17:02 29.11.2017
1967-ի նոյեմբերի 29-ին՝ երկու տարվա շինարարությունից հետո, Երևանում բացվեց Ծիծեռնակաբերդի հուշահամալիրը:
Մինչ այդ, 1965-ի ապրիլի 24-ին աշխարհի տարբեր երկրներում նշվում էր Մեծ եղեռնի 50-ամյակը՝ ուղեկցվելով բազմահազարանոց ցույցերով։ Երևանում կազմակերպված ցույցերի մասնակիցները պահանջում էին հարգել զոհերի հիշատակը։ Ընդառաջելով հանրության պահանջներին` ՀԽՍՀ Նախարարների խորհուրդը 1965-ի մարտի 16-ին որոշեց ցեղասպանության զոհերի հիշատակը հավերժացնող հուշարձան կառուցել։ Այս որոշման մեջ մեծ դեր է խաղացել Հայաստանի Կոմկուսի կենտկոմի առաջին քարտուղար Յակով Զուրաբյանը։
Հայտարարվեց համազգային մրցույթ` հուշարձանի լավագույն նախագծի համար, որտեղ մասնավորապես նշվում էր․
«Կոթողը պետք է մարմնավորի ստեղծագործ հայ ժողովրդի մաքառումներով լի կյանքը, վերապրելու, առաջադիմելու նրա անսպառ կենսունակությունը, նրա ներկան ու պայծառ ապագան` ի հավերժացումն իրենց կյանքը նվիրաբերած 1915ի. Մեծ եղեռնի միլիոնավոր նահատակների անմար հիշատակի»:
Մրցույթին ներկայացվեց 69 նախագիծ՝ «Ժայռ», «Փյունիկ», «Մուշ», «Ղողանջ», «Կրակ», «Կարմիր ծաղիկ» և այլ անվանումներով: Ընտրվեց «ՀՍՍՌ դրոշակ» ծածկագրով նախագիծը, որի հեղինակներն էին ճարտարապետներ Արթուր Թարխանյանը և Սաշուր Քալաշյանը:
Ճարտարապետներից յուրաքանչյուրը պարգևատրում ստացավ՝ 100-ական ռուբլի: Կառույցի վայրն ընտրվեց հեղինակների կողմից։ Այսպիսով, սկսվեց շինարարությունը, որի ֆինանսավորումը կազմեց 400 հազար ռուբլի:
Կոթողի բացումը տեղի ունեցավ 1967թ. նոյեմբերի 29-ին՝ Խորհրդային Հայաստանի 47-րդ տարեդարձի օրը: Հազարավոր մարդիկ շարժվեցին Ծիծեռնակաբերդ՝ իրենց հարգանքի տուրքը հավուր պատշաճի մատուցելու համար։ Նրանց շարքերում էին նաև Խորհրդային Հայաստանի կառավարության ղեկավարները` Ա. Քոչինյանը, Ն. Հարությունյանը, Գ. Տեր-Ղազարյանը, Ռ. Խաչատրյանը, Լ. Ղարիբջանյանը:
1967-ից սկսած` ամեն տարի ապրիլի 24-ին, հազարավոր մարդիկ՝ անկախ սեռից, տարիքից, ազգային ու կրոնական պատկանելությունից այցելում են Ծիծեռնակաբերդի հուշահամալիր և ծաղիկ դնում անմար կրակի շուրջը։ Սկսած 2010-ից՝ այդ ծաղիկները հավաքում են։ Ցողուններից պատրաստվում է պարարտանյութ Հուշահամալիրի տարածքի հողի համար, իսկ թերթիկներից՝ վերամշակված թուղթ, որն օգտագործվում է Ցեղասպանության թանգարանում։
1995-ին հուշահամալիրի տարածքում բացվեց ստորգետնյա թանգարան, որտեղ տեղ են գտել ոչ հանրամատչելի տեղեկություններ 1915-ի իրադարձությունների վերաբերյալ։ Թանգարանի մոտակայքում գտնվում է պուրակ, որտեղ օտարերկրյա պաշտոնյաները Ցեղասպանության զոհերի հիշատակին ծառեր են տնկում։ Համալիրի մոտ կանգնեցվել է ոչ մեծ խաչքար՝ ի հիշատակ 1988-ին Սումգայիթի ցեղասպանության զոհերի։
Հուշահամալիրը զբաղեցնում է 4500քմ տարածք և բաղկացած է երեք հիմնական կառույցներից` Հուշապատ, Հավերժության տաճար, «Վերածնվող Հայաստան» հուշասյուն:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
