Պուտինը դարձյալ նախագահի թեկնածու է, ի՞նչ կյանքով է ապրում նա

Նորություն չէ, որ ՌԴ նախագահին միայն գործնական իրավիճակներում չէ, որ կարող ես տեսնել: Նա սիրում է լինել թե օդում, թե ջրում, թե ցամաքում ու անգամ սառույցի վրա:                                                                                               

Հոկեյ է խաղացել անգամ  Կարմիր հրապարակում: Օդ բարձրացել նույնիսկ  Կարմիր գրքում գրանցված, անազատության մեջ լույս աշխարհ եկած կռունկների երամի առաջնորդի դերում, որ թռչուններին չվելու ճանապարհը ցույց տա: Պուտինն արագությունն էլ է սիրում. ֆորմուլա 1-ին անձամբ մասնակցեց:  Ղրիմի ափերի մոտ Պուտինը Սև ծովի հստակ սուզվեց խորտակված նավերը տեսնելու համար ու նաև, որ ցույց տա, թե ինչ առնչություն ունեն ՌԴ ու հնագույն պատմությունը: 

«Մենք սուզվեցինք 56 մետր, բայց ես կարող էի այդ խորությունը հաղթահարել նույնիսկ առանց բատիսկաֆի», -ասել է Վլադիմիր Պուտինը լրագրողներին:

Ինչի՞ց  կամ ումի՞ց Պուտինը վախենում

Նրա վախ ներշնչող անձի մասով որևէ բան չի ասվել, փոխարենը որոշ ժամանակ առաջ լուրեր տարածվեցին, թե վախենում է մահափորձից ու հենց դա է պատճառը, որ Մինսկում հրաժարվել է աղ ու հաց ուտել: Թեև 2012-ին ասել էր, որ մահափորձը իր համար վաղուց վախենալու բան չէ: Ժամանակին անգամ խմբավորում են ստեղծել դրա համար, բայց արդյունք չի տվել:

Գուցե չի վախենում, բայց սիրում է վախեցնել

Երբ Պուտինը փորձարկեց «ԶԻԼ» մակնիշի արտաճանապարհային այս մեքենան, Եվրոպայում ասացին, որ դա հենց վախեցնելու համար է: Ավելին, սա այն տանկի նախատիպն է, որով Ռուսաստանը շուտով կհամալրի իր զինանոցը: Այդ ժամանակ Սիլվիո Բեռլուսկոնիի հետ պատահածն արդեն հայտնի պատմություն էր: Stampa իտալական թերթին Բեռլուսկոնիի  թարգմանիչը պատմել էր:

«2010 թվականի դեկտեմբերին Վլադիմիր Պուտինն իր ամառանոց հրավիրեց Բռելուսկոնիին, պնդեց, որ առանձնանան: Խոսակցության ժամանակ նրանց կողքով  եղջերուն է անցել, Պուտինն անմիջապես թեքվել ու կրակել: Հետո որսորդական դանակով կտրել է եղջերուի փորը, հանել նրա սիրտը և արյունոտ վիճակով նվիրել Բեռլուսկոնիին: Իտալիայի վարչապետը փուլ է եկել Պոմպեի պատի պես, ուղղակի ուշագնաց է եղել», – ասել է թարգմանիչը

 Էլ ու՞մ «վախն է բռնել» Պուտինը

2007 թվականին Գերմանիայի կանցլեր Անգելա Մերկելը Պուտինի հետ հանդիպման ժամանակ, ճիշտ է Բեռլուսկոնիի նման ուշագնաց չեղավ, բայց  մի իսկական շոկ ապրեց:

ՌԴ նախագահի  հետ հանդիպման  ժամանակ հանկարծակի սենյակ մտավ ՌԴ նախագահի շունը՝ Կոնին: 

«Շունը ձեզ չի՞ վախեցնում»,- հեգնելով հարցրել է Պուտինը:

Բանն այն է, որ  բոլորին է հայտնի՝ Մերկելը ֆոբիա ունի շներից ու  ամեն բան սկսվել է 1995 թվականին, երբ որսորդական շունը հարձակվել է նրա հարեւանի վրա: Մերկելը զբոսանքից վերադառնալիս տեսել է այդ սարսափելի տեսարանը, թե ինչպես է շունը ամուր կառչել հարեւանի ոտքից: Ժամանակի ընթացքում վախը չի անցել,  անգամ ուղեւորությունների ժամանակ նրա անվտանգության աշխատակիցները անում են հնարավորը, որ տարածքում, որտեղ գտնվում է  Մերկելը, շուն չլինի ընդհանրապես: ՌԴ դեպքում, փաստորեն, չստացվեց, իսկ Պուտինն ասաց, որ չգիտեր այդ մասին: Հետո վստահեցրեց, որ ներողություն է խնդրել Մերկելից, իսկ այդ հանդիպումից մեկ տարի անց փամփլիկ շնիկ նվիրեց նրան:

Ոչ մի նվեր վախի դիմաց չեն ստացել հարցազրույցի եկած ճապոնացի լրագրողները: Նրանց էլ Պուտինի շներից մեկը վախեցրել է: Այն մեկը, որ ՌԴ նախագահի հենց Ճապոնիայում են նվիրել՝  հյուսիսային Ակիտա այցի ժամանակ: Լրագրողները ցանկացան տեսնել, թե ինչպես է զգում իրեն է Յումեն, որի անունը թարգմանաբար երազանք է նշանակում: Տեսան, բայց նաև վախեցան:

Էլ ի՞նչ է սիրում անել Պուտինը

Անեկտոդներ պատմել: Միայն թե 2013-ին՝ ԵՄ-ի բազայի վրա նոր քաղաքական դաշինք ստեղծելու ժամանակ, Անգելա Մերկելին պատմած անեկտոդն առաջին գիշերվա մասին էր, ու այն Մերկելին ընդհանրապես դուր չեկավ:

«Շատ անեկդոտներ կան այս հաշվով։ Ինչպես էլ առաջին գիշերը չգործես ՝ արդյունքը պետք  նույնը լինի, հասկանու՞մ եք»,-  պատմեց Պուտինը, Մերկելը նրան պատասխանեց  «թարս չափող» հայացքով:

Էլ ո՞վ է «չափել» Պուտինին

 «Պուտինի հաջողությունները մարտարվեստում խարդախություն է:  Նրա մրցակիցները դիտմամբ են պարտվում, թող նա ինձ հետ մրցի»:

Ազգային անվտանգության հարցերով ամերիկյան Lawfare բլոգի խմբագիր Բենջամին Ուիթսն անցյալ տարի է ՌԴ նախագահին այսպիսի մարտահրավեր արել: Ուիթսը, ով սև գոտիներ ունի թեկվանդոյից և այկիդոյից, շեշտել է, որ իր մարտահրավերը Պուտինին կատակ չէ: Բայց Պուտինը լռում է, իսկ Կրեմլի կայքը նշում, որ  Պուտինը 11 տարեկանից զբաղվում է ձյուդոյով և սամբոյով:

Ի՞նչը անտարբեր չի թողնում Պուտինին

ՌԴ նախագահը չի կարողանում անտարբեր մնալ, երբ դաշնամուր է տեսնում: Ապացույցներից մեկն էլ անցած տարվա է: Չինաստանի մայրաքաղաք Պեկինում պաշտոնական այցով գտնվող Ռուսաստանի նախագահ Վլադիմիր Պուտինը երկու մեղեդի կատարեց  դաշնամուրով, որոնցից մեկը Մոսկվայի, մյուսը՝ Ս. Պետերբուրգի մասին էր: Ռոյալը կայսերական «Դյայոյտուայ» պալատում էր դրված:

Ի դեպ, Վլադիմիր Պուտինը ոչ միայն նվագում է, այլ նաև երգում ու երգել է թե  Միացյալ Նահանգներից  արտաքսված ռուս գործակալների հետ հանդիպման, Մոսկվայի պետական համալսարան կատարած այցի ժամանակ, ջազ ու բարեգործական համերգների ժամանակ: Ըստ պտտվող լուրերի՝ բարեգործական համերգի ժամանակ ՌԴ նախագահը միայն նվագելով ու ջազ կատարելով չի բավարարվել:

 Պուտինի կրոքոտ SMS-ների մասին

Սանկտ Պետերբուրգում 2010 թվականին  բարեգործական համերգի  էր կազմակերպվել քաղցկեղով հիվանդ երեխաներին օգնելու համար: Համերգ-երեկոն, որին մասնակցում էին  համաշխարհային աստղեր, օրինակ՝  Ալեն Դելոնը, Շերոն Սթոունը, Մոնիկա Բելուչին, Քևին Քոսթները, Վենսան Կասսելը, Ժերար Դեպարդիեն: Համերգն  ավարտվեց, երեկոն անցավ, բայց որոշ ժամանակ անց գերմանական թերթերը գրեցին, թե դերասանուհի Շերոն Սթոունի ընկերուհին պնդում է, որ  Վլադիմիր Պուտինը  կրքոտ  հաղորդագրություններ է ուղարկում  դերասանուհուն, բայց  Սթոունը Պուտինին  «առանձնապես սեքսուալ» չի համարում։  Պուտինը չարձագանքեց: Նա իր՝ ավելի շատ ձկնորս լինելու մասին է սիրում խոսել:                                                                    

 Է՞լ ինչի մեջ են մեղադրում ՌԴ նախագահին

Մինչև անգամ հոմոսեքսուալ լինելու:  Իսկ ավելի շատ, որ ուշանում է հանդիպումներից: Միտումնավոր կերպով, թե՝ ոչ, բայց նա ստիպում է իրեն սպասել: Ամենից շատ նրան սպասել են Անգելա Մերկելը՝ 4 ժամ 15 րոպե: Վիկտոր Յանուկովիչը՝  4 ժամ: Ճապոնիայի, Մոնղոլիայի, Իսրայելի ղեկավարները՝  3 ժամ: Պուտինը սպասեցնել է տվել անգամ Հռոմի Պապին՝ 1.5 ժամ: Ու դա միակ դեպքն էր, երբ Պուտինի մամլո ծառայությունը հայտարարությամբ բացատրեց ուշանալու պատճառը՝ ասացին նախորդ հանդիպումը երեկար է տևել ու մեկ էլ գանլիս ճանապարհն են կորցրել:

Մեծ Բրիտանիայի թագուհի Ելիզավետա II-ը  էլ է սպասել Պուտինին՝  քառորդ ժամ:  Իսպանիայի ու Շվեդիայի թագավորները ևս սպասողների ցանկում են: Իսկ Թուրքիայի նախագահ  Ռեջեփ Թայիփ Էրդողանի աթոռն ուղղակի վայր գցեց:

Դժվար է ասել այս ամբողջ խառանաշփոթը մեղմելու համար, թե մեկ այլ բանի, բայց ՌԴ նախագահը սիրում է լոգանք ընդունել ու այն էլ սառցաջրում: Վերջինը մենաստանում էր՝  Տիրոջ մկրտության տոնի  ժամանակ Սելիգեր լճում: Ի դեպ, այստեղ ամենևին էլ Ուղղափառ եկեղեցու կանոններով չի խաչակնքվում:

Բայց ջուրը սիրում է այնքան, որ չի խուսափում նաև անձրևի տակ մնալուց: 

Ակցիաների է մասնկացում, գաղտնի հանդիպումներ ու այցելություններ կատարում: 

Թվիթերում,Ֆեյսբուքում, ընդհանրապես որեվէ սոցիալական ցանցում էջ չունի: Բոլոր նորությունները նրա հայտնում են աշխատակիցները: Դժվար է ասել իսկպես գոհ է իր կանքից թե ոչ, բայց փաստը մնում է փաստ՝ անքան հաջողակ է, որ 22 տարեկանում լոտոյի տոմսով Զապորոժեց է շահել: