Ջրագծերի վերակառուցման հետ «Վեոլիա Ջուր»-ն առնչություն չունի. պարզաբանում

«Վեոլիա Ջուր» ՓԲԸ-ի մամուլի ծառայությունը պարզաբանում է ներկայացրել՝ նշելով, որ կապ չունի փողոցներում նոր ջրագծերի կառուցման աշխատանքների հետ: Ըստ հաղորդագրության՝ Երևանում շուրջ 1.5 տարվա աշխատանքի ընթացքում «Վեոլիա Ջուր» ընկերությունը մայրաքաղաքի բնակիչներից պարբերաբար բողոքներ է ստանում հաճախակի ջրանջատումների, փողոցներում նոր ջրագծերի կառուցման աշխատանքների ձգձգման, քանդված կամ չասֆալտապատված փողոցների մասին: «Վեոլիա Ջուր» ՓԲԸ-ի պարզաբանումը ներկայացնում ենք ստորև.

«Ջրաշինարարությունը հասարակության մեջ, որպես կանոն, ասոցացվում է «Վեոլիա Ջուր» ՓԲԸ-ի հետ ու հանիրավի դժգոհություններ առաջացնում վերջինի աշխատանքից: Այս կապակցությամբ «Վեոլիա Ջուր» ընկերությունը հարկ է համարում ներկայացնել հետևյալ պարզաբանումը:

Երեւանում Եվրամիության ֆինանսական կառույցների օգնությամբ IBRD ծրագրի շրջանակում շինարարական կազմակերպությունների կողմից իրականացվում են ջրագծերի վերակառուցման և բաժանորդների անհատական միացումների փոխարինման աշխատանքներ, որի պատվիրատուն հանդիսանում է ՀՀ ԷԵԲՊՆ Ջրային տնտեսության պետական կոմիտեն։ «Վեոլիա Ջուր» ընկերությունը դրանց հետ չունի որևէ առնչություն: Սակայն տվյալ աշխատանքների իրականացման ընթացքում առաջանում են տարատեսակ տեխնիկական բնույթի խնդիրներ, որով պայմանավորված շինարարական կազմակերպությունները դիմում են «Վեոլիա Ջուր» ՓԲԸ-ին՝ ջրանջատման խնդրանքով: Ցավոք, դրանք երբեմն անխուսափելի են դառնում:

Ընդառաջելով երևանցիների ցանկությանը՝ տեղեկանալ իրենց բնակության վայրում ջրանջատումների պատճառների մասին, ստորև ներկայացվում են մինչև սույն թվականի նոյեմբեր վերոնշյալ ծրագրի աշխատանքների տիրույթում ընդգրկված հասցեները.

Արաբկիր վարչական շրջան՝

Ա.Խաչատրյան փող. 6շ, Սոսե-Գյուլբենկյան խաչմերուկից մինչև Սոսե 18ա, Կոնդ I փող-ից մինչև Պարոնյան փող., Կիևյան փողոց 7շ, Պռոշյան փող. 3 տնից մինչև 21 հասցեներ, Շիրվանզադե 4, 6 շենքեր, Մամիկոնյանց 3շ, Կոնդ թաղամաս, Վ.Անտառային փ. 1-170 հասցեներ, Կոտայքի մարզ, գ.Նոր Գեղի, Մաշտոցի փ., Հր. Քոչար փողոցի մայթեզրով Վաղարշյան փ., Դեմիրճյան փ. 27, 29, 31 և 33 շենքեր, Ա.Խաչատրյան 9 շենքից մինչև Խաչատրյան-Գյուլբեկյան փ. խաչմերուկ, Ազատության փողոց, Գյուլբեկյան-Հ.Էմին խաչմերուկ, Հր.Քոչար փողոցի 10 շենք, Կիեւյան-26 շենքի:

Քանաքեռ-Զեյթուն վարչական շրջան՝

Լեփսիուս 6 փ., Յաղուբյան փ., Դրո փ., Գոգոլ փ., Ռայնիս փ., Նորաշխարյան փ., Տիգրանյան փ., Կ.Ուլնեցի փ., Դ.Անհաղթ փ., Բաբայան փ., Գործկոմի փ., Ազատության պող., Ազատության նրբ., Ահարոնյան փ., Վ.Վահյան փ., Վ.Վահյան 10:

Երևանի մյուս վարչական շրջանների մասով իրականացվող աշխատանքների հասցեները կներկայացվեն լրացուցիչ»: