿ նախագահի տեղակալ Արմեն Աշոտյանի խափանման միջոցը փոխվել է. տնային կալանքը փոխարինվել է վարչական վերահսկողությամբ։ Այս մասին սոցցանցում հայտնել է Արմեն Աշոտյանի փաստաբան Տիգրան Աթանեսյանը: «Քիչ առաջ ՀՀ վերաքննիչ հակակոռուպցիոն դատարանից ինձ տեղեկացրեցին, որ մասնակի բավարարվել են իմ և պաշտպան Հ.Մարտիրոսյանի վերաքննիչ բողոքները և վերացվել է Արմեն Աշոտյանի տնային կալանքը: Կիրառվել է վարչական հսկողություն, որի […] ...
19:34 01.08.2025
Նախկին «Մանկական աշխարհ» հանրախանութի տարածքում գտնվող՝ 943.602.000 դրամ արժողությամբ 2859.4 քմ մակերեսով հողամասը կվերադարձվի Երևան համայնքինԳլխավոր դատախազության պետական շահերի պաշտպանության վարչությունը հայցադիմում էր ներկայացրել Հակակոռուպցիոն դատարան՝ ընդդեմ «Սոգլասիե Արմենիա» փակ բաժնետիրական ընկերության, երրորդ անձ՝ Կադաստրի կոմիտեի՝ ք.Երևան, Արամի 32 հասցեում գտնվող՝ (նախկին «Մանկական աշխարհ») կառուցապատման համար տրամադրված հողամասի նկատմամբ սեփականության իրավունքը դադարեցնելու և սեփականության իրավունքի պետական գրանցումն անվավեր ճանաչելու պահանջների մասին։ Հակակոռուպցիոն դատարանի՝ 2025 թվականի հուլիսի 25-ի վճռով բավարարվել է […] ...
