15:20 26.06.2018
Կարեն Կարապետյանը հրաժարվելու է ՀՀԿ նախագահի առաջին տեղակալի պաշտոնից: Այս մասին խորհրդարանում լրագրողների հետ հանդիպմանը նշեց ԱԺ փոխխոսնակ, ՀՀԿ խոսնակ Էդուարդ Շարմազանովը: Վերջինիս գնահատմամբ՝ այդ քայլը նորմալ է:
«Կարեն Կարապետյանը հասուն քաղաքական գործիչ է, ինքն է որոշում՝ լինե՞լ առաջին տեղակալ, թե՞ չլինել. ես հարգանքով եմ վերաբերվում իր որոշմանը»,- ասաց նա:
Հարցին՝ ո՞վ կփոխարինի նրան, Շարմազանովը պատասխանեց, որ ՀՀԿ խորհրդի նիստ կլինի, որն էլ լիազոր է ընտրել ՀՀԿ նախագահի տեղակալ և առաջին տեղակալ: Պատճառներին անդրադառնալով՝ Շարմազանովը նշեց, որ նոր քաղաքական իրողություն է, նոր իրավիճակ: Դիտարկմանը, թե արդյո՞ք փախուստ չէ նրա այս քայլը, ՀՀԿ խոսնակն ասաց.
«Չէ, փախուստ չէ: Մարդը այդքան ակտիվ չէ: Նա գտնում է, որ այս քաղաքական պրոցեսում շատ ակտիվ ներգրավված չէ, և արդար չէ ակտիվ ներգրավված չլինելով քաղաքական պրոցեսներում մնալ այդ պաշտոնին»:
Շարմազանովը նշեց, որ Կարեն Կարապետյանի՝ ՀՀԿ-ից դուրս գալու մասին խոսակցություն չի եղել: Լրագրողները հիշեցրին՝ 2017-ի քարոզարշավի ժամանակ նա ՀՀԿ-ի դեմքն էր, ինչին ՀՀԿ խոսնակն արձագանքեց՝ հիշեցնելով, որ Նիկոլ Փաշինյանն էլ ժամանակին ՀԱԿ-ի դեմքն էր, բայց գնաց և իր կուսակցությունը ստեղծեց:
«Նորմալ է, որ ինչ-որ փուլում ինչ-որ գործիչ որոշում է փակել այս էջը, նոր էջից սկսել: Կրկնում եմ, հարգելի վարչապետ Նիկոլ Փաշինյանը եղել է ՀԱԿ-ի կարկառուն գործիչներից մեկը, բայց ժամանակը եկել է և նա դուրս է եկել ՀԱԿ-ից: Ես կարող եմ բազմաթիվ օրինակներ բերել, երբ այս կամ այն հայտնի քաղաքական գործիչը, ինչ-ինչ քաղաքական նկատառումներից ելնելով, դուրս է եկել մի կուսակցությունից, ստեղծել է նոր կուսակցություն, դա շատ նորմալ է քաղաքականության մեջ»,- ասաց նա:
18:07 14.05.2025
Քաղաքաշինության կոմիտեի նախագահն այցելել է Եղվարդի բժշկական կենտրոնի շինհրապարակՔաղաքաշինության կոմիտեի նախագահ Եղիազար Վարդանյանն այցելել է Կոտայքի մարզում կոմիտեի համակարգմամբ կառուցվող Եղվարդի (Նաիրի) բժշկական կենտրոնի շինարարական հրապարակ։ Շրջայցին մասնակցող բժշկական կենտրոնի տնօրենի, Քաղաքաշինության կոմիտեի պատասխանատու ստորաբաժանումների մասնագետների, նախագծային, շինարարական և տեխնիկական հսկողություն իրականացնող կազմակերպությունների ներկայացուցիչների հետ նա դիտարկել է կատարված աշխատանքները՝ ընդգծելով որակի սահմանված նշաձողը պահպանելու կարևորությունը։ Ներկայում ընթանում են արտաքին պատերի երեսապատման, միջնորմների […] ...
17:54 14.05.2025
Բենզինի ռեզերվուարում բռնկված հրդեհը մարվել էՄայիսի 14-ին` ժամը 09:37-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արին Բերդի փողոցում, նախնական տվյալներով, այրվում է բենզինի դատարկ ռեզերվուար: Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային […] ...
17:45 14.05.2025
Համագործակցության հուշագիր՝ Քրեակատարողական ծառայության և ԵՊՀ սոցիոլոգիայի ֆակուլտետի միջևԱյսօր՝ մայիսի 14-ին, ՀՀ արդարադատության նախարարության քրեակատարողական ծառայության և Երևանի պետական համալսարանի սոցիոլոգիայի ֆակուլտետի միջև կնքվել է համագործակցության հուշագիր, որը ստորագրել են Ծառայության պետ Ծովինար Թադևոսյանը և ֆակուլտետի դեկան Արթուր Մկրտիչյանը։ Համագործակցության անհրաժեշտությունը պայմանավորված է քրեակատարողական համակարգում սոցիալական աշխատանքի ինստիտուտի զարգացման կարևորությամբ, ազատազրկված անձանց վերասոցիալականացման քաղաքականության ամրապնդմամբ, ինչպես նաև քրեակատարողական ոլորտում գիտության և պրակտիկայի միջև […] ...
17:39 14.05.2025
Ընտրակաշառք տալու և ստանալու դեպքերի առթիվ քննված քրեական վարույթով նախաքննությունն ավարտվել էՀՀ հակակոռուպցիոն կոմիտեի կողմից ձեռնարկված օպերատիվ-հետախուզական միջոցառումների արդյունքում նախաձեռնված քրեական վարույթով պարզվել է, որ Գյումրի համայնքի՝ 2025 թվականի մարտի 30-ին նշանակված ավագանու արտահերթ ընտրություններին մասնակցող կուսակցությունների դաշինքի թեկնածուն Գյումրի քաղաքի բնակչին խոստացել է ընտրակաշառք՝ ընտրությանը մասնակցելու, ինչպես նաև իր ներկայացրած կուսակցությունների դաշինքի օգտին քվեարկելու համար ընտրողների հավաքագրում ապահովելու դիմաց: Մասնավորապես՝ նախաքննությամբ պարզվել է, որ հիշյալ […] ...
17:33 14.05.2025
Վարորդական իրավունքի վկայականը կեղծ էր. Գեղարքունիքի պարեկների բացահայտումըԳեղարքունիքի մարզի պարեկները մայիսի 6-ին Ծովագյուղ-Շորժա-Վարդենիս ճանապարհին տեխնիկական զննություն չանցնելու համար կանգնեցրել են Երևանի 27-ամյա բնակչի վարած «ՎԱԶ-2170» մակնիշի ավտոմեքենան: Պարզվել է, որ երիտասարդի ներկայացրած վարորդական իրավունքի վկայականը կեղծ է: Բացի այդ, 29-ամյա ուղևորը պարեկներին է ներկայացրել կիսամոխրացած հետքերով կաթուցիչ: Երիտասարդները մեքենայով հանդերձ տեղափոխվել են Համայնքային ոստիկանության Ճամբարակի բաժին: «ՎԱԶ-2170»-ը տեղափոխվել է պահպանվող հատուկ տարածք: […] ...
