20:05 11.12.2020
«Երևանի աղբահանություն և սանիտարական մաքրում» համայնքային հիմնարկում ձնամաքրման համար նախատեսված հատուկ տեխնիկան սպասում է իր ժամին: Բազմաֆունկցիոնալ բոլոր մեքենաները ջրցանից վերափոխվել են աղցանների: 2019-ի ամռանը ձևավորված համայնքային կառույցն այսօր արդեն 112 միավոր հատուկ տեխնիկա ունի, որից 51-ն օգտագործվում է նաև ձնամաքրման աշխատանքների համար: Այս պահին պահեստավորվել է 5000 խմ աղ և ավազ, ևս 900-ի կուտակումն ընթացքի մեջ է: Կատարված աշխատանքներին ծանոթացել է Երևանի քաղաքապետ Հայկ Մարությանը:
«Շատ եմ կարևորում, որ Երևան քաղաքն ունի իր սեփական հիմնարկը, որը զբաղվում է աղբահանությամբ, սանմաքրմամբ, իսկ ձմռանը՝ ձնամաքրմամբ: Շատ կարևոր է, որ դա հենց Երևանի գույքն է, համայնքի սեփականությունն է, որովհետև տարաբնույթ իրավիճակներ են լինում, երբ պետք են հրատապ լուծումներ, այդ թվում նաև գիշերային ժամերին, և այդ ժամանակ շատ հաճախ մասնավորն իր քմահաճույքներով է շարժվում: Դրա համար էլ ոչ միայն Երևանում, այլև եվրոպական գրեթե բոլոր քաղաքներում և առաջադեմ բոլոր քաղաքներում շատ վաղուց անցել են հենց այդ մոդելին, որ քաղաքն ունի իր սեփական հիմնարկները, իր սեփական գույքը, որ կարողանա ճիշտ և ժամանակին, արագ տնօրինել և արագ արձագանքել բոլոր մարտահրավերներին: Հպարտ եմ, որ կարողացանք շատ կարճ ժամանակում ունենալ այսպիսի հզոր հիմնարկ»,- ընդգծել է քաղաքապետը:
Համայնքային կառույցում տեխնիկական համալրումը շարունակվում է: Բոլորովին վերջերս ձեռք է բերվել երեք նոր բազմաֆունկցիոնալ ամբարձիչ: Դրանք հարմար են հատկապես մայթերը մաքրելու համար:
«Այս գործընթացը շարունակվելու է: Մենք այնքան պետք է մեր տեխնիկան շատացնենք, որ վերջնական բոլոր խնդիրները կարողանանք 100% կամ 120%-ով լուծել»,- նկատել է քաղաքապետը:
Համայնքային հիմնարկի աշխատանքներն ավելի արդյունավետ դարձնելու նպատակով ստեղծվել է ծրագիր, որի միջոցով վերահսկվում է մեքենաների տեղադիրքը, ծախսած վառելիքի և հավաքված աղբի ծավալները:
«Ուզում եմ իմ գոհունակությունը հայտնել հիմնարկի աշխատանքից: Իհարկե, ամենագլխավոր գնահատականը պետք է տան երևանցիները, ես հույս ունեմ, որ երևանցիները նույնպես գոհ են: Նաև ուզում եմ ասել, որ մենք նիշը պահելու ենք ու անընդհատ բարձրացնելու ենք: Այնպես որ՝ առաջ»,- նշել է Հայկ Մարությանը:
23:59 04.08.2025
Կենտրոն վարչական շրջանի բակերը վերափոխվում են նոր ժամանակակից լուծումներով՝ ապահովելով երեխաների համար անվտանգ և հարմարավետ խաղասարքեր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում տեսանյութ է հրապարակել, որին կից գրել է. «Կենտրոն վարչական շրջանի բակերը վերափոխվում են նոր ժամանակակից լուծումներով՝ ապահովելով երեխաների համար անվտանգ և հարմարավետ խաղասարքեր: Շարունակում ենք ձևավորել բարեկարգ, ժամանակակից և մարդկանց համար հասանելի ու հարմարավետ միջավայր՝ Երևանի բոլոր վարչական շրջաններում»։ Մանրամասները՝ տեսանյութում: ...
23:51 04.08.2025
Ռանոսը մասնակցել է «Վալենսիայի» դեմ խաղինՀայ հարձակվող Հրանտ-Լեոն Ռանոսը Մյոնխենգլադբախի «Բորուսիայի» կազմում մասնակցել է իսպանական «Վալենսիայի» դեմ ընկերական խաղին: 22-ամյա ֆուտբոլիստը մասնակցել է երկրորդ խաղակեսին: «Բորուսիան» հաղթել է 2-0 հաշվով: Դարպասի գրավմամբ աչքի են ընկել Ռոբին Հաքը և Քևին Դիքսը: ...
23:38 04.08.2025
Նիդերլանդները կդառնա ՆԱՏՕ-ի առաջին երկիրը, որը Կիևին կմատակարարի 500 միլիոն եվրոյի ամերիկյան զենքՆիդերլանդները կդառնա ՆԱՏՕ-ի առաջին երկիրը, որը Ուկրաինային կմատակարարի 500 միլիոն եվրոյի ամերիկյան զենք։ Այս մասին հայտարարել է Թագավորության պաշտպանության նախարարի պաշտոնակատար Ռուբեն Բրեկելմանսը։ «Նիդեռլանդները դարձել է ՆԱՏՕ-ի առաջին երկիրը, որը Ուկրաինային կմատակարարի ամերիկյան զենքի փաթեթ, ներառյալ Patriot-ի հրթիռներ, որոնց արժեքը 500 միլիոն եվրո է», – գրել է նա X-ում։ Ինչպես նշում է երկրի պաշտպանության նախարարությունը, […] ...
23:27 04.08.2025
Կամչատկայում 5.3 մագնիտուդով երկրաշարժ է գրանցվելԿամչատկայում տեղի է ունեցել 5.3 մագնիտուդով երկրաշարժ։ Այս մասին հայտնել է Ռուսաստանի գիտությունների ակադեմիայի միասնական երկրաֆիզիկական ծառայության Կամչատկայի մասնաճյուղը։ Սեյսմոլոգների տվյալներով՝ ցնցումների օջախը գտնվել է 48.6 կմ խորության վրա։ Երկրաշարժը տեղի է ունեցել Պետրոպավլովսկ-Կամչատկայից 158 կիլոմետր հարավ-արևելք։ ...
23:14 04.08.2025
Վերանորոգվել է Արմավիրի մարզի Լեռնագոգ բնակավայրի 850 մ երկարությամբ խմելու ջրի ջրագիծըՀՀ Արմավիրի մարզպետի տեղակալի պաշտոնակատար, մարզպետին փոխարինող Բարսեղ Նիկողոսյանը Բաղրամյան համայնքի ղեկավար Շանթ Առաքելյանի, մարզպետի աշխատակազմի ոլորտային պատասխանատուների, համայնքապետարանի աշխատակիցների ուղեկցությամբ այսօր այցելել է Լեռնագոգ բնակավայր, ծանոթացել 850 մ երկարությամբ վերանորոգված խմելու ջրագծի աշխատանքներին, տեղում լսել բնակչության կողմից բարձրացված խնդիրները, պատասխանել հնչեցրած հարցերին։ Այս մասին հայտնել են Արմավիրի մարզպետի աշխատակազմից: Առաջարկվել են «Վեոլիա ջուր» ընկերության հետ […] ...
23:03 04.08.2025
Արդյոք Փաշինյանը և Ալիևն ուրբաթ Վաշինգտոնում Թրամփի ներկայությամբ կնախաստորագրեն խաղաղ համաձայնագիրըԴոնալդ Թրամփը Հայաստանի ու Ադրբեջանի ղեկավարներին հրավիել է Վաշինգտոն: Նիկոլ Փաշինյանն ու Իլհամ Ալիևը ուրբաթ օրը հնարավոր է հանդիպեն Սպիտակ տան օվալաձև աշխատասենյակում: Տեղեկությունն այդ մասին տարածում է ադրբեջանական մամուլը՝ վկայակոչելով տեղեկացված աղբյուրները: Արժե՞ այս տեղեկությունը հավաստի համարել: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Առաջինն այս տեղեկությունը X-ի իր միկրոբլոգում տարածել էր ադրբեջանցի լրագրող […] ...
