20:15 06.11.2020
Գյումրիի ավիամոդելային խմբակը սկսել է անօդաչու թռչող սարքերի կառավարման արագացված դասընթացներ:Դրանք նախատեսված են 20-ից 35 տարեկանների համար։ Ընդամենը մեկ շաբաթվա ընթացքում մասնակիցները հասցնում են ծանոթանալ անօդաչու թռչող սարքերի տեսակներին, կառուցվածքին, դրանցից պաշտպանվելու կանոններին և ձեռք բերել կառավարելու հմտություններ: Արագացված դասընթացներին մասնակցելու և ռազմաճակատին օգնելու ցանկություն ամբողջ Հանրապետությունում հայտնել են մոտ 2000 կամավորներ:
Գյումրիի ավիամոդելային խմբակը սկսեց գործել 2016-ին՝ ապրիլյան պատերազմից հետո: 4 տարիների ընթացքում թռչող սարքերի մոդելավորում և կառավարում այստեղ սովորում էին միայն պատանիները: Հիմա արդեն խմբակի լսարանում տարբեր մասնագիտությունների տեր մարդիկ են, ովքեր իրենց աշխատանքը ժամանակավորապես մի կողմ են թողել ու թռչող սարքերի կառավարում են սովորում։ Բանասերը, տնտեսագետն ու ուսուցիչը միասին հիմա ուսումնասիրում են թռչող սարքերի կառուցվածքը:
Առայժմ թռչող սարքերը վիրտուալ են կառավարում: Հատուկ համակարգչային ծրագիրը թույլ է տալիս որոշակի հմտություններ ձեռք բերել դաշտային նաև լեռնային պայմաններում թռչող սարքերը գործարկելու համար:
Արագացված դասընթացներ կազմակերպելու միտքը Գյումրիի ավիամոդելային խմբակում ծնվել է պատերազմի առաջին օրերին: Ընդամենը մի քանի օրում կամավորների թիվը մոտ 2000-ի է հասել, և դասընթացների անցկացումը Գյումրիի ավիամոդելային խմբակի սահմաններից դուրս է եկել:
«Դասընթացների անցկացման մասին հայտարարություն տարածեցինք: 1-2 օրվա ընթացքում 100 հոգի անդամագրվեց: Հետո մեր հայտարարությունը կրթության, գիտության, մշակույթի և սպորտի նախարարությունը տարածեց ու դասընթացներին մասնակցել ցանկացողների թիվը հիմա 1800-ից ավելին է:Պատերազմում լայնորեն կիրառվում են ԱԹՍ-ներ և որոշեցինք մեր ուժերի չափով օգնենք նրանց, որոնք կամավորագրվել են: Գոնե օդային տագնապի ժամանակ կիմանան, թե ինչպես ճիշտ վարվել և ԱԹՍ-ի ձայնից հասկանալ, թե որ կողմից է մոտենում»,-shantnews-ին ասել է Գյումրիի ավիամոդելային խմբակի կամավոր Տարոն Ասատրյանը:
Դասընթացների մասնակիցների համար անօդաչու թռչող սարքերի տասնյակ ուսումնական մոդելներ են պատրաստել: Երբ գործնական պարապմունքների թույլտվություն ստանան, դրանք դաշտային պայմաններում կփորձարկեն: Խմբակի սաների նախագծած ու ստեղծած թռչող սարքերը նախատեսված են դաշտային պայմաններում 1-1,5 կմ թռիչք իրականացնելու համար: Ուսումնական մոդելները ռազմականի վերածել տեսականորեն հնարավոր է:
Գյումրիի ավիամոդելային խմբակը նաև դրամահավաք է սկսել: Գյումրիի խմբակը Հանրապետությունում միակն է և դրամահավաքի նպատակը գործունեության ընդլայնումն է: Լոռիում և Տավուշում ավիամոդելային խմբակներ բացելու նախնական պայմանավորվածություններ կան: Դրանք ռազմարդյունաբերությունում ինժեներական մտքի զարգացման , հետագայում նաև զինված ուժերում առանձին ստորաբաժանումների ստեղծման հիմք կարող են դառնալ:
00:06 21.07.2025
Երկրաշարժ՝ Սևան քաղաքից 10 կմ հյուսիս
00:06 21.07.2025
Երկրաշարժ՝ Սևան քաղաքից 10 կմ հյուսիսՀուլիսի 20-ին` տեղական ժամանակով ժամը 23:27-ին (Գրինվիչի ժամանակով` ժամը 19։27-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.64⁰ և արևելյան երկայնության 44.98⁰ աշխարհագրական կոորդինատներով Հայաստան՝ Սևան քաղաքից 10 կմ հյուսիս, օջախի 10 կմ խորությամբ 2․4 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3 բալ: Երկրաշարժը զգացվել է […] ...
23:59 20.07.2025
Քաբուլում տասնյակ կանայք ձերբակալվել են դրես կոդը խախտելու համարԱֆղանստանի առաքինության խթանման և արատների կանխարգելման նախարարության աշխատակիցները Քաբուլում ձերբակալել են տասնյակ երիտասարդ կանանց՝ հագուստի կանոնակարգը խախտելու մեղադրանքով, կիրակի օրը հաղորդել է Afghanistan International լրատվական պորտալը։ «Թալիբանի բարոյականության ոստիկանությունը տասնյակ երիտասարդ կանանց է ձերբակալել Քաբուլում՝ հագուստի կանոնակարգի ենթադրյալ խախտման համար շարունակվող հետապնդման շրջանակներում», – հաղորդում է թերթը։ Ըստ տեղեկությունների՝ ձերբակալությունները տեղի են ունեցել ուրբաթ և […] ...
23:48 20.07.2025
Հրդեհ է բռնկվել «Scania» մակնիշի բեռնատարումՀուլիսի 20-ին՝ ժամը 16։20-ին, Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լիճքվազ գյուղի խաչմերուկում այրվում է բեռնատար ավտոմեքենա: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է Մեղրի-Քաջարան ավտոճանապարհի 30-րդ կմ-ին՝ «Scania» մակնիշի բեռնատարում։ Հրդեհը մեկուսացվել է ժամը 17:36-ին, մարվել՝ […] ...
23:27 20.07.2025
Ճապոնիայի իշխող կոալիցիան կորցրել է մեծամասնությունը խորհրդարանի վերին պալատումՃապոնիայի Լիբերալ-դեմոկրատական կուսակցության (ԼԴԿ) և «Կոմեյտո» կուսակցության իշխող կոալիցիան կորցրել է իր մեծամասնությունը խորհրդարանի վերին պալատում ընտրություններից հետո` ըստ տարածաշրջանային և շրջանային ընտրական հանձնաժողովների տվյալների, փոխանցում է ՏԱՍՍ-ը: Այս տվյալների համաձայն՝ ԼԴԿ-ն և «Կոմեյտոն» չեն կարողանա ստանալ անհրաժեշտ քանակությամբ մանդատներ՝ վերին պալատում կոլեկտիվ մեծամասնությունը պահպանելու համար։ Կոալիցիոն մեծամասնությունը պահպանելու համար նրանք պետք է ստանային 124 […] ...
23:00 20.07.2025
Անհամբեր սպասում ենք բոլոր մասնակիցներին և շահագրգիռ կողմերին Հայաստանում՝ կենսաբազմազանության պահպանման ջանքերն առաջ մղելու համար. վարչապետՎարչապետ Նիկոլ Փաշինյանը X-ի իր միկրոբլոգում գրառում է կատարել, որում ասվում է. «Ուրախ ենք հայտարարել, որ Կենսաբազմազանության COP17 համաժողովի ամսաթվերը հաստատված են։ Այն տեղի կունենա Երևանում՝ 2026 թվականի հոկտեմբերի 18-30-ը։ Անհամբեր սպասում ենք բոլոր մասնակիցներին և շահագրգիռ կողմերին Հայաստանում՝ կենսաբազմազանության պահպանման ջանքերն առաջ մղելու համար»: ...
22:35 20.07.2025
Հայաստանը՝ Կենսաբազմազանության համաշխարհային օրակարգի կենտրոնում. հայտնի են COP17-ի անցկացման օրերըՇրջակա միջավայրի նախարարությունից տեղեկացնում են, որ հայտնի են COP17-ի անցկացման օրերը: «Հպարտությամբ հայտնում ենք, որ 2026 թվականի հոկտեմբերի 18-ից 30-ը Հայաստանը կընդունի ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովը՝ COP17-ը։ Այս տասնմեկ օրերի ընթացքում մեր երկիրը կընդունի համաշխարհային բնապահպանական համայնքի ուշադրությունը՝ հյուրընկալելով պետական, գիտական և քաղաքացիական ոլորտի հարյուրավոր ներկայացուցիչների աշխարհի բոլոր անկյուններից։ Երևանը կվերածվի գլոբալ […] ...
