20:00 06.12.2019
Գյումրիի նորակառույց ավտոմաքսատան հարակից տարածքում 1 շաբաթ առաջ նոր տնակներ են հայտնվել, որոնք ենթադրվում է, որ հարմարեցվում են հետագայում սննդի և սպասարկման կետեր բացելու համար։ Գյումրիի քաղաքապետարանը սա ապօրինի գործունեություն է համարում: Մի քանի օր տերերին նախազգուշացրել են ինքնակամ դրանք տեղափոխել տարածքից: Բայց պահանջին ընթացք չի տրվել: Այսօր արդեն անշարժ գույքի կառավարման բաժնի աշխատակիցներն իրենք էին եկել ապօրինի տեղադրված 17 տնակները տեղահանելու: Սակայն ամեն ինչ այլ ընթացք ունեցավ, քաղաքապետարանի աշխատակիցների և տնակատերերի միջև վիճաբանություն սկսվեց:
Մաքսատան տարածքում ձևակերպումների սպասող մեքենաներից բացի, առավոտյան ոստիկանական մեքենաներն էին խցանումների պատճառ դարձել: Քաղաքապետարանն էր հրավիրել ոստիկաններին կարգ պահպանելու, ապօրինի տնակների տեղահանությունը անաղմուկ կատարելու համար։ Բայց ամբարձիչ տեխնիկայից առաջ տարածք եկել էին արդեն տնակատերերը՝ գյումրեցիներին հայտնի գործարար եղբայրներ Սարիբեկ և Աթաբեկ Զարգարյանները: Ավտոամբարձիչի ներկայությունը անմիջապես հունից հանեց եղբայրներին, քաղաքապետարանի աշխատողների հետ սկսվեց վիճաբանություն:
Տնակներին մոտենալ չթողեցին: Եղբայրները սկսեցին համոզված ասել, որ տարածքն իրենցն է: Ինչ փաստաթղթային հիմքերով, հարցը, որը տվեցին քաղաքապետարանի աշխատողները, պատասխան չունեցավ:
Տարիներ առաջ, երբ այս տարածքի հանդեպ չկար հանրային հետաքրքրություն, Զարգարյան եղբայրները ասում են, որ իրենք են այն մաքրել, ծառեր տնկել, բայց առանց վարձակալության պայմանագրի ու փաստաթղթերի: Իսկ տարածքը համարվում է համայնքապատկան։
Գյումրիի քաղաքապետարանի անշարժ գույքի կառավարման բաժնի առաջատար մասնագետ Թորգոմ Թորոսյանի խոսքերով՝ այս տարածքում տեղադրված ոչ մի տնակ չունի համապատասխան թույլտվություն, իսկ կարգն այսպիսին է, եթե քաղաքացին ուզում է տարածքում որևէ գործունեություն ծավալել, տնակ տեղադրել, ապա պետք է քաղաքաշինության բաժին դիմում գրի, թույլտվություն ստանա, որից հետո կարողանա տնակներ տեղադրել։ Իսկ նման դիմում Զարգարյանները քաղաքապետարանում չունեն։
Զարգարյան եղբայրները պնդում են՝ ավտոմաքսատան շինարարության ժամանակ հատված ծառերի դիմաց քաղաքապետարանից բանավոր խոստումներ են ստացել, որ իրենց կթույլատրեն տեղում տարածք վարձակալել։
Ըստ տնակատերերի՝ 3 ամիս առաջ ծառերը կտրել թույլ տալու դիմաց իրենց խոստումներ տվել է քաղաքի գլխավոր ճարտարապետ Հենրիկ Գասպարյանը։ Տարածք, սակայն, գլխավոր ճարտարապետը չէր եկել, մեզ հետ բանավոր զրույցում էլ նշեց, թե ինքը ոչ մի խոստում էլ չի տվել, Զարգարյանների նկատմամբ փոխհատուցման որևէ պարտավորություն քաղաքապետարանը չունի:
Զարգարյան եղբայրների ու քաղաքապետարանի աշխատողների վեճն էլ, առանց փաստաթղթային ապացույցների, փոխեց ապօրինի տնակները հանելու վճռականությամբ տարածք եկած պատասխանատուների մտադրությունները: Որպես պատճառ բերեցին երթևեկությանը չխոչընդոտելը, որոշեցին տեխնիկայով մի անգամ էլ գիշերը գալ: Մինչև գիշեր էլ տնակատերերը, հավանաբար, կհասցնեն տնակներին դուռ ու լուսամուտ տեղադրել:
13:14 02.08.2025
Տեխնոլոգիական էկոհամակարգի զարգացման ռազմավարական ուղիները. Forbes ամսագրում հրապարակվել է Մխիթար Հայրապետյանի հոդվածըՕգոստոսի 1-ին հեղինակավոր Forbes ամսագրում հրապարակվել է ՀՀ բարձր տեխնոլոգիական արդյունաբերության նախարար Մխիթար Հայրապետյանի հեղինակած հոդվածը, որը ներկայացնում է զարգացող կիսահաղորդչային և արհեստական բանականության հաբեր մուտք գործելու կարևորությունն ու ռազմավարական ուղիները։ Հոդվածում Մխիթար Հայրապետյանը խորը վերլուծությամբ ներկայացնում է այն մարտահրավերներն ու հնարավորությունները, որոնք ծառանում են զարգացող երկրներում տեխնոլոգիական ներդրումների իրականացման ճանապարհին։ Ըստ նախարարի՝ ներդրումային որոշումներ […] ...
13:00 02.08.2025
Սելարայանի գեղեցիկ գոլն ու «Բելգրանոյի» հաղթանակը․ Արգենտինայի գավաթԱրգենտինայի գավաթի խաղարկության 1/8 եզրափակչում «Բելգրանոն» 2-0 հաշվով հաղթել է «Ինդեպենդյենտեին»։ «Բելգրանոյից» ամբողջ հանդիպմանը մասնակցել է թիմ ավագ, Հայաստանի ազգային հավաքականի կիսապաշտպան Լուկաս Սելարայանը, որը նաև գեղեցիկ գոլի հեղինակ է դարձել 71-րդ րոպեին։ Սելարայանը ճանաչվել է հանդիպման լավագույն ֆուտբոլիստ։ Սելարայանի թիմը դուրս է եկել քառորդ եզրափակիչ, որտեղ կմրցի «Աթլետիկո Տուկուման» – «Նյուելս Օլդ Բոյս» զույգի […] ...
12:49 02.08.2025
Արմավիրի համայնքային ոստիկաններին տեսնելով` երիտասարդը դիմեց փախուստի. նրա ձեռքին եղած կիսաչոր կանեփը կշռում էր մոտ 12 կիլոգրամՀամայնքային ոստիկանության Արմավիրի բաժնում ստացվել էր օպերատիվ տեղեկություն, որ Արևիկ գյուղի բնակչ 53-ամյա մի տղամարդ հողամասում աճեցնում է կանեփ ու նաև ապօրինի պահում է թմրամիջոց։ Տեղեկությունը ստուգվեց հուլիսի 30-ին: Մինչ համայնքային ոստիկանները կհասնեին սեփականաշնորհված հողամաս` ճանապարհին նկատեցին մի երիտասարդի, որը կանեփի բույսեր ձեռքին վազում էր։ Ժամը 14.35-ին նա ձերբակալվեց և տեղափոխվեց բաժին: Պարզվեց, որ փախչողը […] ...
12:40 02.08.2025
Երևանի քրեական ոստիկանները հայտնաբերել են հետախուզվողի․ խափանման միջոցը կալանքՔրեական ոստիկանության Երևան քաղաքի վարչության մարդու դեմ ուղղված հանցագործությունների դեմ պայքարի բաժնի ծառայողները հետախուզվողի թաքնվելու վայրի վերաբերյալ ստացած օպերատիվ տեղեկությունն իրացրին հուլիսի 31-ի առավոտյան: Ժամը 10-ին Կոմիտասի պողոտայում հայտնաբերվեց և վարչություն տեղափոխվեց մայրաքաղաքի Մամիկոնյանց փողոցի բնակիչ 40-ամյա տղամարդ։ Նա հուլիսի 23-ից հետախուզվում էր զենքի կամ նախապես պատրաստված կամ հարմարեցված առարկայի գործադրմամբ առողջությանը ծանր վնաս պատճառելու […] ...
12:39 02.08.2025
Թուրքիայում ձերբակալվել են ահաբեկչական հարձակումներ նախապատրաստելու մեջ կասկածվող անձինքԹուրքիայի իրավապահ մարմինները երկրի հյուսիս-արևմուտքում գտնվող Բուրսայում ձերբակալել են չորս անձանց, որոնք կասկածվում են հանրապետությունում ահաբեկչական հարձակումներ նախապատրաստելու մեջ, հաղորդում է կառավարամետ «Türkiye» թերթը։ Ըստ տեղեկությունների՝ իրավապահ մարմինների աշխատակիցները Բուրսա նահանգի մուտքի մոտ կանգնեցրել են կասկածելի մեքենա, և ուղևորներից առգրավվել է երկու ձեռքի նռնակ։ «Կազմակերպված հանցագործության դեմ պայքարի բյուրոյի կողմից անցկացված հետաքննության ընթացքում պարզվել է, […] ...
12:35 02.08.2025
Իրավապահները Տափերական գյուղում հայտնաբերել են հրացաններՔրեական վարույթի շրջանակում, դատարանի որոշմամբ, հուլիսի 30-ին Քրեական ոստիկանության Արարատի մարզային վարչության և Արարատի մարզային քննչական վարչության ծառայողները խուզարկել են Արարատի մարզի Տափերական գյուղի բնակիչ 27-ամյա երիտասարդի տունը՝ հայտնաբերելով երկու հրացան։ Պարզվել է, որ դրանք տարիներ առաջ երիտասարդի հայրն է բերել Լեռնային Ղարաբաղից։ Հանգամանքները նախաքննությամբ պարզվում են։ ...
