21:53 06.08.2020
Ինտեգրված սոցիալական ծառայությունների համակարգի փուլ առ փուլ ներդրումը մարզերում դեռ ավարտված չէ։ Երկու տարում այն նոր է հասնում հանրապետության երկրորդ քաղաք։
Գյումրիի Մանուշյան 5 հասցեում 10 օր առաջ դեռ Գյումրիի զբաղվածության կենտրոնն էր աշխատում: Հիմա աշխատակազմը ժամանակավոր տեղափոխվել է այլ հասցե։ Կենտրոնի շենքում և հարևանությամբ շինարարություն է ընթանում, նոր մասնաշենք է կառուցվում: Նոր ու գործող մասնաշենքերն իրար են միանալու, զբաղվածության կենտրոնը իր շենք է վերադառնալու։ Հիմա փոփոխություններ են տեղի ունենում ներսում, աշխատասենյակները հարմարեցվելու են նոր ծառայությունների գործնական նշանակությանը։
Զբաղվածության կենտրոնում և կից կառուցվող մասնաշենքում ամբողջությամբ կենտրոնացվեն սոցիալական ոլորտի ծառայությունները։ Զբաղվածության կենտրոնն այս ընթացքում կգործի ոստիկանության Կումայրի բաժանմունքի նախկին շենքում:
Սոցիալական համալիր շենքում են տեղակայվելու զբաղվածության, սոցիալական ապահովության, բժշկասոցիալական փորձաքննության, սոցիալական աջակցության կենտրոնները։
Բոլորին մեկտեղ կենտրոնացնելու նպատակը մեկ տանիքի տակ՝ մեկ պատուհանի սկզբունքով քաղաքացուն համակարգված ծառայություն մատուցելն է։
Ինտեգրված սոցիալական ծառայությունների համակարգի ներդրմամբ նաև կբացառվի կենսաթոշակ, նպաստ, հաշմանդամության կարգ սահմանելու գործընթացում աշխատակցի շփումը քաղաքացու հետ:
Հիմա նախարարությունը ուսումնասիրություն է սկսել Գյումրիի երկու սոցծառայություններում, նախատեսվում է Գյումրի 1 և Գյումրի 2 կենտրոնները միավորել, արդյունքում՝ աշխատանքային գործառույթների բաժանում է կատարվելու, սա ենթադրում է կենտրոնների միջև վարչարարական և որոշումների ընդունման գործառույթների տարանջատում։
«Եթե մենք տեսնում ենք որոշակի ռիսկեր, դրանք այլևս բացառվելու են, անմիջական որոշում կայացնող ու շահառու այլև իրար հետ շփում չեն ունենալու, եթե դա կոնկրետ դեպքի շրջանակներում չէ։ Նախատեսում ենք հոկտեմբերի 1-ից արդեն նոր մոդելով աշխատել, չգիտեմ ինչքանով կհասցնենք, որովհետև ուսումնասիրում ենք ամբողջ գործընթացը՝ սկսած փաստագրումներից։ Ամեն տարի, գիտեք, քաղաքացիները փաստաթղթեր են հավաքում և ներկայացնում, համաձայն որոնց՝ որոշումներ են կայացվում՝ արդյոք այդ մարդը կշարունակի ստանալ նպաստ, թե՝ ոչ։ Հիմա մենք այդ ամբողջ գործընթացը, որքան հնարավոր է, փորձում ենք նվազագույնի հասցնել»,- SHANTNEWS.am-ի հետ զրույցում ասել է Աշխատանքի և սոցիալական հարցերի նախարարության սոցիալական պաշտպանության վարչարարության ծրագրերի համակարգող Վահագն Ստեփանյանը։
Նոր համակարգը անցանկալի երևույթներն ու կոռուպցիոն ռիսկերի պատճառ հանդիսացող խնդիրները նվազեցնելու արդյունքում նաև անհարկի թղթատարության պահանջներից կազատի, ինչից ևս քաղաքացին կախյալ վիճակում էր հայտնվում։ Միասնական ընդունարանները գործելու են մեկ ընդհանուր տեղեկատվական բազայով՝ օնլայն հարթակում։
13:16 17.06.2025
Հայաստանն աջակցել է Հնդկաստանին իր տարածքով Իրանից հնդիկ ուսանողների տարհանման հարցումՀայաստանի արտաքին գործերի նախարար Արարատ Միրզոյանն ու Հնդկաստանի արտաքին գործերի նախարար Սուբրամանյամ Ջայշանկարը քննարկել են Իրանից Հայաստանի տարածքով հնդիկ ուսանողների տարհանման հնարավորությունը: «Արմենպրես»-ի հետ զրույցում այս մասին հայտնել է ՀՀ ԱԳՆ մամուլի խոսնակ Անի Բադալյանը։ «Հայաստանի և Հնդկաստանի արտաքին գործերի նախարարները քննարկել են Իրանից Հայաստանի տարածքով հնդիկ ուսանողների տարհանման հնարավորությունը: ՀՀ կողմից ցուցաբերվել է համապատասխան […] ...
13:06 17.06.2025
Խորհրդարանը քննարկում է 2024 թ. պետական բյուջեի կատարման տարեկան հաշվետվությունըԱզգային ժողովը հունիսի 17-ին սկսել է հերթական նիստերի աշխատանքը: Նիստերի օրակարգը հաստատելուց հետո պատգամավորները քննարկել են ՀՀ 2024 թվականի պետական բյուջեի կատարման տարեկան հաշվետվությունը: Այն ներկայացրել է ՀՀ ֆինանսների նախարար Վահե Հովհաննիսյանը: Նա արձանագրել է, որ բյուջեի նկատմամբ հետաքրքրվածությունը տարեցտարի աճում է՝ պայմանավորված այն հանգամանքով, որ Ֆինանսների նախարարությունը շարունակաբար փորձում է վերջինիս բովանդակությունն ավելի մատչելի […] ...
12:55 17.06.2025
Աշտարակի համայնքային ոստիկանները Օհանավանում հայտնաբերել են ինքնաձիգ ու փամփուշտներՀամայնքային ոստիկանության Աշտարակի բաժնում ստացվել էր օպերատիվ տեղեկություն, որ Օհանավան գյուղի մի բնակիչ ու նրա որդին տանն ապօրինի պահում են ինքնաձիգ: Հունիսի 12-ի առավոտյան 48-ամյա հայրն ու 23-ամյա որդին ձերբակալվեցին և տեղափոխվեցին բաժին: Հայրը խոստովանեց, որ հացատանն ունի մասնատած ինքնաձիգ ու փամփուշտներ, իսկ որդին հայտնեց, որ ամիսներ առաջ տեսել է հրազենը, և հայրն ասել է, […] ...
12:49 17.06.2025
Ավարտվել է 2020 թվականին Երևանում տեղի ունեցած զանգվածային անկարգություններին մասնակցած ևս 10 անձի վերաբերյալ քրեական վարույթի նախաքննությունըՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում շարունակվում է 2020 թվականի նոյեմբերի 10-ին Երևան քաղաքում կազմակերպված զանգվածային անկարգությունների վերաբերյալ քրեական վարույթի նախաքննությունը: Կատարված բազմաթիվ քննչական և վարութային այլ գործողությունների արդյունքում հիմնավորվել է, որ Հ․Ս-ն, Ս․Հ-ն, Ն․Մ-ն, Ա․Ջ-ն, Շ.Կ-ն, Ե.Ս-ն, Գ.Ղ-ն, Հ.Զ-ն, Մ.Ա-ն, Ս.Մ-ն 2020 թվականի նոյեմբերի […] ...
12:42 17.06.2025
Կենտրոնականի ոստիկանները ձերբակալել են մարմնական վնասվածք պատճառած երիտասարդինՀիվանդանոցից ստացվել էր հաղորդում, որ հունիսի 9-ի կեսգիշերին «ստորին ծնոտի կոտրվածք» ախտորոշմամբ բուժօգնության է դիմել 48-ամյա մի տղամարդ: Նա հայտնել էր, թե վնասվածքը ստացել է տանն ընկնելու հետևանքով։ Համայնքային ոստիկանության Կենտրոնական բաժնից մեկնել էր օպերատիվ խումբ: Միջոցառումների արդյունքում պարզվել էր, որ մայրաքաղաքի Իսրայելյան փողոցում անձնական հարցերի շուրջ ծագած վիճաբանության ընթացքում նրան հարվածներ է հասցրել Ռուսթավելու […] ...
12:35 17.06.2025
ՀՀ ԱԳՆ գլխավոր քարտուղարը հանդիպել է Ֆրանսիայի պատվավոր հյուպատոսի հետՀունիսի 17-ին ՀՀ արտաքին գործերի նախարարության գլխավոր քարտուղար Դավիթ Կարապետյանը ընդունել է Գորիսում Ֆրանսիայի պատվավոր հյուպատոս Կարմեն Ափունցին: Հանդիպմանը Դավիթ Կարապետյանը շնորհավորել է Կարմեն Ափունցին՝ պատվո հյուպատոսի պաշտոնում նշանակվելու կապակցության, երկուստեք կարևորվել է Սյունիքում Ֆրանսիայի պատվավոր հյուպատոսի գրասենյակի բացումը: ՀՀ ԱԳ նախարարության գլխավոր քարտուղարը ընդգծել է ապակենտրոնացված համագործակցության կարևորությունը երկկողմ հարաբերությունների զարգացման համատեքստում: Քննարկվել են […] ...
