14:59 25.05.2018
Դավիթաշեն գյուղի բնակիչները բողոքի ակցիա էին կազմակերպել՝ դժգոհելով Հյուսիս-հարավ մայրուղու Տրանշ 2 նախագծով կառուցվող Դավթաշեն-Աշտարակ ճանապարհահատվածի կառուցման հետևանքով առաջացած անհարմարությունների դեմ:
Տեղի բնակիչները փակել էին ճանապարհը՝ թույլ չտալով, որ շինաշխատանքները շարունակվեն, քանի որ այդ տարածքով անցնող տրանսպորտային միջոցների համար նախագծով նախատեսված չէ ճանապարհ, ինչի հետևանքով բնակիչները ստիպված են երկար ճանապարհ հաղթահարել քաղաքային տրանսպորտից օգտվելու համար, իսկ նախատեսված շրջանցիկ ճանապարհը բնակիչներին չի բավարարում և նաև անվտանգ չէ: Պահանջ էր դրված նաև վերականգնել տարածքով անցնող տրանսպորտային միջոցների աշխատանքը և Հալաբյան փողոց տանող ճանապարհային կապը:
Խնդիրը մայիսի 14-ին ներկայացվել է քաղաքապետարան և պատասխանի համար սահմանված է 30-օրյա ժամկետ, սակայն բնակիչները մտավախություն ունեն, որ այդ ժամանակահատվածում աշխատանքները կավարտվեն, իսկ իրենց խնդիրը լուծում չի ստանա:
Դրանից բացի՝ ճանապարհին հարող տարածքի բնակիչներն էլ դժգոհում էին իրենց տան պատերին առաջացած ճաքերից ու շինաշխատանքների աղմուկից:
«Մեր տունը ի սկզբանե պետք է օտարվեր, հետո որոշումը փոխեցին և չօտարվեց: Հիմա սաղ պատերը ճաքել են, տեխնիկայի աշխատանքից ուժեղ վիբրացիայա լինում, ոնց որ 8 բալանոց երկրաշարժ լինի: Էլ չեմ ասում, որ տան հիմքն է թուլանում: Ասում են՝ աշխատանքներից հետո առաջացած խնդիրները կլուծվեն, բայց տան հիմքն է թուլացել, դա ո՞նց է արվելու»,- դժգոհում է 2-րդ փողոցի բնակիչը:
Քաղաքապետի խորհրդական Վահե Չիլինգարյանը, նաև քիչ ուշ ժամանած քաղաքապետարանի ԾԻԳ-ի ներկայացուցիչ Վարդան Կարապետյանը առաջարկեցին խնդիրները բանակցությունների սեղանի շուրջ քննարկել: Ավելի ուշ ժամանեց ՏԿԶ նախարարի խորհրդական Սիփան Փաշինյանը, որը ևս քննարկումների ճանապարհը ցույց տվեց:
Բնակիչները, սակայն, հաստատակամ էին: Չէին բացում ճանապարհը և ցանկանում էին հստակ պատասխան: Բանակցությունների արդյունքում ձեռք բերվեց պայմանավորվածություն, որ 3-5 օրվա ընթացքում Ճանապարհային ոստիկանություն ուղարկված գրության պատասխանը կլինի, և բնակիչների բարձրացրած խնդիրները կստանան լուծումներ:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
