15:50 08.01.2018
Երբ պատարագների ժամանակ հայ առաքելական եկեղեցիներում հավատացյալների մեծ թիվ ես տեսնում, հոգիդ մի տեսակ ուրախություն է զգում: Տաղավար տոներին եկեղեցի այցելողների թիվը մի քանի անգամ մեծանում է, բնականաբար, նաև ուրախությունդ է մեծանում: Մտածում ես, որ անընդհատ ավելացող աղանդները ի զորու չեն լինի առաքելական եկեղեցին խարխլել: Ուրախալի է:
Պատարագի ողջ ընթացքում շարականներ երգող ու անկեղծ աղոթող մարդկանց էլ հանգիստ կարողանում ես տարբերել: Երբ կոշիկի կրունկները թեյի բաժակի բարձրության են, իսկ դիմահարդարումը, հագ ու կապը մեղմ ասած եկեղեացական չեն, փոքր-ինչ հիասթափություն ես զգում: Վերջիններիս թիվը, սակայն, փոքր է: Ուրախալի է:
Երբեմն պատարագին զուգահեռ ինչ-որ խոսակցություն ես լսում: Ականջալուր ես լինում. «հին» հավատացյալները «նորերին» բացատրում են այս կամ այն արարողակարգի իմաստը: Ընդունում ես, որ սովորել ցանկացողներ էլ կան: Ուրախալի է:
Այդ բոլոր ուրախությունները, սակայն, վայրկյանական հոդս են ցնդում, երբ պատարագն ավարտվում է: Հատկապես, երբ որոշ եկեղեցական տոների վերջում հավատացյալներին ինչ-որ բան է բաժանվելու (օրհնած կարագ, ջոր, խաղող, նշխարհք): Մոռանում ես հոգևոր նկրտումներիդ մասին ու սկսում խորհել…..ու՞ր չքացան այն հեզ ու խոնարհ աղոթք անող հավատացյալները, որ բոլորից բարձր «Տեր ողորմյա» էին կանչում:
Դպիրների՝ «Հանգիստ մոտեցեք, բոլորիդ կհերիքի» հորդորները պարզապես կորչում են «վաաայ, մի հրեք: Ինչ անեմ, ինձ էլ են հրում», «Ինձ լավ չեմ զգում, թողեք անցնեմ: Լավ չես շարքից դուրս արի: Գնա նստի, հանգստացի», «Չե՞ք ամաչում, խաբելով առաջ եք անցնում: Վատ զգացողիս տեսեք» երկխոսությունների մեջ:
Անկախ ամեն ինչից, վերջում էլ խորանին են մոտենում, ստանում են հասանելիքն ու խաչակնքվելով դուրս գալիս եկեղեցուց: Այդ ժամանակ արդեն չգիտես լաս, թե՞ խնդաս:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
